1 TIMOTÌÙT 2:7 - Ala Ane Wene Ket Mene Warogo Wo'ninapike Wene

⁷ Atì'nogo akikerek atì nen, at en he, “Hat en ebe wene atì apùnì etakwe mene nen eberogoat ìlùk ina'la akìlìk wanuagalùk, yakùlisìlìk nìkì logoino,” ìlùk, an nayoko hìlìk lakhani wagaikomo, yogoisìlìk nìgìrek atì. Atì'nogo ìgì atì eberogoat ìgì. Napeliak ìgì lek o.

1 TIMOTÌÙT 2:7 ပူးပေါင်းရင်းမြစ်များ

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

2 TIMOTÌÙT 1:11

Atì'nogo isikesik, an hano wene atìat yogoisìgìk, yakùlisìgìk, ìlìk nìkì logouagalùk nayoko hìlìk lakhani wagaikomo nìkì lagì atì.

ÙRÙM 9:1

An nerùgì nagaiya'lak ninùkùl etage omakeat mene weak werek atì nen, na'la weagat welagìk, koloat welagìk, ìkì lagì. Na'la nen he, “Ala nen, an Karìsùt neperak hutik welago mene atì kopologo herakhanìlìk, it inobùlù'mo homan hanilep e, akìkì lagì atì ba, it woginabilep e,” ìlùk Karìsùt neperak hutik logolìk ìgì atì re, eberogoat ìgì. Napeliak ìgì lek o. Ala Areagùnn nen na'la logolìk, “Wene atì re, eberogoat,” ìlùk yogonetìk, nokawerek na'la nen hogo re, “Eberogoat ìgì,” ìlùk akìgìk, ìgìrek.

ÙRÙM 15:16

An nebe at Karìsùt Yesùt awe a'ma logolìk apùnì etakwe mene woginabuagalùk nayoko hesikomo, at Ala a'la hanorogo Areagùn atì ba it inebe Ala hisagalùk, at ane hano wene atì yogoisìlìk nìkì lagì o.

KALATIA 2:9

Atì'nogo hùthinasukwasik he, it Yakobùt mel, Peterùt mel, Yohanet mel, Ala againapùrì nen he, “Nit ninogogì it werek,” ìlùk egarek mene nen he, “Hit en he, wene apùnì etakwe mene yogoisìlìk lano. Nen, nit en he, apùnì inogat inekalìma mene palek mene hesik yogoisìlìk logoin. Ninom hutigat hagatì logouok,” ìlùk he, Parenapat neperak nineki hak-hak hai wa'ninapukwa.

KALATIA 1:20

Wene an nen helal waganogo hinoba lakhei wagì atì re, Ala eilhanemat eberogoat ìgì o. Napeliak ìgì lek.

KALATIA 1:16

Wena'napikesik he, hano wene aput Yesùt hagasike wene a'nogo apùnì etakwe mene yogoisìlìk nìkì logouagalùk aput ebe nelokoma melagaikomo re, wene apùnì aike inoba hinok wanhì'legat o.

ÙRÙM 11:13

Wene yì hit apùnì etakwe mene yogohisak. Ala nen he, an nayoko hìlìk hit etakwe mene hinoba lakhani wagaikomo wagagisik hagatì lagì atì nen, esin motok ìlùk hogorakìkì lagi o.

2 PETERÙT 2:5

Atì higirat, apùnì hageat welagaukwa atem oba logolìk, Ala inabìt mene nen inoabùt weak hagatì lagaukwama Ala nen heraksìgì'lek. We, i naphap yelùk-salùk ìlìk inoasuagalùk inoba pelakhei wagaikomo inoatì logolìk, Nu, apùnì inoabùt Ala a'la walok mene hagatì logouagalùk wene yogoisìkì lagaike mene ho, inebe 7 ba aike ho, telinapike atì.

KALATIA 3:9

Aberaham etaùken Ala oba hìpìrethesikomo, at en hanothesike hak, it apùnì aike inetaùken Ala oba hìpìrethagarek mene hùgì inom higit hogoat hanorinaperegat o.

2 KORÌTÙT 11:31

An wene ìgì atì re, napeliak ìgì lek o. At ninoe Etagepogot Yesùt opase Ala apnù waganogo hogorato motok logogun mane a'nogo elu.

ÙRÙM 10:14

Ala nen he, wene aike mel isike: “Apùnì hano wene wolok yogoisa lagaikarek mene atì, hano motok o,” ìlùk isikomo helal waganogo hesukwama werek meneat he, hano wene atì wolok loagalùk inayoko hìlìk laksìgì'lek halok, nìkì'nogo nen yogoisa lasak. Nen, it aike nen wene ebe yogoisa lagì'lek werek kolek he, at abok nìkì'nogo nen inasuk holusak. Nen, at abok holhì'lek logolìk he, nìkì'nogo nen inetaùken at oba hìpìrethousak. Apùnì inetaùken at oba hìpìrethìgì'lek logolìk he, etage nìkì'nogo palusak.

LAKSASIKE 26:20

Wene atì, emakum it apùnì Yahuri mene o Tamìsìk atoma welagaukwa mene yogoisasigi. Hobuk o Yerusalem lìlìk logolìk, it atoma mene yogoisìgìk, o propinsi Yurea mene obogat yogoisìgìk, isigisik, it etakwe mene yogoisìlìk nìkì lagì. Atì'nogo yogoisìlìk nìkì logolìk he, Weak hagatì lagep mene heraksìlìk hinoabùt hebelarìk hinelokwe Ala wogo'no o. Hinelokwe Ala wogorìk he, hinoabùt apùnì inoabat hebelarìk hagatarek hagat hagatì logoino o, ìlùk yogoisìkì lagì.

LAKSASIKE 22:21

Atì'nogo yogotenem, ninoe Etagepogot en he, It apùnì etakwe mene walegat atoma inoba lakhagagin atì nen he, lan o, ìlùk yogonesike,” ìlùkk yogoisasike.

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

YOHANET 7:35

it ap Yahuri inogogì kaintek amanogo nen, it-it ìkì logolìk he, mel isukwa: “At yì o koma lìlìk were'ma, nit at herarik lìlìk ninom apì asugun lek en yogonisike akegep. Ap nit mene o pulelogo apùnì Yunani mene were'ma inoba lagaukwasik were'ma inoba lìlìk, apùnì Yunani mene wene yakùlisìkì logoigìlùk ike akegep a?

KALATIA 2:16

Mene re, apùnì wene Ala nen ninasuk wasike wene a'nogo higit hogo hagatenem he, Ala nen ùkùm inoba mene korogo wokhìlìk inom hobuk inapotkwe hùnogo hisikerek lek. We, inetaùken Yesùt Karìsùt oba hìpìrethikenem enek, hùnogo hisikerek ìlùk hineluat o. Wene atì hesik, Ala ane ba helal mel waganek werek: “Apùnì aike nen higit hogo hagatenem, ùkùm inoba mene korogo wokhìlìk, inom hobuk inapotkwe hùnogo hisikerek lek,” ìlùk helal waganogo hesukwa atì nen, nit en wene Ala nen ninasuk wasike wene a'nogo higit hogo hagatenem hùk. We, ninetaùken Karìsùt oba hììrethikenem ùkùm ninoba mene korogo wokhìlìk, at ninom ninapotkwe hùnogo hinoagalùk, ninetaùken Karisùt Yesùt oba hìpìrethesugu atì.

ÙRÙM 1:9

Atì'nogo hai watì logolìk he, hit hesik kamo ìgì'lek sapan ikoat welagì mene, at Ala elu o. An Ala awe a'ma logolìk, hano wene at aput hagatì lagaike wene atì apùnì yogoisìlìk nìgìrek atì, netaùken oba nen, at Ala hesik hagathisìkì lagì o.

1 KORÌTÙT 9:1

An nalepma welagìrek lek nogo? At Ala nen nayoko hìlìk lakhani wagaike lek nogo? Ninoe Etagepogot Yesùt ebe an neileken hìgì'lek nogo? Ninoe Etagepogot neperak hutik logolìk hagatì mene, hinebe welagep atì lek nogo?