1 TIMOTÌÙT 2:3 - Ala Ane Wene Ket Mene Warogo Wo'ninapike Wene

^3-4 At Ala telninapùkwe a'nogo a'la akìkì logolìk he, “Yì apùnì tì apùnì obogat telinapìk, ebe wene tùkùm hogo inelu asuagalùk yakùlisìgìk, usak mene,” ìlùk a'la walok akikerek atì nen he, hit atì'nogo ìkì logogun halok he, hano.

1 TIMOTÌÙT 2:3 ပူးပေါင်းရင်းမြစ်များ

IBERANI 13:16

Atì'nogo ìkì logolìk, apùnì aike hano hagarinapìk, leberisìgìk, ìkì logouok. Atì'nogo ìkì logousak atì re, Ala a'la hanorogo ako waretì logou hagat ma re, oba lì'mathousak motok lek o.

1 TIMOTÌÙT 1:1

Timotìùt naput e. Hetaùken Karìsùt oba hìpìrethesigin atì nen, an naput eberogoat agaginmo re, wene yì an Paùlùt en helal palogo hoba lakhei wagì atì. At Ala telninapùkwe ho, Karìsùt Yesùt en hano'ninabigin ìlùk nina'la akìkì lago mene a'nogo ho, eperak enat nayoko hìlìk, at Karìsùt Yesùt hesik hagatì logouagalùk lakhani wagaukwama wagagi atì. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetik, inetawìthapìk, hetaùken hapuguthapìk, ìkì logouak o.

1 PETERÙT 2:20

Meneat he, hit en weak hagasugun oba, oko tùgì hinoato kolek, hinepe morogo logogun halok, hogothinabusak nogo? Lek o. Hinoabùt enat usak o. Meneat he, hano hagatenem, yì aik tì aik hagathinapo kolegat, hinepe morogo logogun halok he, Ala oabùt hano nen hanothinabiginat o.

ÙRÙM 14:18

Hit Karìsùt atitigeko logolìk, wene atì hesik hano hagatì logoumo, Ala a'la hano agìk, apùnì aike ina'la nen he: “At atì hano,” ìlùk ina'la akìgìk, ugunat o.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

1 TESALONIKA 4:1

Nerùgì nagaiya'lak. Wene elùgùn oba aike yì yogohisak. Nit ninoe Etagepogot Yesùt en, “Hinoabùt Ala a'la hanorogo, yì'nogo hagatì logoino, tì'nogo hagatì logoino,” ìlùk, isikomo yakùlhisa wagagu a'nogo hinelu. Atì'nogo yakùlhisasugumo, hit en atì'nogo hagatì lagep meneat he, hobuk aike inom hogo hùkorogo hagatì logouageip ìlùk, ninoe Etagepogot Yesùt ninom hutik logolìk hinasuk warogo yogohisìgì atì.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

LUKAT 1:47

Ala nen telnape mene a'nogo nen yì'nogo haga'napomo na'la hai apik hakìkì lagì o.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

1 TIMOTÌÙT 5:4

Atì'nogo meneat he, it soge mene atì ineagwì, inagonabì tagomakwe mene aike werek halok he, it atì nenat, “Nit ninebe ero omakeat en tago mene,” ìlùk, it en hagasusak mene yakùluak. Ati re, at Ala a'la nen he, “An nawe a'ma logolìk, inopaselak en kùlinapì lagaukwa hak, oko it tak hanorogo leberisìkì logousak o,” ìlùk a'la walok akikerek atì nen he, atì'nogoat leberisìkì logouak.

PILIPI 4:18

Yogotak he, hit lebe'neegepma, helìgìrik, an obogat walok akìkì lagì mene elok agasik ato titelagaat o. Ap Epaporolìtùt oba hegepma wo'nesi wagama nen, neilmo werek aga. Hit en an lebe'neegep atì re, wam Ala hesik warogo etu loletì logolìk obasi hano mene lìagatenem, at a'la hano agarek hak, atì'nogo lebe'neegepma, at Ala a'la hano aga o.

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

1 TIMOTÌÙT 4:10

Ala ebe re, yì apùnì tì apùnì obogat telinapùkwe welagarek meneat he, esin hake re, nit ninetaùken at oba hìpìrethìkì lago mene hùgì telninaperek atì nen, ninetaùken at eluk motok welagarek mene oba hìpìrethìlìk, at hesik ninaberalì lek hogoat, ninomamerogo hagatì lago.