1 TIMOTÌÙT 2:10 - Ala Ane Wene Ket Mene Warogo Wo'ninapike Wene

¹⁰ Inalìlìke wanu hak he, inoabùt Ala a'logomì logolìk hagasu hagat, it aike hanorogo leberisìkì logouak.

1 TIMOTÌÙT 2:10 ပူးပေါင်းရင်းမြစ်များ

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

ABÌKAKAN 2:19

Hit hinoabet hagatesep mene atì an nelu o. It apùnì aike hinetawìrogo welagasep atì mel, hinaberalì agì'lek hinoabùt hùpù hogo welagasep atì mel, it aike leberisegesep atì mel, it aike nen yì aik tì aik hinoba hiko kolek, hinepe morogo welagasep atì mel, obogat an nelu o. Nen, alep hamùlùgat negen hagatì lagagip meneat he, yogotak motok apik hagatì lagep atì, an neluat o.

LAKSASIKE 9:36

O Yope atoma, he aike etage Paik ìlùk, apùnì Yunani mene inane ba etage Torekat u hak, it inane ba Tabita ìlùk ìkì lagaukwa mene welagaike. At he atì, ninoe Etagepogot Yesùt ane wanhikesik, yì mene tì mene hano hagatì logolìk, apùnì inekim lek inelageik mene leberisiko motok welagaike.

2 PETERÙT 3:11

Yì mene tì mene obogat atì'nogo lek asigin atì nen, hit hinoabùt nìkì'nogo hagatì logousak akegep. Ala nen hagasigin atì like pogot etu houmo re, amulok en heleleng hogo nìkìk, yì mene tì mene ero inom tamuk-tamak hogo nìkìk, igin atì nen, weak hagatì'lek tegelek logolìk, hinebe Ala hesik hisìlìk, at ebe serogo logolìk, ebe hepok wesuagalùk akiluk hogo hagatì logoino o.

TITUT 3:8

ìgì atì eberogoat o. Hat en it aike inetaùken Ala oba hìpìrìk werek mene hùgì nen, apùnì aike hesik hanorogo leberisagarek atì mene esinethìlìk akiluk hogo hagatì logoumo, apùnì obogat hesik hano motok, ìlùk, atì'nogo hagatì logouagalùk, inasuk ning hogo watì logoinogolùk, an na'la akìgì mene yogohetì atì.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

LAKSASIKE 9:39

“Ì o. Halok he, puok,” ìlùk inom pisukwa. Pisukwasik he, Peterùt ebe wolok hùlùpo inom lagasukwa. Hùlùpo lagalìk were'ma, it hìmì soge mene at oba horok hogo atogosi wagaukwasik, le aga logolìk he, su eilemkwe mene lek, etakwe uan mene lek, he Torekat eluk oba inom logolìk, karisasike mene ìnùkhasukwa.

1 TIMOTÌÙT 2:9

Ati hak, it hìmì re, inesi lalhìk, melei ìtarek hak emas mene ìtìk, eilepanì ìtarek hak mutiara mene ìtìk, su oko hùko mene labetìk, usak motok lek. We, ineil lopok hogo logolìk, inalìlìke siok hogo wanusak meneat wanhì logouagalùk yakùlisanogolùk yogohetì atì.

1 TIMOTÌÙT 2:11

It inane lek hogoat logolìk, wene yakùlisikenem, inasuk hologoat logouak.