1 TIMOTÌÙT 2:1 - Ala Ane Wene Ket Mene Warogo Wo'ninapike Wene

^1-2 An nen wene aike esin mene yì Ala againapùrì inasuk wa'nogolùk yogohesik. Nit apùnì ninom hano lìok hogo logolìk he, Ala hogoratì logolìk, apùnì hesik higit hogo hagatì logousak mene hagatì logouok en he, apùnì obogat hesik mel, kaintek inetage pogot hesik mel, it aike inetagewerek logolìk ha'nisek welagaikarek mene atì, inebe obogat hesik mel, sapan ìkì logolìk he, Ala ayoko hìgìk, kìno yogotìk, hai watìk, ìkì logouagalùk inasuk watì logoino o.

1 TIMOTÌÙT 2:1 ပူးပေါင်းရင်းမြစ်များ

2 TESALONIKA 1:3

Nerùgì nagaiya'lak. Hit hinetaùken Karìsùt oba hìpìrìk welagasep mene atì, aike inom hùkorogo hìpìrethìgìk, hit-hit hinebe lopok netawì-hetawìrogo hagatesep mene atì, aike inom hùkorogoat hinetawìrinapìk, ìkì lagep atì nen, nit en hit hesik Ala hogorasusak meneat hogorato motok welago.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.

EPESÙT 5:20

Ninhùp-nanhùbat yì mene tì mene obogat hesik he, ninoe Etagepogot Yesùt Karìsùt etage palogo re, ninopase Ala hai watì logoino o.

2 TIMOTÌÙT 2:24

At sa nen ninoe Etagepogot hesik hagatì logolìk, atì'nogo hagasusak lek. We, apùnì obogat oabùt lìok hogo inom logousak o. Epe morogo logolìk, apùnì wene hanorogo yakùlisìkì logousak.

PILIPI 1:3

An he, ninhùp-nanhùbat hit hinoba motok eberek logolìk, nopase Ala at hai watì lagì.

IBERANI 6:11

Nerùgì nagaiya'lak. Nit nina'la walok he, hit hina'la nen he, “Ala nen nit hano'ninabigin,” ìlùk hina'la hai hakìkì lagep mene atìat akìkì logopik, hùlì elùgùn oba ese asuageip en he, hagatì lagep atì hagat hinebe lopok hinomamerogo hagato motok logousak walok akìkì lago o.

TITUT 3:2

It Ala againapùrì atì nen he, apùnì aike inabok weak palhì'legat, inane pak weak wenagisìgì'legat, it aike nen inoabùt enagat hùtsoagalùk apùnì obogat hesik inoabùt enago lìok hogoat hagatì logouagalùk inasuk watì logoinoat.

TITUT 2:11

It obogat en atì'nogo hagatì logousak atì re, Ala oabùt hano nen yì apùnì tì apùnì obogat telinabigìlùk ìlì'logo mene atì oabùtt enagat weinamathesikomo werek atì nenat o.

1 TIMOTÌÙT 5:5

Mene re, hìmì soge eberogoat apùnì ero it mene le'ma inaligat logolìk he, “Ala nenat lebe'nisegein,” ìlùk, inetaùken at oba hìpìrethìlìk, likene hùako ayoko hìgìk, kìno yogotìk, iko motok welagaikarek.

1 KORÌTÙT 15:3

Wene emakum an yakùlnesukwama, wanhigi meneat hit hobuk yakùlhisasigi atì re, ebe mel akìgì. Nit weak hagatì lagagu mene hesik, at Karìsùt nineki elùgùn oba wasugun ìlùk helal waganogo hesukwa higit hogoat ebe wasukwa atì.

LAKSASIKE 17:30

It alep Ala ebe inokot logolìk, inoabùt weak hagato kolegat he, at en epe morogo heraksìkì lagaike. Atì'nogo meneat he, yogotak ya, at en he, Yì apùnì tì apùnì obogat tì sat inanema waganogo ùkùm inoba hìgìk, kotìk, higit hogoat uak, ìlùk ap aike wenagasogo hìlìk ayoko hikomo werek atì nen, nit apùnì weak hagatì lago mene heraksìlìk ninoabùt hebelasuagalùk yogonisìlì'logo atì. Halok, nit en he, Wene atì'nogo hagasigin atì, eberogoat, ìlùk, nit obogat hùthoagalùk, ap atì ebe wa'lagaikesi'mo nen, opase nen apotkwe eluguthesikomo werek o,” ìlùk yogoisasike.

1 TESALONIKA 3:12

Nit en hit hinebe ninetawìrogo welago hak, hit en atì'nogoat hit-hit hinetawìrogo hagatìk, apùnì obogat hinetawìrinapìk, hùkorogoat hinetawìrinapì logouageip en, ninoe Etagepogot en hinoabùt inetawìrinaparek atì mene oba louk hogo aike inomat wokhisìkì logouak.

ÙRÙM 6:17

Hit alep he, weak hagatarek atì awe a'ma kìlìk were'ma, hobuk, wene yakùlhisikenem, wene atì hinetaùkenma wanhigip atì nen he, Ala hai wasuok o.

ÙRÙM 1:8

Nerùgì, nagaiya'lak. Wene ebe yogohisak en he, alep yì tak yogohisak. Apùnì o yì awì tì awì a'loma nen, hit obogat hinabok hano ìkì logolìk he: “It apùnì Ùrùm mene inetaùken Yesùt oba hìpìrethìlìk welagaikarek o,” ìlùk egarek atì nen, Yesùt Karìsùt yogorik enek, “Nopase Ala,” ìlùk hai watì lagì.

2 KORÌTÙT 8:6

Wo'nisagama re, at Titut hit hinom logolìk, hit en Ala againapùrì aike hinetawì nen leberisùogolùk isigip mene atì hesik yogohisìkì laga hak arat atogosuagalùk a'la kagalho.

EPESÙT 3:13

Atì nen he, an yogotak ya hit hesik weaga'nabì'lùgì atì nen hina'la pùk agì'lek logogun halok, hogothinabugun atì nen, hinasuk warogo yogohisìgì atì.

EPESÙT 6:18

Atì'nogo obogat hagatì logolìk he, Ala nen lebethikoagalùk sapan ìkì logoino. At Areagùn hina'la logolìk hina'la kagaligin hagat, ninhùp-nanhùp sapan Ala ayoko hìgìk, kìno yogotìk, iko motogat logoino. Atì'nogo ìkì logolìk he, hina'la pùk agì'lek, hinoabùt hebelek motok logoino. Atì'nogo logolìk he, Ala againapùrì obogat hesik sapan Ala ayoko hìkì logoinoat o.

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.