1 TIMOTÌÙT 1:7 - Ala Ane Wene Ket Mene Warogo Wo'ninapike Wene

⁷ It atì nen he, “Wene Ala nen ninasuk wasike wene a'nogo, nit en yakùlisìkì logogun,” ìlùk walok en yakùlisìkì logolìgat he, wene ebe hùthìgì'lek inokot logolìgat he, “Wene ebe yì'nogo o. Eberogoat tùkùm hogo yakùlisogo,” ìlùk ìlì'lùgì meneat he, hùthìgì'legat ìlì'lùgì atì.

1 TIMOTÌÙT 1:7 ပူးပေါင်းရင်းမြစ်များ

ÙRÙM 1:22

It inetaùken atì'nogo motok abit haga'larìk logolìgat he, “Nit ninetaùken motok kagalek o,” ìlùk egarek atì.

2 PETERÙT 2:12

It ap Ala ane yogoisagarek mene salek inapeliagat yogoisìkì logogun mene atì re, wam etaùken lek mene ebe hakhìlìk wasuagalùgat ebe ta'lagarek atì hak, it ap atì nen wene hùthìgì'lek logolìk inabok weak palhì logogun atì ba, inokawerek inebe wam watarek atì hagat Ala nen inoasigin atì.

1 TIMOTÌÙT 6:4

It atì nen he, wene ebe inokot meneat he, inokawerek hogorakìkì logolìk apùnì aike inom inane mene hesik wene palhìk, serep agìk, ìkì logouogolùk, inabìt logousak mene esinethìlì'lùgì atì nen, elùgùn oba re, apùnì aike inetaùken lek arìk, ebe wene inokot arìk, it-it inom ua palhik, wene palhìk, inapeliagat inabok weak palhìk, ina'la nen hohogomat ùkùm weak mene it aike inoba hìgìk, tùgì-tùgì wene-wene palìgì'lek iko motok welagaikarek atì. Atì'nogo hagatì logolìk ina'la nen he: “Nit Ala awe a'ma kìlìk hagatì lago atì ba, nineilmo wùlalhak asugun,” ìlùk, eberogoat salek akìlì'lùgì atì.

KALATIA 3:5

Halok he, nìkì'nogo ugun. Hit en wene Ala nen ninasuk wasike wene a'nogo higit hogo hagatì lagagip oba, at Areagùn hùkorogo wokhisìgìk, hagasusak lek mene elalinat hagathinapìk, ìlì'logo nogo a? At he, nit en hano wene yakùlhisasugumo holhigisip, eberogoat ìlùk, hinetaùken Karisùt oba hìpìrethesigip atì ba wokhisìlì'logo nogo a.

KALATIA 3:2

Wene Ala nen ninasuk wasike wene a'nogo higit hogo hagatì lagagip atì ba Ala Areagùn wokhisasike a? At he, nit en hano wene yakùlhisasugumo holhigisip he, “Eberogoat,” ìlùk hinetaùken Karìsùt oba hìpìrethesigip atì ba wokhisasike a. Wene omakeat atìat yogone'ni ta.

KALATIA 4:21

Hit en he, “Wene Ala nen ninasuk wasike wene a'nogo awe a'ma kìlìk hologo hagatì logogun,” ìlùk ìkì lagep mene yì, an nen wene Ala nen ninasuk wasike wene a'nogo ba helal waganek werek mene yogohisegein yì, hinasuk hanorogo holini o.

MATÌÙT 15:14

Ineileken mùm logolìgat he, kwe lisìlì'lùgì atì hebisani o. At aike eileken mùm mene nen, at aike atì'nogo eileken mùmat mene yogotì logolìk he, Kwe yìkwe lù, ìlùk eki hagasogo wolok legein halok he, eperagat holugu i kaluk wagane'ma pile wo'laka pugun o,” ìlùk yogoisasike.

LAKSASIKE 15:1

Ap aike o Yurea nen o Atiokia wagaukwasik he, Ala againapùrì atoma mene wene mel ìlùk yakùlisasukwa; “Hit he, wene Musa nen, Yì'nogo, tì'nogo hagatì logousak ìlùk yogonisasike wene atì higit hogo re, hinogat hinekalìma mene palhinapì'lek halok he, hinebe Ala nen telhinabusak lek o,” ìlùk yakùlisasukwa.

MATÌÙT 21:27

hobuk Yesùt yogotì logolìk he, “Wene atì nit ninokot o,” ìlùk yogosukwama re, at Yesùt he, mel yogoisasike: “Halok he, an nen hogo re, Atì mene esewerek agarìk hagatì lagi, ìlùk, hit yogohisegein legat o,” ìlùk yogoisasike.

LUKAT 2:46

Pisukwasik, herarìk ineki pìre nìkì lagaukwasik en, hobuk ineki aike nen hìthasukwa re, at ebe Ala awì wùrì'mo kìlìk, it ap Ala ane yakùlisagarek mene inom inekele'ma hùrek logolìk, it amanogo inane ikenem asuk holhìk, it en ikenem at en oko ìgìk, hinok wanhìk, ikenem herasukwa.

YAKOBÙT 3:1

Nerùgì nagaiya'lak. Nit gurulak weak hagato halok he, hobuk Ala nen apùnì aike inanema waganogo ùkùm hamùlùgat negen inoba hegein meneat he, nit enek he, ùkùm hùkeat ninoba hegein hinelu atì nen, hinebe logolegat guru asuogolùk akagùp o.