1 TIMOTÌÙT 1:5 - Ala Ane Wene Ket Mene Warogo Wo'ninapike Wene

⁵ Inetaùken Ala nen horinapenem he, inokawerek ina'la nen he, “An wene noba lek, na'la selek welagì,” ìlùk akìkì logolìk, inetaùken eberogoat Ala oba hìpìrethìlìk welagaikarek atì nen, apùnì inetawìrogo welagaikarek o. Halok he, it atì'nogoat logouagalùk inasuk watì logoino, ìlùk yogohesigi atì.

1 TIMOTÌÙT 1:5 ပူးပေါင်းရင်းမြစ်များ

1 TIMOTÌÙT 1:19

It aike nen, “Wene atì eberogoat,” ìlùk wanharesik, ina'la selek logousak meneat he, hobuk weak hagarì'lùgì atì nen, so ima wula'lak hogo pikerek hak, heia paga atì. Hat atì hake hagatì'lek, ha'la nen, “An weak aike hagatì'lek, na'la selek welagì,” ìlùk hetaùken Ala oba hìpìrethìlìk homamerogo hagatì logoino,

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

2 TIMOTÌÙT 2:22

Ati nen he, hat he, it ap elege mene nen inoba aiyage lagalìk weak hagarì'lùgì mene atì heraksalùk, hese wo'lakìkì logoino. It apùnì aike inetaùken hano omakeat logolìk ninoe Etagepogot ayoko hìlì'lùgì mene atì hinom lapuk hogo logoino. Hinomat he, higit hogo hagatìk, Ala oba lopok hogo welagìk, apùnì inebe inetawìrogo welagìk, apùnì inom lìok hogo welagìk, egarek atì meneat musok laga logoino.

2 TIMOTÌÙT 1:5

Logolìk, hetaùken Ala ba eberogoat hìpìrìk welagen ìlùk na'la eberegat welagì. Emakum hagona Loìt ho, hagosa Euaike ho, inetaùken Ala oba hìpìrìk welagaukwa hak, hat hetaùken atì'nogoat welagen ìlùk hùthagakì lagìat o.

2 TIMOTÌÙT 1:3

An nopalak Ala awe a'ma logolìk, inokawerek inetaùken omakeat hano logolìk, at hesik hagatìk, hogoratìk, ìkì lagaukwa hak, an atì'nogoat hagatì logolìk, hat hoba motok eberegat, hat hesik likene hùako sapan iko motogat logolìk, Ala hai watì lagì o.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

1 PETERÙT 3:16

hinane lìok hogo hai warogo yogoisìkì logoino. Atì'nogo yogoisìkì logolìk, hina'la nen he, “An wene noba selek o,” ìlùk akìkì logolìk, Karìsùt hinom hutik logolìk, hano hagatenem, apùnì nen hinabok weak palugun mene atì ineileken hisìlìk inekalì asugun o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

2 PETERÙT 1:7

Ala a'la walok akikerek higit hogo hagatì logolìk, atì mene oba louk hogo re, inerùgì inagaiya'lak inetawìrogo welagaikarek atì mene, ese a'no. Hinerùgì hinagaiya'lak hinetawìrogo logolìk, atì mene oba louk hogo re, apùnì inebe obogat inetaùken hutik welagaikarek atì mene, ese a'no.

ÙRÙM 10:4

At Karisut ebe kweangma pi wagaike atì ba, wene Ala nen ninasuk wasike wene a'nogo ebe agaike. Apùnì inetaùken at Karìsùt oba hìpìrethagarek mene hùgì inebe lopok, ùkùm inoba mene korogo wokhìlìk, hobuk inapotkwe Ala inom hùnogo hisikerek.

TITUT 1:15

Ala nen apùnì aike ina'la hanorinape mene hùgì, it hesik, yì mene tì mene wesa lek. Hano nek o. Atì'nogo meneat he, it aike inetaùken Ala oba hìpìrethìgì'lek logolìk, ina'la akìlì'lùgì mene mel, eberì'lùgì mene mel, weagat werek atì nen, it hesik yì mene tì mene hano lek. Weak enek o.

1 TIMOTÌÙT 3:9

Aike re, wene, Ala a'la hinagoat welagaikesik en weinamethesike wene a'nogo, inetaùkenma hìlìk, “An wene noba lek na'la selek welagì,” ìlùk wene atì ning hogo hesogo welagaikarek mene halok menhisasak o.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

1 PETERÙT 4:8

Wene esin hake re, hit-hit netawì-hetawìrogo hagatì logolìk, aike nen aike weagathegein mene sagalogo motok legethogoin atì nen, hit-hit hinerùgì hinagaiya'lak hinom netawì-hetawìrogo motok hagatì logoino o.

YAKOBÙT 4:8

Hit Ala oba lopok hogo lagep halok he, at hogo re, hinoba lopok hogo wesiginat o. Hit weak hagatì lagep mene atì, hineki bakwe horogo hebisìkì logoino o. Hinetaùken pìre agorek atì, hina'la weak mene horogo laksìkì logoino o.

LAKSASIKE 23:1

Atì'nogo menhesikomo, at Paùlùt it ap Yahuri Ala hesik wene ero pìlìngìtì lagaukwa mene inebe atogosukwa amanogo, eileken lùrogo inoba isìkì logolìk he, “Nogogì nagoromì. An Ala eilhanem, hageat en hùlì yogotak hùlì hagatì lagì atì re, Weak hagatì lagì, ìlùk na'la wenesùgì ebetì lagì lek. We, wene na'la selek, hano hagatì lagì, ìlùk akìkì lagì,” ìlùk yogoisasikesik he, aike igin ha'ma re,

1 YOHANET 3:3

Nit nina'la nen, “Atì'nogo haga'lasugun,” ìlùk, oba eberek welagorek mene ninebe lopok on, at okawerek ebe tegelek welagarek atì hak, nit atì'nogoat tegelìkì logousak o.

IBERANI 10:22

At ebe atoma were'ma, nit nina'la nen he, “Nit weak hagato,” ìlùk nina'la wenesùgì ebetorek mene hano ho'ninapìk, ninogat obakwe i elokoken hano mene ba sobalninapìk, isike atì nen he, ninetaùken omakeat at oba hìpìrethìlìk ninayù'lek hogo, at oba horok hogo kìkì logouok o.

1 KORÌTÙT 13:1

An nen apùnì inùkùl etage lopok aike inane ba ìgìk, malaikat Ala nen yoko pelaksa wagarek mene amanogo inane ba ìgìk, ìkì logolìk meneat he, apùnì inebe netawìrogo logogin lek halok he, an we, sogoloak hùko mene hamùlùk mene i a'la hinago le'ma ane pak ìgìk, telang ìgìk, ikerek hak ìkì logousak o.

ÙRÙM 14:15

Nen, hat neketek mene atì nen hagaiyak a'la kolo aga halok he, ebe hetawìrogo hagatì lagen lek o. Hagaiyak atì hesik Karìsùt wa'lagaikesi'mo re, hat negein atì ba at ebe weagathùgùn o.

ÙRÙM 9:1

An nerùgì nagaiya'lak ninùkùl etage omakeat mene weak werek atì nen, na'la weagat welagìk, koloat welagìk, ìkì lagì. Na'la nen he, “Ala nen, an Karìsùt neperak hutik welago mene atì kopologo herakhanìlìk, it inobùlù'mo homan hanilep e, akìkì lagì atì ba, it woginabilep e,” ìlùk Karìsùt neperak hutik logolìk ìgì atì re, eberogoat ìgì. Napeliak ìgì lek o. Ala Areagùnn nen na'la logolìk, “Wene atì re, eberogoat,” ìlùk yogonetìk, nokawerek na'la nen hogo re, “Eberogoat ìgì,” ìlùk akìgìk, ìgìrek.

LAKSASIKE 24:16

Atì'nogo logolìk, na'la nen he, Weak aike hagatì, ìlùk na'la ekin logoinogo ìlùk he, Ala hesik mel, apùnì hesik mel, hano hagatì lagì ìlùk, na'la selek logoigìlùk, nomamerogo hagatì lagì o.

LAKSASIKE 15:9

It hùnogoat hagarinapìk, nit hùnogoat haga'ninapìk, ìgì'lek o. We, it en Yesùt ane eberogoat ìlùk wanhukwama re, at en ina'lakwe horinapike atì.

MATÌÙT 12:35

Apùnì inoabùt hano mene re, ina'la hano mene peserek logolìk, kagalogo lagai waganem he, wene hano meneat wulabi wagaikarek o. Mene re, apùnì inoabùt weak mene, ina'la weak mene peserek logolìk, kagalogo lagai waganem he, wene weak meneat wulabi wagaikarek o.

MATÌÙT 5:8

Nen, apùnì inetaùken omakeat tegelek welagaikarek mene atì, hobuk Ala ebe ineileken hogoin atì nen he, ina'la hai hakìkì logousak o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

IBERANI 13:18

Nit yì mene tì mene hano nek hagatì logouogolùk, akìkì logolìk, nina'la nen he, “Nit ùkùm ninoba lek. Nina'la selek,” ìlùk akìkì lago atì nen, nit hesik sapan ìkì logoino o.

IBERANI 9:14

It inogat etakwe mene hesik wam amep mea mene ba elok hano horinapì lagaukwa. Halok, nit Karìsùt amep esin mene ba, “Ùkùm hinoba lek,” ìlùk nina'la selek hogo elok motok hinikerek o. Nit Ala eluk welagarek mene a'la hanorogo hagatì logouagalùk, wam esi hano mene Ala waretì lagaukwa atì hak, at Karìsùt Ala Areagùn esok motok welagarek mene omame ba, wa'laga logolìk, ebe Ala wogosike atì ba, nit alebat lek asigin mene tùlemat hagatì lagagu mene, at en, “Ùkùm inoba lek,” ìlùk, at amep oba nina'la selek hogo hinikomo welago.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

ÙRÙM 12:9

Hit hinetaùken oba nenat apùnì aike hinetawìrogo logoino o. Weak mene hinapsìrì motok logolìk he, hano mene hineki ning hogo hesogo logoino o.

1 TIMOTÌÙT 1:18

Timotìùt naput e. An wene yì hasuk warogo yogohesik. It aike nen wene alebat hat hokawerek hesik ìkì logolìk he, “At tì'nogo hagatì logogin,” ìlùk, isukwa hak, hano wene yì hesik, weim inomamerogo yaparek hak, homamerogo yogoisìkì logoino o.

1 YOHANET 3:10

Ala againapùrì mel, Ibilit againapùrì mel, ninetawì wekelogo inoabùt enagat haga'larì'lùgì re, yì. Sa nen oabùt higit hogo hagatì'legat, erùgì agaiya'lak etawìrinapì'legat, hagarì'logo halok, at atì ebe Ala aput lek o.