1 TIMOTÌÙT 1:16 - Ala Ane Wene Ket Mene Warogo Wo'ninapike Wene16 Mene re, it apùnì aike hobuk inetaùken Yesùt oba hìpìrethikenem ineluk motok logouagalùk, hagarinabigin mene ina'la nen akìkì logolìk he, “Paùlùt weak hagato kolegat he, Karìsùt Yesùt a'la pùk agì'lek epe morogo motok welagaikesik en, etawìrarìk ebe wanhìke atì re, at en apùnì weak hagatarek mene atì'nogo woginapere'ma hìgì,” ìlùk, Ala oabùt enagat hùthoagalùk, an tak atì'nogo wo'napike atì. အခန်းကိုကြည့်ပါ။ |
1 TIMOTÌÙT 1:16
37 ပူးပေါင်းရင်းမြစ်များ
Atì'nogo hagate atì nen he, an nen hat aike yogohesik. At he yì nen weak apigat hagaterek meneat he, at a'la nen he, Yesùt en sagalogo legetsikomo, ìlùk hùkorogo etawì'nape atì ba enagat haga'laga o. It apùnì weak hamùlùgat hagarì'lùgì mene, Ala nen sagalogo legetsikenem, we hamùlùgat negen inetawìratarek o,” ìlùk yogosikesik he,
Atì'nogo hagatì logolìk, hina'la nen he: “Ninoe Etagepogot etaùken uan nen, hepok wagì'lek oan werek atì re, telninabigìlùk eram enat oan se'nisek werek,” ìlùk hina'la akano. At ninoe Paùlùt ebe ninetawì mene a'nogo Ala nen a'la kagalhìkomo wene atì'nogo ìlùk helal waganogo hinoba lakhei wagaike atì.
It apùnì aike nen he, “Ninoe Etagepogot en wene wa'nisasike wene a'nogo, ebe wagì'lek aregenma werek,” ìlùk akìlì'lùgì atì re, aregenma werek hùk. Hit hinebe etawì nen, at a'la nen he, “It aike nong asinogo,” ìlùk apùnì obogat inoabùt weak hagarì'lùgì mene heraksìlìk inoabùt hebelasuagalùk, eram enat a'la akìlìk aregenma werek atì.
Inamokareke atì inebe re, hageat at Nu nen i so Wùto kolek, Ala oabùt hano nen serisek werek kolegat he, wene wanhì'lek heraksìlìk weak hagato motok were'ma i hu nen inoasikomo wa'lagaukwa mene atì. Atì'nogo inoato kolegat he, it aike so a'la kìlìk welagaukwa mene, inebe 8 nen hamùlùgat i hu atì ba telinapike atì.
At wesigin atì like ebe waganem he, okawerek againapùrì inetaùken at oba hìpìrethìlìk welagaikarek mene nen, at ebe hogoratìk, agaugeratìk, uagalùk wesigin atì. Nen, nit en wene atì ninelu mene pak hogo yogohisa wagagumo re, hit en, “Eberogoat o,” ìlùk wanhìgip atì nen, hit ninom enat, at hogorasugun o.
Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.
“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.
Wene hìlìmìkìrùgì salisik mene hesik he, “Tì'nogo hagatì logoino,” ìlùk ninoe Etagepogot en ninasuk watì'lek meneat he, wene an na'la akìkì lagì mene yì yogohisak. Nane yogohisegein yì re, hit hina'la nen he, “Ala nen Paùlùt ebe etawì nen wanhikomo oabùt hùpùn mene nen yogonisike atì eberogoat,” ìlùk hina'la akano o.
ကြော်ငြာတွေ