1 TESALONIKA 4:9 - Ala Ane Wene Ket Mene Warogo Wo'ninapike Wene

⁹ Nen, hit-hit hinerùgì hinagaiya'lak hinom hinetawìrogo logouageip ìlùk, Ala nen elogat yakùlhisìlì'logo atì nen he, hobuk an nen nìkì'nogo halok, “Hit hinerùgì hinagaiya'lak hinom hinetawìrogo hagatì logoino,” ìlùk, helal waganogo hinoba lakhei wesusak. Legat o.

1 TESALONIKA 4:9 ပူးပေါင်းရင်းမြစ်များ

1 YOHANET 3:11

Wene Ala nen he, “Hit-hit netawì-hetawìrogo logoino o,” ìlùk yogonisasike mene, apùnì aike nen yogohisasukwama ero ba nen hinasuk holhigip atìat o.

ÙRÙM 12:10

Hinerùgì hinagaiya'lak Ala againapùrì mene atì hinebe ap omakeat en tago mene negen, hinetaùken tùlem hinetawìrogo logolìk he, hit-hit hinerùgì hinagaiya'lak hinane agauk hogo yogoisìkì logoino.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

1 YOHANET 4:21

Ati nen, at Karìsùt en ninasuk watì logolìk: “Ala hinetawìrogo logolìk, hinerùgì hinagaiya'lak hinetawìrogoat logoino o,” ìlùk yogonisasike atì.

IBERANI 13:1

Nerùgì nagaiya'lak. Ala againapùrì hinebe omakeat mene negen netawì-hetawìrogo hagatesep mene atì, atì'nogo hinom hutigat hagatì logoino o.

1 TESALONIKA 5:1

Nerùgì nagaiya'lak. Apùnì aike yogot wanuogolùk hùako wonogat were'ma wagaikarek hak, ninoe Etagepogot wesigin atì like atì'nogoat were'ma wesigin ìlùk, hit sekek hogo hineluat welagep atì. Halok, an nen, “Ti sat haga'lasigin, tì like haga'lasigin,” ìlùk, helal waganogo hinoba lakhei wesusak lek o.

LAKSASIKE 4:32

It wene eberogoat ìlùk wanhukwa mene atì, inebe logolegat he, inetaùken omakeat welagaukwa. Logolìk he, inagarok yì mene tì mene obogat, “Yì an mene,” ìlùk ìgì'legat he, “Ninebe obogat ninagarok mene,” ìlùk, ìkì lagaukwa.

1 YOHANET 2:10

Atì'nogo meneat he, sa nen erùgì agaiya'lak etawìrogo welagarek halok he, at ebe lìa ba motok logolìk, apùnì nen it aike waroagalùk ineram en kwe palharek atì hak, it agaike weak hagasuagalùk lalinaperek lek o.

2 PETERÙT 1:7

Ala a'la walok akikerek higit hogo hagatì logolìk, atì mene oba louk hogo re, inerùgì inagaiya'lak inetawìrogo welagaikarek atì mene, ese a'no. Hinerùgì hinagaiya'lak hinetawìrogo logolìk, atì mene oba louk hogo re, apùnì inebe obogat inetaùken hutik welagaikarek atì mene, ese a'no.

1 PETERÙT 4:8

Wene esin hake re, hit-hit netawì-hetawìrogo hagatì logolìk, aike nen aike weagathegein mene sagalogo motok legethogoin atì nen, hit-hit hinerùgì hinagaiya'lak hinom netawì-hetawìrogo motok hagatì logoino o.

1 PETERÙT 3:8

Wene atì elùgùn warogo mel yogohisak. Hit hinebe obogat hina'la nen he, “Ninebe Ala againapùrì ninerùgì ninagaiya'lak ninom,” ìlùk hinetaùken hutik logolìk, hina'la omakeat mene akìgìk, hinetaùken omakeat mene ebetìk, ìkì logoino. Atì'nogo ìkì logolìk, hinokawerek en hogorakìgì'lek, hinetaùken seberogo logolìk, hit-hit netawì-hetawìrogo hagatì logoino.

IBERANI 10:16

“At Ala nen, Hobuk, an nen it wene ket mene warogo woginabigin atì re, wene ebe yìat warogo woginabigin: Inasuk watìrek wene atì ina'la hisìgìk, inetaùkenma helal wanhìk, igin o,” ìlùk isikesik he,

MATÌÙT 22:39

Nen, wet atì eperak higit he, aike yì Hit hinokawerek hinebe hinetaùken hutìk welagasep atì hak he, it apùnì aike hinom welagasep mene atì hinetaùken hutik logoino o, ìlùk isike mene esin aike atì.

2 KORÌTÙT 9:1

An nen he, hit en it Ala againapùrì o Yurea mene leberisùogolùk atogotì lagep mene atì hesik, wene helal waganogo hinoba lakhei wesusak lek mene lakhei wagì atì.

PILIPI 3:15

Halok he, nit ninetaùken wurik mene yì re, wene atì hesik hùthìkì logouok. Atì'nogo meneat he, hit hinetaùken wene welek mene oba ebetì lagep halok he, hùthoagalùk at Ala nen tùkùm hogo yogohisegeinat o.