1 TESALONIKA 2:9 - Ala Ane Wene Ket Mene Warogo Wo'ninapike Wene

⁹ Nerùgì nagaiya'lak. Nit Ala ane hano wene atì yogohisikenem, yì mene tì mene hesik, hit aike hinoba seget asinogo ìlùk, nit ninokawerek en likene hùako ninomamerogo hagatìk, mep lagai'-lagak hogo hagatìk, ìkì lagagu a'nogo, hineluat o.

1 TESALONIKA 2:9 ပူးပေါင်းရင်းမြစ်များ

2 KORÌTÙT 11:9

An hit ninom logolìk uang lek en, hit en aike wo'nesuagalùk kino hinoba sabelhì lagì'lek o. We, atì'nogo were'ma, it ap nagaiya'lak o Maketonia mene wagaikasik elogat wo'nesi wagaika atì nen, yì hesik tì hesik hit hinoba ekinetheinogo ìlùk, akasigisi'mo re, kino yognhisìgì'lek welagagisik hobuk atì'nogoat motok hagatì logogin o.

LAKSASIKE 18:3

It Akwila Perisikila eperagat ineki oko hesik he, o en mene katì lagaukwa. At Paùlùt eki oko hesik atì'nogoat katì lagaike atì nen he, it inoba wagaikesik logolìk, inomat katì lagaukwa.

2 TIMOTÌÙT 1:3

An nopalak Ala awe a'ma logolìk, inokawerek inetaùken omakeat hano logolìk, at hesik hagatìk, hogoratìk, ìkì lagaukwa hak, an atì'nogoat hagatì logolìk, hat hoba motok eberegat, hat hesik likene hùako sapan iko motogat logolìk, Ala hai watì lagì o.

1 TIMOTÌÙT 5:5

Mene re, hìmì soge eberogoat apùnì ero it mene le'ma inaligat logolìk he, “Ala nenat lebe'nisegein,” ìlùk, inetaùken at oba hìpìrethìlìk, likene hùako ayoko hìgìk, kìno yogotìk, iko motok welagaikarek.

1 TIMOTÌÙT 4:10

Ala ebe re, yì apùnì tì apùnì obogat telinapùkwe welagarek meneat he, esin hake re, nit ninetaùken at oba hìpìrethìkì lago mene hùgì telninaperek atì nen, ninetaùken at eluk motok welagarek mene oba hìpìrethìlìk, at hesik ninaberalì lek hogoat, ninomamerogo hagatì lago.

1 TESALONIKA 2:6

Hit en nit hogo'ninapìk, it aike nen hogo'ninapìk, apùnì mene nen atì'nogo hogo'ninabuagalùk ìkì lago lek o. We, at Karìsùt en ninayoko hìlìk lakhina wagaikomo wenewule logolìk ninane ning hogo yogohisasak higit welago.

1 KORÌTÙT 9:18

Halok he, an neki oko nena mene wo'nesusak. Atì re, ebe yì. Oko wo'nesu hak, hano wene atì oko lek welegat yogoisìlìk nìkì logolìk na'la hano welagì atì. Atì'nogo yogoisikenem he, oko wo'nesusak higit meneat he, atì'nogo aike wo'netenem wanhì'lek welagìrek atì hano.

1 KORÌTÙT 9:15

Atì'nogo isike meneat he, an he, hano wene alisik hogo atì'nogo wanhì'lek welagìrek. An hesik atì'nogo wo'nesuagalùk wene yì helal waganogo lakhei wagì hùk. An atì'nogo wo'nesuagalùk hagatì'lek welagì ìlùk he, hogorakìkì lagì mene yì re, at aike nen nane legethousak he, nabit. An nebe wa'lasumo re, hano.

LAKSASIKE 20:31

Hinetaùken wekelogo logoino! An o mo lagagìk pìgìk iko kolek 3 tahun ninom logolìk he, kamo ìgì'lek likene nen, hùako nen, le aga logolìk, hinebe lopok hinasuk watì lagì a'nogo, hina'la eberek logoino o.

1 TIMOTÌÙT 1:11

Nen, wene atì higit hogo, hano wene a'nogo an nen yogoisìlìk nìkì logouagalùk noba hesike. Hano wene atì re, Ala hogoratìk, hai watìk, ogorek mene a'nogo aneat o.

1 TESALONIKA 3:10

Hit hinetaùken Karìsùt oba hìpìrethesigip meneat he, oan hake atì nen, nit ninebe hinoba wìrìk en hinetaùken hobuk ago wathika wesuogolùk, sapan hit hesik likene hùako iko motok welago.

1 TESALONIKA 2:2

Hit hinoba oan wagì'lek, o Pilipi atoma were'ma, apùnì atoma mene nen ina'la mea'nisìlìk yì aik tì aik haga'ninapì lagaukwa. Ati'nogo meneat he, ninopase Ala nen ane hano wane a'nogo ninayù'lek hogo yogohisa wesuagalùk haga'ninapikomo wagagusik yogohisiko were'ma apùnì apigat en, “Wene atì ninabìt,” ìlùk, iko kolegat, ninomamerogo yogohisìkì lagagu a'nogo, hineluat o.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

PILIPI 4:16

An o Tesalonika a'loma yì mene tì mene nelageik were'ma, ebe alep aike la'nesi wagagisip he, hobuk aike la'nesi wagagip atì.

2 KORÌTÙT 6:5

Tùgì ninoatìk, nineki hele warogo o hele warek hisagarek oba hinìgìk, apùnì logolek en ninoba lìmamìt palìk palìk ninoasusak haga'lagìk, iko kolek welago. Yabu set apik hagatìk, nogo usak lek agìk, sùpùrùk nele agìk, ìkì logolìk hagatì lago.

1 KORÌTÙT 4:12

Atì'nogo nìkì logolìk, yì mene tì mene helùogolùk, yabu nineki ba nen, ninomamerogo waganogo helogorek. Apùnì nen homan hinikenem, nit en agaugerinapìk, yì aik tì aik haga'ninapenem, ninepe morogo welagìk,

ÙRÙM 15:19

At ebe hathoagalùk yì mene tì mene hagatìk, hogorasuagalùk yì mene tì mene elalhìk, omamerogo isike. Ala Areagùn a'nogo omame baat hagasike atì. Hagato kolek he, an he, o Yerusalem a'loma nen lagakpagak pìkìt o Ilirikum a'loma, at Karìsùt wene hano wene atì tùkùm hogo yogoisìlìk wagì.

ÙRÙM 15:16

An nebe at Karìsùt Yesùt awe a'ma logolìk apùnì etakwe mene woginabuagalùk nayoko hesikomo, at Ala a'la hanorogo Areagùn atì ba it inebe Ala hisagalùk, at ane hano wene atì yogoisìlìk nìkì lagì o.

ÙRÙM 1:1

Hit Ala againapùrì o Ùrùm welagep mene nerùgì nagaiya'lak. At Ala hinebe etawì mene obogat an Paùlùt Karìsùt Yesùt atitigeke mene a'nogo nen wene helal waganogo hinoba lakhei wagì atì o. An nen hano wene a'nogo apùnì yogoisìlìk nìkì logouagalùk, Ala nen wenagasogo menhanhikesik lakhani wagaike o.

LUKAT 18:7

Atì hake, at Ala nen againapùrì weteberogo hisasike mene hùgì nen likene hùako inane keirogo ayoko hiko halok he, elele woginabigin lek nogo? Inane konhì logopik en, hobuk halok elele woginabigin nogo?

LUKAT 2:37

soge hesikesik oba nen, at ebe umur 84 tahun motok yaman agaikesik welagaike. Logolìk eki aike sùpùrùk nìkì'lek heang negen hakìlìk Ala awì wùrì'mo atoma likene hùako abìt hìgì'lek sapan iko motok welagaike.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

1 KORÌTÙT 9:4

“An Ala eyabu hagatìrek atì hesik, neki oko sùpùrùk wo'netìk, i wo'netìk, ikenem, helasak lek nogo? Helasagat o.

2 KORÌTÙT 11:27

Yì hesik tì hesik seget kwìl-kwal hogo hagatìk, ninhùp-nanhùbat nogo neluk nogo ìgìk, sùpùrùk mel, i mel, lek en nele welagìk, ninhùp-nanhùbat sùpùrùk nìkì'lek kamo ìgìk, nasu lek en sogoi noatìk, o koma nogo u heat agìk, ìkì lagagisigat.