1 TESALONIKA 2:4 - Ala Ane Wene Ket Mene Warogo Wo'ninapike Wene

⁴ At he, we, at Ala nenat ninoabùt palogo nen he: “Hano wene atì, hirat wolok nìkì logouageip,” ìlùk, ninayoko hesike higit hogo yogoisìkì logolìk, apùnì ina'la hanorogo yogoisogorek hùk. Lek o. We, Ala ninoabùt palì'logo mene a'nogo a'la hanorogo yogoisogorek o.

1 TESALONIKA 2:4 ပူးပေါင်းရင်းမြစ်များ

KALATIA 1:10

An nane ìgì atì re, apùnì nen, “Hat hano egen,” ìlùk yogonesuagalùk ìkì lagi a? At he, Ala nen, “Hat hano egen,” ìlùk, yogonesuagalùk ikì lagì a. Apùnì ina'la hanorogo ìkì lagì halok he, an nebe Karìsùt atitigeke usak legat o. Mene re, an Ala a'la hanorogo ìkì lagì o.

ÙRÙM 8:27

Atì'nogo ayoko hikenem he, at Ala nen ninetaùkenma motok peneteresi'mo nogo nen he, at okawerek a'la akikerek mene higit hogo, at Areagùn nen at againapùrì hesik ayoko hikenem hùthikerek.

KALATIA 2:7

At Ala nen, at Peterùt apùnì Yahuri inogat inekalìma mene palek mene inoba elok loagalùk ayoko hìlìk lakhìgìk, nen an he, apùnì etakwe mene inoba elok loagalùk nayoko hìlìk lakhanhìk, isike atì nen he, it ap inetagewerek atì ina'la nen he, “Ala nen, at Peterùt en hano wene nit apùnì ninogat ninekalìma mene palek mene yakùlisoagalùk ayoko hesike hak, at Paùlùt en hano wene it apùnì inogat inekalìma mene atì'nogo pale'lek mene yakùlisoagalùk ayoko hesikomo hogo,” ìlùk enagat hùthinasukwa atì.

2 TIMOTÌÙT 1:14

Ala nen he, “Wene hano mene atì apùnì aike nen weagatheinogo ìlùk, hanorogo ha'narek logoino,” ìlùk, ninoba hesike mene atì, at Areagùn nina'la hesikomo werek atì omame ba hanorogo hesogo logoino.

EPESÙT 6:6

It en sethisek werek kolek enek apùnì mene ina'la hanorogo hagatì logogùp. We, hina'la nen he, “Karìsùt atìtigeke logolìk, Ala a'la walok akikerek mene atìat hagatì logouok,” ìlùk, hina'la ebethìlìk en hagatì logoino.

TITUT 1:3

Yogotak wene atì weinam asusak higit hogoat weinam asuagalùk, at Ala telninapùkwe a'nogo nen, “Hat en wene atì apùnì yogoisìkì logoino,” ìlùk, nayoko hìlìk, noba hesike atì ba ebe weinam arì'logo atì.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

2 KORÌTÙT 4:2

Nit he, apùnì nen yì mene tì mene hinagasogo weak hagataresik inekalì agarek atì mene heraksasugu. Atì'nogo heraksìlìk, apùnì lalinapìk, Ala ane wene aike mene oba labelogo yogoisìgìk, ogorek lek. Apùnì yoma ina'la lopok en hùthinoagalùk he, wene ebe wene Ala eilhanemat sele'maat yogoisìlìk nìkì lago.

1 KORÌTÙT 9:17

An atì'nogo yogoisìlìk nìkì lagì atì, an na'la nen kagalogo yogoisìlìk nìkì logoilema re, neki oko wo'netenem, wanhì logoile o. Mene re, an na'la nen kagalhì'lek were'ma, Ala nen nayoko hìlìk esewerek hanhike atì nen oko lek yogoisìlìk nìgìrek atì.

LUKAT 16:11

Atì hak, hit hinagarok yì mene tì mene kweangma mene ineilmasirogo hagatarek mene atì wokhisamo hesogo logolìk, higit hogo welagì'lek halok he, ebe hano mene atì ese logouageip ìlùk sa nen wokhisegein.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

1 TIMOTÌÙT 6:20

Timotìùt naput e. Ala nen hayoko hìkì logolìk, “Yi mene hagatì logoino,” ìlùk, hoba hesike mene atìat hanorogo hesogo logolìk, homamerogo hagatì logoino. It aike nen Ala ane usak mene atì ìgì'lek logolìk, we tùlemat, lek asigin mene hesigat wene serep aga logolìk, “Wene ninelu,” ìlùk, ìlì'lùgì atì inokot logolìk ìlì'lùgì o. It atì nen he, “Wene ebe mene arat hùthogo,” ìlùk ìkì logolìk, Ala ane eberogoat mene heraksalùk nong asi wùlùpa atì nen, wene atì mene wanhì'lek heraksìlìk logoino o. Ala oabùt hano a'nogo nenat hakharek logouak o.

KOLOSE 3:22

Hit inatitigeke mene nerùgì nagaiya'lak. Hinogogì kweangma mene nen, yì mene tì mene hagasuagalùk ikenem, inebe ineilhanem halok ina'la hanorogo hagatìk, lek halok kamo ìgìk, ìkì logogùp o. At he, ninoe Etagepogot hinayùk hogo hinetaùken omakeat logolìk, hinogogì atì inane hologo hagarisìkì logoino o.

2 KORÌTÙT 5:11

Atì nen he, ninoe Etagepogorat ninayùk hogo logousak ìlùk hùthìkì logolìk he, apùnì nen wene atì hùthoagalùk ina'la kagalogo yogoisìlìk nìkì lago. Nit ninoabùt hagatì lago atì re, at Ala eilhanem weinam atì hak, hit hina'la nen nit hùthinìkì logousak akìkì lagì o.

2 TIMOTÌÙT 2:2

An nen wene apùnì logolegat ineilhanem yakùlhesigimo wanhìgin mene a'nogo, hat en it apùnì aike inoabùt hùpùnsek mene nen it aike yakùlisìkì logouagalùk, inoba heino.

2 KORÌTÙT 5:16

Atì nen he, nit en hùlì yogotak ya hùlì nen he, apùnì nen inoabùt palharek hak, it apùnì aike inoabùt atì'nogo palhì lago lek o. Nen, alep he, Karìsùt oabùt atì'nogo palhugu hak, hobuk atì'nogo palhì lago legat o.

1 KORÌTÙT 7:25

Wene hìlìmìkìrùgì salisik mene hesik he, “Tì'nogo hagatì logoino,” ìlùk ninoe Etagepogot en ninasuk watì'lek meneat he, wene an na'la akìkì lagì mene yì yogohisak. Nane yogohisegein yì re, hit hina'la nen he, “Ala nen Paùlùt ebe etawì nen wanhikomo oabùt hùpùn mene nen yogonisike atì eberogoat,” ìlùk hina'la akano o.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

LUKAT 12:42

at ninoe Etagepogot Yesùt en he, mel yogosike: “Ap kain mene aike againapùrì serisek logolìk inapùrùk nasak mene wogisasak higit hogo wogisìkì logouagalùk, at atitigeke mene ayoko hikenem a'la kagalek logolìk oabùt oe ane igin mene higit hogo hagaterek atì sa hake akegen. At atì oe atì nen, menhùlùk lagarek o.

2 KORÌTÙT 2:17

It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.