1 TESALONIKA 1:9 - Ala Ane Wene Ket Mene Warogo Wo'ninapike Wene

^9-10 It en wene mel ìlì'lùgìat: “It apùnì o Tesalonika mene nen, Paùlùt lak inebe woginabìk he, Eberogoat he, Ala eluk motok welagarek mene atìat o, ìlùk awe a'ma logolìk, at hesik hagatìk, at aput pogot oba nen pi wesigin atì ebe serogo welagìk, uogolùk he, tùgì hareken heraksìlìk, inelokwe hebelogo Ala wogosukwasik werek Ala nen aput wa'lagaikesi'mo eluguthesike mene, ebe Yesùt atìat o. Nen, Ala a'mage lagalìk ùkùm apùnì inoba hìkì logolìk, nit Yesùt atì nenat telninabìgìn o,” ìlùk, hinabok hano ìlì'lùgìat o.

1 TESALONIKA 1:9 ပူးပေါင်းရင်းမြစ်များ

1 TIMOTÌÙT 4:10

Ala ebe re, yì apùnì tì apùnì obogat telinapùkwe welagarek meneat he, esin hake re, nit ninetaùken at oba hìpìrethìkì lago mene hùgì telninaperek atì nen, ninetaùken at eluk motok welagarek mene oba hìpìrethìlìk, at hesik ninaberalì lek hogoat, ninomamerogo hagatì lago.

1 KORÌTÙT 12:2

Hit alep ninoe Etagepogot hinokot were'ma, oabùt weak mene nen tùgì hareken ane lek mene oba hìpìrìk logouagalùk, we, komakwe heat wokhisek lìlìk he, nongothinapì lagaike atì hinelu.

1 TESALONIKA 2:13

Nit en wene Ala ane a'nogo yogohisasugumo, hit en he, “Wene atì apùnì inane mene lek o. We, Ala aneat o,” ìlùk wanhìgip atì re, eberogoat Ala aneat wanhìgip o. Ati nen nit kamo ìgì'lek Ala hai wato motok welago. At Ala nen hit hinetaùken Karìsùt oba hìpìrethesigip mene hùgì hina'la kagalho motok welagarek o.

1 TESALONIKA 2:1

Nerùgì nagaiya'lak. Hit hina'la nen he: “It Paùlùt lak ninoba wagaukwa atì re, we tùlemat wagì'lek,” ìlùk, hinokawerek hineluat o.

LAKSASIKE 14:15

“Ap sanì. Hit nìkì'nogo hagatì lagep. Nerùgì nagaiya'lak. Nit ninebe re, hit hake apùnì meneat. Mene re, hit en yì mene tì mene tùlemat mene hagatì lagep mene atì heraksìlìk he, hinoabùt hebelarìk, hinelokwe Ala eluk motok welagarek mene atì wogosuageip en ìlùk wene yogohisa wago mene o. At Ala atì re, pogot mel, kweang mel, i laut hùko yekelek mel, yì mene tì mene pogot oba, kweangma, ima welagarek mene mel, walhasike mene o.

IBERANI 12:22

It atì hake mene ba wagaukwa meneat, hit enek he, tom Sion Ala eluk welagarek mene awì sili o kota Yerusalem pogot oba mene ba wagep atì. Atoma re, malaikat esa yì logolek tì logolek mel,

ÙRÙM 9:26

An nen he, apùnì o aike mene hesik he, Hit he, an nagainapùrì lek o, ìlùk isigi meneat he, hobuk it o atoma mene hesigat, O yoma an neluk welagìrek mene nagainapùrì o, ìlùk igin,” ìlùk isikomo re, at Hosea nen helal waganogo hesike.

MATÌÙT 16:16

at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

1 YOHANET 5:21

Halok nagainapùrì e. At ebe mene welagarek atì heraksalùk, tùgì hareken oba hìpìrìk logolìk weak hagatarek atì hak, hagasinogo ìlùk he, agaseratì logolìk, hinoabùt hebelogo logoino o.