1 TESALONIKA 1:3 - Ala Ane Wene Ket Mene Warogo Wo'ninapike Wene3 Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago. အခန်းကိုကြည့်ပါ။ |
1 TESALONIKA 1:3
55 ပူးပေါင်းရင်းမြစ်များ
Hit hinoabet hagatesep mene atì an nelu o. It apùnì aike hinetawìrogo welagasep atì mel, hinaberalì agì'lek hinoabùt hùpù hogo welagasep atì mel, it aike leberisegesep atì mel, it aike nen yì aik tì aik hinoba hiko kolek, hinepe morogo welagasep atì mel, obogat an nelu o. Nen, alep hamùlùgat negen hagatì lagagip meneat he, yogotak motok apik hagatì lagep atì, an neluat o.
At Ala nen he, “Hit atì'nogo hagatì logoino o,” ìlùk, hinayoko hesike hagat higit hogo hagatì logouageip ìlùk, nit en hit hesik sapan iko motok welago. Hit hina'la nen he, “Nit hano hagatì logoilo e,” ìlùk, akìkì lagep mene atì, Ala nen atì'nogo hagathinapìk, nen, hinetaùken at oba hìpìrethìlìk logolìk hagatì lagep mene atì, at enat hinetaùken wurigethinapìk, at omame atì ba hagathinapì logouak o.
Nit Ala nen ta'ninape mene hùgì ninebe lopok en he, “Ala ane atì eberogoat,” ìlùk ninetaùken at oba hìpìrethogorek atì ba, it apùnì kweangma mene inoabùt inesogat logolìk weak hagatarek mene atì mabenetsìlìk ninomame agorek atì. Atì'nogo mabenetsìlìk ninomame agorek atì nen, wene Ala nen ninasuk wasike wene atì ekin lek, seweak o. Atì nen he, nit en, “Ala ebe ninetawì welago,” ìlùk u hak he, at en wene ninasuk wasike wene atì hologo higit hogo hagatì logouok o.
“Hobuk hano asigin,” ìlùk nina'la hai hakogorek atì, ero at Ala nenat haga'ninaperek. Hit atì'nogo hina'la hai hùkorogo hakìkì logouagalùk Ala Areagùn omame ba hagathinabuak. Atì'nogo hagathinabuak en he, hinetaùken at oba hìpìrethesigip atì ba hakothìlìk were'ma, at en hina'la hai apik hakìkì logouagalùk hagathinapìk, hinetaùken hapuguthinapìk, uak o.
Nen, at Timotìùt hinoba lakhei wagìma wagasik a'naga, yogotak apotkwe ninoba wagasik he, hit hinetaùken Karìsùt oba hìpìrìk logolìk, apùnì aike hinetawìrogo hagatì lagep mene atì yogonisìgìk, nit en: “It ninom apì a'lo e,” ìlùk walok akìkì lago hak, hit en atì'nogoat ninoba eberek motok logolìk, “It inoabùt hano a'nogo ninom api a'lo e,” ìlùk, akìkì lagep mene atì, yogonisa wagama re, nina'la hai hakìkì lago.
Alebat Ala nen Aberaham yogotì logolìk, “Hat en tagokwe mene wìalasugun ìlùk yogohesigi a'nogo ebe re, haput Isak yì nen tagokwe mene nen wìalasugun mene hesik yogohesigi o,” ìlùk, yogosike meneat he, hobuk oabùt paligìlùk, “Haput ebe yì an hesik wa'nom,” ìlùk yogosike. “Wa'nom,” ìlùk yogosikomo, at Aberaham etaùken Ala oba hìpìrethìlìk welagaike atì ba, “Isak wa'lasumo Ala nen hobuk elok elugurasigin,” ìlùk ebe warogo Ala wogosigìlùk isike atì nen he, inane lagak hogo re, Isak warek mene eluk agama Aberaham wanhe ìlùk usagat o.
Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.
Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.
Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.
It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.
Atì re, it ap at ane yogoisìkì lagaukwa mene amanogo nen helal waganogo re, sele'mathesukwama were'ma an nen yogohisasigi atì. Yì ap tì ap inùkùl etage lopok obogat wene atì inasuk holìk inetauken Yesùt oba hìpìrethìlìk ane hologo hagatì logouagalùk, at Ala esok motok welagarek mene a'nogo nenat: “Wene yì apùnì inelu asuak o,” ìlùk isike.
Nen, an nopase nen, Yì'nogo haga'no, tì'nogo haga'no, ìlùk nasuk warogo gonesike mene atì, an nen at ane hologo hagatenem, at en an etaùken hutik welagarek atì hak, hit atì'nogoat, an nen hit hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, hit en an nane hologo hagatì logogun halok he, an nen hit netaùken hutik logogin o.
ကြော်ငြာတွေ