1 TESALONIKA 1:2 - Ala Ane Wene Ket Mene Warogo Wo'ninapike Wene

² Nit en sapan hit obogat hesik hinetage palogo ìkì logolìk he, Ala hai wato motogat welago.

1 TESALONIKA 1:2 ပူးပေါင်းရင်းမြစ်များ

PILEMON 1:4

Hat hetaùken ninoe Etagepogot Yesùt oba hìpìrethìlìk, Ala againapùrì aike obogat hetawìrinapetek atì habok nasuk holhìrìk he, sapan ninhùp-nanhùp ìkì logolìk, hat hetage ìlìk nopase Ala hai watì lagì o.

KOLOSE 1:3

It aike nen hit yogoisìkì logolìk he, “Hit mene hano mene Ala nen wokhisegein mene pogot oba hikikomo werek o,” ìlùk yogohisasukwama, hinetaùken Karìsùt Yesùt oba hìpìrethìlìk, hagatenem, it aike nen he, “It inetaùken Karìsùt oba hìpìrethìlìk Ala againapùrì aike obogat inetawìrogo hagarì'lùgì,” ìlùk, hinabok ikenem ninasuk holhosik he, ninhùp-nanhùbat sapan hit hesik ìkì logolìk, ninoe Etagepogot Yesùt Karìsùt opase Ala at hai watì lago o. Hit wene hano wene, Ala oabùt hano nen hagarinaperek wene a'nogo emakum yogohisa wagaukwama, hinasuk holhigisip he, eberogoat ìlùk hùthasigip atì hùlì, Ala nen hanothinabì'logo hak, hano wene atì o yì awì tì awì Wìalarìk laga logolìk, Ala nen apùnì atì'nogo hano hagarinabì'logoat.

1 KORÌTÙT 1:4

Ala oabùt hano nen, Karìsùt Yesùt alisik hogo, hano mene wokhisikerek atì nen, ninhùp-nanhùp hai wato motok welagìrek o.

ÙRÙM 6:17

Hit alep he, weak hagatarek atì awe a'ma kìlìk were'ma, hobuk, wene yakùlhisikenem, wene atì hinetaùkenma wanhigip atì nen he, Ala hai wasuok o.

1 TESALONIKA 2:13

Nit en wene Ala ane a'nogo yogohisasugumo, hit en he, “Wene atì apùnì inane mene lek o. We, Ala aneat o,” ìlùk wanhìgip atì re, eberogoat Ala aneat wanhìgip o. Ati nen nit kamo ìgì'lek Ala hai wato motok welago. At Ala nen hit hinetaùken Karìsùt oba hìpìrethesigip mene hùgì hina'la kagalho motok welagarek o.

1 TESALONIKA 3:9

Nit ninopase Ala eilhanemat logolìk, hit hesik hai hakiko motok welago atì hesik, Ala hai motok apik watì logolì'mo re, hobuk hai nìkì'nogo wasu heat haga'larì'logo.

2 TESALONIKA 1:3

Nerùgì nagaiya'lak. Hit hinetaùken Karìsùt oba hìpìrìk welagasep mene atì, aike inom hùkorogo hìpìrethìgìk, hit-hit hinebe lopok netawì-hetawìrogo hagatesep mene atì, aike inom hùkorogoat hinetawìrinapìk, ìkì lagep atì nen, nit en hit hesik Ala hogorasusak meneat hogorato motok welago.