1 PETERÙT 5:8 - Ala Ane Wene Ket Mene Warogo Wo'ninapike Wene

⁸ At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

1 PETERÙT 5:8 ပူးပေါင်းရင်းမြစ်များ

EPESÙT 6:11

At Ibilit oabùt lagaksek mene a'nogo nen weagathinabigìlùk waganem, weim yabuogolùk sìng ìtarek hak, hit hinebe metegat logouogolùk he, at Ala nen yì mene tì mene wo'nisikerek mene atì obogat hinogat laberogo logoino o.

YAKOBÙT 4:7

Ati nen he, Ala awe a'ma hinetaùken seberogo kìlìk ane hologo logolìk, Ibilit ane atì sagalogo heraksìkì logoino. Heraksamo re, at en herakhikalùk hese wùlìbiginat o.

1 PETERÙT 1:13

Ati nen he, wene atì hùthìlìk he, kwe humusek lùogolùk inobakwe hele ning hogo homatarek atì hak, hinoabùt hebelogo, hinetaùken wekelogo logoino. Ati'nogo logolìk, hina'la nen he, “Ala nen Yesùt Karìsùt ebe weinam hogo lakhei waganem hano mene wo'nisa wesigin o,” ìlùk hinetaùken at oba lakhìlìk oba eberek motok logoino o.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

LUKAT 21:36

Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

LUKAT 22:31

Yesùt en atì'nogo yogoisasikesik he, aike Peterùt mel yogosike: “Simon! Simon! Hasuk holin! Gandum apùpùleke hologo hebisagarek atì hak he, hit obogat atì'nogo, at Ibilit en hinebe holhinabigìluk Ala kìno yogotomo at en elok ìlùk yogote meneat he,

TITUT 2:12

Nit ninoabùt alep Ala ebe ninobaken nene heraksìkì logolìk he, nina'la nen yì mene tì mene kweangma mene walok enek akìkì lagagu atì heraksìlìk he, yogotak ya ninoabùt ninetaùken uan logolìk Ala hesik higit hogo hagatì logouagalùk, at oabùt hano atì ha yakùlnisìlì'logo atì.

ABÌKAKAN 12:12

Atì nen he, hit pogot oba welagasep mene obogat yì sani! Hina'la hai hakìkì logoino. Hina'la hai hakiko kolek, hit kweang'ma mene ho, i laut yekele'ma mene ho, enek he, Ibilit a'nogo hinoba pelaksa wagama, at eki logogin mene hùthikesik, at en he, Neki hamùlùgat enek logogin atì nahalok, ìlùk a'mage lagaikesik weagathinabigin atì nen he, eigo! Netawìlak e,” ìlùk ikenem holhì o.

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

MATÌÙT 13:39

At ap yabu esewerek eperak weak logolìk, awì weak mene yasike atì ebe re, at Ibilit atìat o. Eken palusak higit atì ebe re, o wùrep oba hesigat o. Nen, it ap eken palharek mene atì ebe re, it malaikat Ala nen pogot oba nen yoko pelaksa wagarek mene atìat o.

MATÌÙT 24:42

Atì'nogo haga'lasigin atì nen, hit en he, Ninoe Etagepogot mera wesigin, hinokot atì nen he, hinepe hebelogo logoino o.

ABÌKAKAN 20:10

Atì'nogo niko kolek, at yeke lo yeke hake a'nogo ho, at aike nen, “An Ala ane yogoisìkì lagì,” ìlùk apeliagat lalinaperek mene a'nogo ho, i laut etu mene yekele'ma hetalì al hake obasi weak mene etage belerang inom-inom amulok niko motok welagam'ma atom wouk hogo pelaksasike a'nogo atoma were'ma, Ibilit a'nogo hobuk inoba wouk hogo pelaksikoma inom atoma logolìk, likene hùako heinet wato moto'-motok logogun isìgi.

LUKAT 21:34

At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,

TITUT 1:8

ap pok inokot mene waganem aua hanorogo woginaperek mene halok, hano hagatarek atì mene nek walok akikerek mene halok, etaùken uan mene halok, oabùt higit hogo hagaterek mene halok, ebe Ala hesik tegelek welagarek mene halok, okawerek en asuk warek welagarek mene halok, menhousak o.

2 TIMOTÌÙT 4:17

Atì'nogo meneat he, an nen ebe wene tùkùm hogo yogoisikenem, it etakwe mene inebe obogat inasuk holuagalùk, ninoe Etagepogot an nera'lilu logolìk, nomame'napesik, singa lo yeke hake anini weak mene a'nogo apema were'ma telnabu hak, noasusak mene telnape atì.

TITUT 2:6

Ati hagat he, it ap elege mene atì nen, yì mene hesik tì mene hesik inetaùken uan logouagalùk inasuk watì logoinoat o.

TITUT 2:2

Ap inalùgetek mene atì, weak hagasuagalùk ina'la kagali waganem, tok wokhagarek hak wokhìgìk, inoabùt he, inoba haro welagìk, inetaùken uan welagìk, inetaùken wurik hogo Ala oba hìpìrethìlìk, apùnì aike inetawìrogo welagìk, yì hesik tì hesik inoba aik hìkì logolìk, inepe morogo welagìk, ìkì logouagalùk inasuk watì logoino.

1 TIMOTÌÙT 2:15

Atì'nogo meneat he, it hìmì inetaùken Ala oba hìpìrethìlìk he, inebe Ala hesik hisìlìk tegelek logolìk, apùnì aike inetawìrinapìk, ineil lopok hogo hagatìk, ìkì logogun halok he, omalik taginapenem, Ala nen telinabiginat o.

ABÌKAKAN 20:2

Atì'nogo wolok pi wagasik, at walo hake hùko o holo nen welagaike mene etage Ibilit ìgìk, Setan ìgìk, egarek mene a'nogo, ebe hakhìlìk, yì apùnì tì lalinaperek atì hak lalinapì'lek 1.000 tahun eki hele warek a'ma baga ma'loma logouagalùk pelapesik, kwe kekalim yagarogo kelaksagarek atì hak, kwe kunci yagarogo hikenem hìgì. Atoma logopik en, hikalogo lìakhei wesusak obaat eil omake hesik hikalek logouagalùk hikalogo lìakhei wesigin.

TITUT 2:4

Atì'nogo yakùlisikenem, it apùnì aike nen, wene Ala nen yogonisasike wene a'nogo abok weak ìkì logoinogo ìlùk, it en he, hìmì tùgùmtek atì nen inagonì mel, ineagwì mel, inetawìrogo logolìk, inetaùken uan welagìk, ineil lopok hogo welagìk, ouma mene yì mene tì mene higit hogo tegelogo hagatìk, inagonì inane hologo welagìk, ìkì logouagalùk, yakùlisìkì logouak en he, inasuk watì logoinoat o.

1 TIMOTÌÙT 3:11

Atì hagat he, it atì inagagwì inoba haro logolìk inahùsipi weak ìlìk negarek lek mene halok, weak hagasuagalùk ina'la kagalhenem tok wokhagarek hak wokhagarek mene halok, inoabùt lenurek mene halok, inoabùt atì hake halok, inagonì leberisùgùkwe mene logouagalùk menhisasak o.

1 TIMOTÌÙT 2:9

Ati hak, it hìmì re, inesi lalhìk, melei ìtarek hak emas mene ìtìk, eilepanì ìtarek hak mutiara mene ìtìk, su oko hùko mene labetìk, usak motok lek. We, ineil lopok hogo logolìk, inalìlìke siok hogo wanusak meneat wanhì logouagalùk yakùlisanogolùk yogohetì atì.

MATÌÙT 4:1

Ima pelakhesikomo re, Yesùt Ibilit en a'la kagaluagalùk he, Ala Areagùn nen wolok o leimo apùnì le'ma atoma lagaike.

1 TIMOTÌÙT 3:2

Ati nen, ap Ala againapùrì serisek logouagalùk, inoabùt he, yì hake mene menhisasak. Apùnì aike nen, “At weak,” ìlùk ùkùm oba hìgì'lek mene halok, agwe omakeat mene halok, weak hagasuagalùk a'la kagalhenem tok wokhagarek hak wokhikerek mene halok, etaùken uan mene halok, hagasusak mene higit hogo hagaterek mene halok, ap pok inokot mene waganem woginaperek mene halok, wene sekek hogo yakùlisikerek mene halok,

MATÌÙT 25:41

“Nen, it neki peikkwe hisegein mene atì mel yogoisegein: An nopase nen hit homan hikike mene yì rì! An sùpùrùk nele were'ma, hit en mela'netì'lek, i nele were'ma, hit en wo'netì'lek, ap pok were'ma hit en wo'napì'lek, su labere'lek were'ma hit en aike labethanhì'lek, ou warek were'ma mel, neki hele warek were'ma mel, nea lagì'lek hagatì lagagip o. Halok he, an nopase nen, at Ibilit agoromì inebe apik inom, etu aik api'mo logouagalùk inobùlùk hisasikomo atoma hela lani o, ìlùk yogoisegein.

MATÌÙT 4:11

Atì'nogo yogosikomo re, Ibilit a'nogo Yesùt heraksalùk wo'lakasikomo re, malaikat pogot oba nen Yesùt oba pi wìrìk he, serogo welagankwa.

MAREKÙT 4:15

Nen, awì heik aike ebekalem lakhesike atì ebe re, it apùnì aike nen Ala ane inasuk holharesi'mo nen, Ibilit hageat wagaresik he, wene inetaùkenma yago mene atì henogo wolok lagarek o.

ABÌKAKAN 12:10

Atì'nogo mabenetsìlìk, pelaksa wagama, pogot oba nen inane hùkorogo mel ikenem holhì: “At atì nen Ala eilhanem apeliagat it ninerùgì ninagaiya'lak likene hùako ùkùm inoba hiko motok welagarek mene a'nogo arat mabenetsìlìk ebe wulaksaga atì hano o. Ninopase Ala Etagepogot kain logolìk, telninabuagalùk Karìsùt menhesike a'nogo, yì mene tì mene obogat esewerek logolìk, eperak inomame agaikasik telninabìk, inawe a'ma arat hinaga yì o.