1 PETERÙT 5:6 - Ala Ane Wene Ket Mene Warogo Wo'ninapike Wene

⁶ Atì'nogoat, Ala nen hobuk hinetagewerek menhikoagalùk, yogotak ya hinokawerek en hogorakìgì'lek, at eki omame werek mene awe a'ma kìlìk hinetaùken seberogo hagatì logoino o.

1 PETERÙT 5:6 ပူးပေါင်းရင်းမြစ်များ

YAKOBÙT 4:10

Ninoe Etagepogot awe a'ma kìlìk hinetaùken seberogo logogun halok he, at en hesagathikegeinat o.

MATÌÙT 23:12

Ap sa nen okawerek en, An kain, ìlùk melasigin halok he, Ala nen ebe sebek hogo inawe a'ma hegein o. Nen, at sa okawerek en it aike inawe a'ma negen logogin halok he, Ala nen ebe hesak hogo hegein o,” ìlùk yogoisasike.

LUKAT 18:14

It sapan atì'nogo isukwa atì hesik, an wene aike yogohisak. Ap sa nen etaùken hesagathakìlìk hogorakiko halok he, Ala nen sebelhikerek o. Nen, ap sa nen etaùken sebelhakìlìk, An mea, akike halok he, Ala nen hesagathikerek atì nen he, at ap sapan alep ike mene atì, Ala nen wene oba mene sagalogo legetsìgì'lek kamo isike. Meneat he, at ap sapan hobuk isike mene atì nek he, Ala nen wene oba mene sagalogo legetsasikomo aua lagaike, ìlùk yogohisìgì,” ìlùk yogoisasike.

LUKAT 1:52

Apùnì kaintek inetage pogot welagaikarek mene atì sebelogo hisìkì logolìk he, it inetage lek mene atì menhisìgìk,

ÙRÙM 5:6

Nit he, Ala ebe hebùlùk walegat asi lagagusik, ninebe mabenat were'ma, at Ala nen he, “It atì'nogo werek atì hesik, Karìsùt tì sat wa'lasuak,” ìlùk akasike baat ebe wasukwama wa'lagaike atì.

1 KORÌTÙT 10:22

Ninoe Etagepogot a'mage lagauagalùk hagatì lago atì nayùk. At ninom walhamo re, nit ninomame werek nogo? Mea o.

YAKOBÙT 5:10

Nerùgì nagaiya'lak. Holoat it ap Ala ane yogoisìkì lagaukwa mene amanogo nen he, “Ninopase Etagepogot en ike meneat yogohisìkì lago,” ìlùk yogoisikenem, it apùnì aike nen inebe weagarinapo kolegat, ina'la pùk agì'lek inepe morogo welagaukwa mene atì inoabùt wanino o!

TITUT 1:3

Yogotak wene atì weinam asusak higit hogoat weinam asuagalùk, at Ala telninapùkwe a'nogo nen, “Hat en wene atì apùnì yogoisìkì logoino,” ìlùk, nayoko hìlìk, noba hesike atì ba ebe weinam arì'logo atì.

1 TIMOTÌÙT 2:6

At Karìsùt apùnì obogat weak hagatorek atì ba hele warogo ha'nisek were'ma hele hikalogo telninabigìlùk okawerek eram en, “Nebe noasuak” ìlùk wagaike atì ba, Ala a'la nen he: “Apùnì obogat telinabuaak,” ìlùk akikerek mene atì, enagat asusak higit hogoat enagat agaike atì.

YAKOBÙT 4:7

Ati nen he, Ala awe a'ma hinetaùken seberogo kìlìk ane hologo logolìk, Ibilit ane atì sagalogo heraksìkì logoino. Heraksamo re, at en herakhikalùk hese wùlìbiginat o.