1 PETERÙT 5:5 - Ala Ane Wene Ket Mene Warogo Wo'ninapike Wene

⁵ Nen, atì hagat he, hit ap elege nagoromì. It aike nen Ala ane ba mel isukwa: “Apùnì inokawerek en hogorakikenem, Ala nen inoasigìlùk abìt isikerek o. Meneat he, inokawerek inetaùken seberogo logogun halok, etawìrinaperek o,” ìlùk helal waganogo hesukwama werek atì nen, hit en inalùgetek inawe a'ma kìlìk inane hologo hagatì logoino o. Atì'nogo hagatì logolìk he, hit obogat he, hinokawerek en hogorakìgì'lek inawe a'ma logolìk, hit aike nen it aike inatitigeke welagìk, it en hit hinatitigeke welagìk, ìkì logolìk lebet-lebet ìkì logoino o.

1 PETERÙT 5:5 ပူးပေါင်းရင်းမြစ်များ

YAKOBÙT 4:6

Atì'nogo meneat he, Ala nen ninebe etawìrogo logolìk, hùkorogo lebe'nisikerek atì. Atì'nogo hagaterek atì nen mel isukwa: “Apùnì inokawerek en hogorakikenem Ala nen inoasigìlùk abìt isikerek. Mene re, inokawerek inetaùken seberogo logogun halok etawìrinaperek o,” ìlùk helal waganogo hesukwa.

EPESÙT 5:21

Ala atì'nogo hai watì logolìk he, Karìsùt agaugeratì logolìk, hit-hit aike nen aike awe a'ma logolìk inane hologo hagatì logoino.

ÙRÙM 12:10

Hinerùgì hinagaiya'lak Ala againapùrì mene atì hinebe ap omakeat en tago mene negen, hinetaùken tùlem hinetawìrogo logolìk he, hit-hit hinerùgì hinagaiya'lak hinane agauk hogo yogoisìkì logoino.

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

KOLOSE 3:12

Hit hinebe, Ala nen wenagasogo okawerek hesik hakasikesik he, “An nokawerek nagainapùrì o,” ìlùk, etawìrogo welagarek atì. Halok he, su ket mene labetarek hak, hinoabùt mel mene wanino. Inebe inetawìrinaparek mene atì mel, inoabùt enago welagaikarek mene atì mel, inokawerek en hogorakìgì'lek inetaùken seberogo welagaikarek mene atì mel, inoabùt lìok hogo hagatarek mene atì mel, inepe morogo welagaikarek mene atì mel, hinoabùt atì mene wanino.

ÙRÙM 13:14

Hit hinoabùt he, apùnì inoabùt inesogat logolìk, Yì wanile, tì wanile, ìlùk egarek atì hak hina'la kagalhì'lek he, we, sike sìge wanharek hak, ninoe Etagepogot Yesùt Karìsùt oabùt atìat wanino o.

1 PETERÙT 4:5

Meneat he, at Ala nen, apùnì ineluk mene mel, wa'lagaukwa mene mel, inanema waganogo ùkùm inoba hìgìk, kotìk, ìgìlùk a'la akikesik werek. Atì'nogo ùkùm inoba hikenem, it en, ùkùm inoba korùogolùk, “Nit yì'nogo hagatì lagagu, tì'nogo hagatì lagagu,” ìlùk yogotenem mea asigin weregat o.

IBERANI 13:17

Hobuk Ala nen he, hit hinogogì mel yogoisegein: It inetaùken hesik nìkì'nogo hagatì lagasip, ìlùk yogoisikenem, it ina'la nen he, “Nit ninoba lopogat oko yogosugun hìgì,” ìlùk, hanorogo sethisek motok welagaikarek atì nen he, it inawe a'ma soma ìlìk inane hologo hagatì logoino o. Atì'nogo hagatì logogun halok he, it ina'la hairogo, hit hesik hagatì logogun atì. Meneat he, hit en it inane hologo hagatì logogun lek halok he, it ina'la weak logolìk, hit hesik we tùlemat hagatì logousak o.

1 PETERÙT 4:1

Apùnì yì aik tì aik hìlìk, inebe wa'larìk, hobuk weak hagato logousak lek atì nen, at Karìsùt yì aik tì aik hìlìk hìlìk ebe wa'lagaike atì hak, hit hogo re, apùnì sing ìkìlik inepe hebelogo welagaikarek atì hak, at Karìsùt oabùt waganogo, yì aik tì aik hìkì logolìk hinomamerogo logoino o.

LUKAT 22:26

hit en, atì'nogo hagasusak motok lek o. Halok he, hit mene aike nen he, An netagewerek logoile, akiko halok, hinagorat asuak o. Nen, An nen hagisek logoile, ìlùk akiko halok he, hinatitigekeat asuak o.

1 TIMOTÌÙT 5:1

Hat en, ap inalùgetek halok he, hane uare'ma yogoisìgì'lek, we, hopaselak negen hane lìok hogoat inasuk watì logoino. Nen, ap elege atì re, hagaiya'lak negen hinom welagìk,

1 PETERÙT 3:8

Wene atì elùgùn warogo mel yogohisak. Hit hinebe obogat hina'la nen he, “Ninebe Ala againapùrì ninerùgì ninagaiya'lak ninom,” ìlùk hinetaùken hutik logolìk, hina'la omakeat mene akìgìk, hinetaùken omakeat mene ebetìk, ìkì logoino. Atì'nogo ìkì logolìk, hinokawerek en hogorakìgì'lek, hinetaùken seberogo logolìk, hit-hit netawì-hetawìrogo hagatì logoino.