1 PETERÙT 5:12 - Ala Ane Wene Ket Mene Warogo Wo'ninapike Wene

¹² An nen wene horoat atì hinasuk warogo hinoba lakhei wesigìlùk he, helal wanuagalùk an nagot Ala aput Silat oabùt hùpùnsek hìgìrìk he, ayoko hìgìma wanhomo hinoba lakhei wagì atì. Ala oabùt hano nen haga'ninabì'logo mene ebe yìat ìlùk, an nelu logolìk eberogoat yogohisìgì o. Halok, hinetaùken atì baat hìpìrìk logolìk, ning hogo metek logoino, ìlùk wene helal waganogo hinoba lakhei wagì atì.

1 PETERÙT 5:12 ပူးပေါင်းရင်းမြစ်များ

YOHANET 21:21

At Peterùt en ap atì eileken lakhìlìk he, Yesùt mel yogosike: “Noe. At ap arì hobuk nìkì'nogo hagasigin akegen,” ìlùk yogotì lagaikomo,

LAKSASIKE 11:23

At Parenapat atì, oabùt hano logolìk, etaùken Yesùt oba hìpìrìk motok were'ma re, Ala Areagùn a'la peserek welagaike atì nen, lakhei wagaukwama, wagaikesik eileken isìlìk, a'la nen he, “Ala oabùt hano nen hano hagarinapomo werek hìgì,” ìlùk a'la hai hakasike. A'la hai hakìlìk he, “Hit obogat hinetaùken ninoe Etagepogot oba hìpìrethìlìk, at hinom hutigat motok logoino o,” ìlùk inasuk wasike. Inasuk watì lagaikomo, apùnì logolegat, ninoe Etagepogot werekwe lapuk ìlìk inebe seik-peik ìkì lagaukwa.

LAKSASIKE 15:22

Wene atì'nogo isukwasik he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì serisek welagaukwa mene amanogo mel, Ala againapùrì aike atogorek welagaukwa mene obogat mel, inom en wene mel ìlùk palhukwa: “Ap nit mene aike weteberogo inayoko hìlìk, Paùlùt Parenapat eperak inom o Atiokia loak en he, laksùok o,” ìlùk isukwa. Atì'nogo isukwasik he, it Ala againapùrì aike nen, at Yurat etage aike Parasapat atì ho, Silat atì ho, “Inoabùt hano,” ìlùk akìkì lagaukwa mene nen, helal waganek atì inekim wolok loagalùk inayoko hesukwa.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

ÙRÙM 5:2

Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.

1 KORÌTÙT 15:1

Nerùgì nagaiya'lak. Yogotak he, an nen wene aike hina'la ebethisak. An nen hano wene yogohisa wagagimo re, wanhigisip he, hinetaùken hano wene atì ha wurik agagisip welagep atì.

2 KORÌTÙT 1:19

At Ala aput Yesùt Karìsùt, an nebe nen yakùlhisìgìk, Silat en yakùlhisìgìk, Timotìùt en yakùlhisìgìk, isugu mene a'nogo oabùt he, “Ì o,” ìlìk en, “Lek o,” ìlùk ikerek lek. Ala nen, “Ì o. Wokhisegein,” ìlùk abok yogonisa hak, Yesùt ebe wo'nisasikomo werek atì.

2 KORÌTÙT 1:24

Hit hinetaùken Ala oba hìpìrethesigip mene atì, eberogoat ìlùk hinetaùken hapuk hogo welagep atì nen he, nit en, “Hinetaùken tì mene oba hìpìrethousak,” ìlùk ninane ning hogo yogohisogoin lek o. We, hit hina'la hai hakoageip ìlùk lebethisìkì lago atì.

EPESÙT 3:3

Wene at Ala a'la hinago welagaike mene atì, an pak hogo yakùlnesike, ìlùk, helal kasuk hogo waganogo yakùlhisìgì atì.

EPESÙT 6:21

Wene an nebe yoma welagì mene mel, hagatì lagì mene mel, hit hinelùrogo, ninagaiyak Tìkìkùt netawì mene, ninoe Etagepogot hesik etaùken hùpùn hogo hagato welagarek mene a'nogo nen obogat yogohisa wesigin atì.

KOLOSE 1:7

Hano wene atì, at Epaperat ninagaiyak ninetawì mene nen yakùlhisikenem yakùlhigip atì. At ebe re, Ala atitigeke nit ninom higirat logolìk, Karìsùt en ayoko hìlìk, lakhei wagaikomo, nit en yogohisa hak ninobùlù'mo oabùt hùpùn hogo yogohisìlì'logo atì.

KOLOSE 4:7

At Tìkìkùt ninagot ninetawì mene, nit ninomat ninoe Etagepogot atitigeke logolìk, at hesik oabùt hùpùn hogo hagaterek mene nen wene an nabok hobuk yogohisa wesigin a'naga o.

KOLOSE 4:9

At eperak wesuagalùk, ninagot Onesìmùt, ebe ap hit mene oabùt hùpùnsek ninetawì mene a'nogo, eperagat laksa wesigin atì. It wìrìk he, wene nit yoma hagatì lago mene obogat yogohisa wesugun o.

1 TESALONIKA 1:1

Hit Ala againapùrì o Tesalonika atogotì logolìk, ninopase Ala mel, ninoe Etagepogot Yesùt Karìsùt mel, hinom hutik welagep mene, nerùgì nagaiya'lak. An Paùlùt, Silat Timotìùt eperak ninom en, wene yì helal waganogo hinoba lakhei wago atì. Ninopase Ala oabùt hano a'nogo nen hano mene wokhisìgìk, hinetaùken hapuguthinapìk, ìkì logouak o.

2 TESALONIKA 1:1

Hit Ala againapùrì o Tesalonika atogotì logolìk, ninopase Ala mel, ninoe Etagepogot Yesùt Karìsùt mel, hinom hutik welagep mene, nerùgì nagaiya'lak. An Paùlùt, Silat Timotìùt eperak ninom en wene yì helal waganogo hinoba lakhei wago atì.

IBERANI 13:22

Nerùgì nagaiya'lak. Wene horogat hinasuk warogo helal waganogo hinoba lakhei wagì atì, hinaberalì agì'lek hinasuk hologo logoino o.

1 PETERÙT 1:13

Ati nen he, wene atì hùthìlìk he, kwe humusek lùogolùk inobakwe hele ning hogo homatarek atì hak, hinoabùt hebelogo, hinetaùken wekelogo logoino. Ati'nogo logolìk, hina'la nen he, “Ala nen Yesùt Karìsùt ebe weinam hogo lakhei waganem hano mene wo'nisa wesigin o,” ìlùk hinetaùken at oba lakhìlìk oba eberek motok logoino o.

1 PETERÙT 4:10

At Ala oabùt hano nen, ninebe lopok ninoabùt hùnogo tomok wo'nisasike higit hogoat, hinebe lopok en atì mene hano ese logolìk, hithit lebet-lebet ìkì logoino.

2 PETERÙT 1:12

Atì nen he, wene ebe wene hinelu agagisip hinetaùken wurik hogo hesogo welagasep meneat he, an nen wene ìgì atì hesik ninhùp-nanhùp hina'la ebethisiko motok logogin o.

2 PETERÙT 2:15

It atì re, kwe higit hogo lagaikarekkwe atì heraksalùk he, hageat at Pileam Peot aput kwe kwanìrogo lagaike atìkwe laga logogun atì. At Pileam a'la nen he, “An weak hagatenem oko wo'nesuak,” ìlùk a'la walok akasikomo,

3 YOHANET 1:12

Atì'nogo meneat he, at Temeterìùt hesik enek he, apùnì obogat en mel, at Ala eberogoat enek ikerek a'nogo nen mel, an nen mel, “At hano hagarì'logo,” ìlùk abok hano ogorek. At abok ogorek atì, eberogoat hano ogorek atì hit hinelu o.

YURAT 1:3

Nerùgì nagaiya'lak. Hinebe netawì e. Wene Ala nen hit ninomat telninapike a'nogo hesik wene helal waganogo hinoba lakhei wesigìlùk na'la eberek motok welagarìk he, hobuk netaùken sebelusak mea agama re, wene mel hesik lakhei wagì atì. Atì re, it apùnì aike Ala ebe inabìt mene nit ninoake palek werek kolek nina'la ki wìrìk he, Ala oabùt hano nen wo'ninaperek mene atì, it en lagak hogo wene hùnogo mene yogohisìkì logolìk he, “Weak mene yùgùnat hagatì logousak,” ìlùk, ninoe Etagepogot Yesùt Karìsùt omame apik a'nogo ebe heraksìlìk, hagarì'lùgì atì. Atì'nogo hagarì'lùgì atì nen, Ala nen he, “Ùkùm tì'nogo inoba hegein,” ìlùk isikomo hageat en helal waganogo hesukwama werek. Wene Ala nen omake hesigat nit againapùrì wo'nisasikomo ninetaùken oba hìpìrìk welago atì mene, it atì nen legethouogolùk ikenem, hit en elele waganogo hinomamerogo hesogo logouageip ìlùk hina'la kagalogo lakhei wagì atì.