1 PETERÙT 5:10 - Ala Ane Wene Ket Mene Warogo Wo'ninapike Wene

¹⁰ Were'ma, at Ala ebe hogorato motok logogun atì hak, hit Karìsùt hinom hutik were'ma hinomat hogothinapo logouagalùk hinayoko hesikomo, yogotak ya hamùlùgat enek hinoba yì aik tì aik hìkì logopik, hobuk, at oabùt hano motok a'nogo nen, katok hogo hagathinapìk, hinetaùken wurigethìgìk, hinomamethinapìk, hapuguthinapìk, igin o.

1 PETERÙT 5:10 ပူးပေါင်းရင်းမြစ်များ

2 KORÌTÙT 4:17

Nit yogotak, yì aik tì aik haga'ninabì'lùgì atì re, elama hesik hamùlùgat negen o. Meneat he, atì'nogo haga'ninabì'lùgì atì ba, hobuk hogoratarek mene esok motok logogin mene motok hùkoat ese asugun o.

2 TESALONIKA 3:3

Mene re, ninetaùken ninoe Etagepogot oba hìpìrethikenem, ninane hologo hagaterek mene atì nen hinetaùken wurigethinapì logolìk, at oabùt motok weak mene atì nen weagathinabigìlùk ikenem hakhisek logogin atì nen, hinetaùken at oba hìpìrethìlìk logoino o.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

1 TIMOTÌÙT 6:12

Apùnì inawe walhùogolùk sa awewerek sa awewerek walhagarek hak, nineluk motok logogun atì mene hela lagalùk, hetaùken Ala oba hìpìrìk logolìk, at hesik homamerogo hagatì logoino. Atì'nogo hagatì logopik, atì mene hela lanogolùk, Ala nen hayoko hesikomo, hat en he, “Netaùken Karìsùt oba hìpìrethìlìk tì'nogo hagatì logogin,” ìlùk apùnì logolegat ineilhanem pak hogo isigin atì higit hogoat homamerogo hagatì logoino.

2 TESALONIKA 2:17

Atì'nogo egarek mene atì nenat, hit hineki nen hano mene hagatìk, hinane ba hano mene yogoisìgìk, ìkì logouageip en ìlùk, hina'la hanothinapìk, hinetaùken wurigethinapìk, ìkì logouak o.

2 KORÌTÙT 13:11

Nerùgì, nagaiya'lak. Wene elùgùn warogo mel yogohisak. Hina'la hai hakìgìk, hinetaùken katok hogo wurigethakìgìk ìkì logoino. Wene hinasuk warìk wagì atì, hinasuk hanorogo holino. Hinetaùken omakeat logolìk, hinom lapuk hogo logoino. Atì'nogo hagatì logogun halok, Ala apùnì etawìrinapìk, inom lapuk hogo hano hisìgìk, ikerek mene a'nogo sethisek logogin o.

1 KORÌTÙT 1:9

At Ala nen aput ninoe Etagepogot Yesùt Karìsùt hinom hutik logouageip ìlùk hinayoko hesike atì. Atì'nogo, at oabùt hùpùn mene nen hinayoko hesike atì nen he, ebe asigin ìlùk hinetaùken menenù sikip hogo logousak o.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

2 PETERÙT 1:3

At Ala esok motogat logolìk, yì mene tì mene elalinat hagatenem hogorato motok welagaikarek mene a'nogo nen ninayoko hesike atì. Halok, nit en at ebe sekek hogo ninelu arìk, nit ninebe nineluk logolìk, at hesik higit hogo hagatì logouagalùk, at okawerek omame ba yì mene tì mene wo'nisasikomo ese agosik welago.

1 PETERÙT 1:15

At Ala nen he, “An noabùt weak hagatì'lek keksek motok welagìrek atì nen, hit hogo re, an hesik hinoabùt keksek motok logoino o,” ìlùk isikomo helal waganogo hesukwa atì nen, hit en yì mene tì mene hagatì logolìk, hinoabùt at Ala hinayoko hesike mene oabùt hakeat keksek motok logolìk hagatì logoino o.

PILIPI 4:13

At Karìsùt en nomame'napo kolek nogo nen he, yì mene tì mene weak aganem inom, hano aganem inom, elok logousak enek.

2 TIMOTÌÙT 2:10

Atì nen he, it apùnì aike Ala nen wenaginapike mene hùgì, Karìsùt Yesùt inom hùnesumo re, inebe telinapìk, ineluk hano motok logouagalùk, hanorinapìk, uagalùk he, an atì'nogo weaga'napo kolegat, nepe morogo welagìrek atì.

2 TESALONIKA 2:14

Ninoe Etagepogot Yesùt Karìsùt hogorato motok welagaikarek hak, hit atì'nogoat hinom hogothinabuagalùk, Ala walok en hano wene nit en yogohisa wagagu atì ba, hinayoko hesikomo welagep.

LUKAT 22:32

hat hetaùken noba hìpìrethìlìk welagen mene atì maben asinogo ìlùk he, hat hesik an Ala ayoko arat hìgìma. Hepe hebelagen halok he, hagaiya'lak yoma hat en inetaùken ago watsìkì logoino,” ìlùk yogosike.

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

KOLOSE 2:7

hinomaken Yesùt oba ning hogo yakhìlìk he, hinetaùken at oba katok hogo hìpìrethìlìk, hinom hutik logolìk he, hinetaùken wurik ago motok logolìk, Ala hai wato motok logoino o.

ÙRÙM 15:5

Hit hinetaùken, hinane, omakeat logolìk, ninoe Etagepogot Yesùt Karìsùt opase Ala atìat hogoratì logouageip en he, at Ala apùnì inoabùt inepe morogo logouagalùk hagarinapìk, ina'la hanorinapìk, ikerek mene atì nenat, hit obogat hinetaùken omakeat, at Karìsùt Yesùt oabùt hake hagathinabuak o.

1 YOHANET 2:25

Nen, at okawerek en, “Wokhisegein,” ìlùk abok yogonisasike a'nogo re, ninebe nabùlal-habùlal haga'ninabigìluk isike o.

IBERANI 9:15

Atì nen he, wene warogo alep wo'ninapike mene atì ba logolìk, nit ninasuk ware'lek weak hagatì lagagu atì ba ninebe hele warek hake welagagu. Atì'nogo were'ma, at Ala nen Karìsùt wa'lagaike atì ba hele hikalninapikesik he, nit at en wanisasike mene hùgì ninom hùnerìk, hano mene esok logogin mene wo'nisagalùk, wene ket mene warogo wo'ninabìk, Karìsùt ebe hùlìsanem menhesike.

ÙRÙM 15:13

“Hobuk hano asigin,” ìlùk nina'la hai hakogorek atì, ero at Ala nenat haga'ninaperek. Hit atì'nogo hina'la hai hùkorogo hakìkì logouagalùk Ala Areagùn omame ba hagathinabuak. Atì'nogo hagathinabuak en he, hinetaùken at oba hìpìrethesigip atì ba hakothìlìk were'ma, at en hina'la hai apik hakìkì logouagalùk hagathinapìk, hinetaùken hapuguthinapìk, uak o.

ÙRÙM 9:11

It ap inebe pìre atì, inebe ta'lagì'lek inoabùt hano hagatìk, weak hagatìk, ìgì'lek werek kolek, at Ala a'la nen akalùk weteberogo hisasike atì ebe arìk logouagalùk,

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

ÙRÙM 9:24

Atì'nogo akikerek mene atì, nit apùnì Yahuri mene nek wena'ninapikesik ninayoko hesike hùk. It etakwe mene ninomat wena'ninapikesik inayoko hesikeat o.

1 KORÌTÙT 1:10

Atì'nogo meneat he, nerùgì nagaiya'lak. Ninoe Etagepogot Yesùt Karìsùt etage ba, wene aike hinasuk wasik. Hit obogat hinebe mìkìlhì'lek hai warek logolìk he, hinane omakeat mene ìgìk, hinetaùken omakeat welagìk, hina'la nen wene omakeat mene ebetìk, ìkì logoino.

1 PETERÙT 4:10

At Ala oabùt hano nen, ninebe lopok ninoabùt hùnogo tomok wo'nisasike higit hogoat, hinebe lopok en atì mene hano ese logolìk, hithit lebet-lebet ìkì logoino.