1 PETERÙT 5:1 - Ala Ane Wene Ket Mene Warogo Wo'ninapike Wene

¹ Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

1 PETERÙT 5:1 ပူးပေါင်းရင်းမြစ်များ

LUKAT 24:48

Wene helal waganek werek atì hak, ebe haga'laga mene hit hineileken hegep mene nenat, it apùnì yogoisìlìk laga logoino.

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

LAKSASIKE 11:30

Atì'nogo atogosukwasik he, Parenapat Saùlùt eperak en, inekim wolok lìlìk, it ap Ala againapùrì serisek welagaukwa mene ineki ba hei loagalùk laksasukwa atì.

LAKSASIKE 14:23

Atì'nogo yogoisìlìk wùlìbi waga logolìk he, o ya ta, Ala againapùrì atogotì lagaukwa lopok, inogogì hagisek logouagalùk menhisìlìk he, ineki aike sapan uogolùk sùpùrùk nìkìlek welegat logolìk sapan mel ìkì lagaukwa: “Yesùt ninoe. Hagainapùrì inetaùken hoba hìpìrìk werek mene yì, hagisek logoinok en ìlùk hat heki ba hogo o,” ìlùk sapan ìlìk wùlìbi wagaukwa.

LAKSASIKE 15:4

It a'nogo o Yerusalem lagaukwama re, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, it Ala againapùrì aike atoma inebe atogotì lagaukwa mene mel, inom en, hai warogo woginapukwa. Woginapukwama, it en he, “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisasukwa.

LAKSASIKE 15:6

Yogoisasukwama re, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì serisek welagaukwa mene amanogo mel, wene atì haluogolùk atogosukwa.

LAKSASIKE 2:32

Atì'nogo isike higit hogoat, at Yesùt Ala nenat eluguthikomo, nit ya obogat nineileken hogosik nineluat welago atì.

LAKSASIKE 20:17

At Paùlùt ebe o Miletùt atoma logolìk he, it ap Ala againapùrì o Epesùt mene serisek welagaukwa mene inebe wesuagalùk wene lakhesike.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

LAKSASIKE 21:18

Atì'nogo wo'ninapukwama, hùenkwe at Paùlùt ninomat, at Yakobùt hùogolùk kisugu hake, it ap Ala againapùrì serisek welagaukwa mene inebe obogat inom were'ma kisugu.

LAKSASIKE 3:15

Ninelugu'ninaperek mene ero ebe at meneat he, hit en watepma Ala nen he, ebe eluguthikomo, nit nineileken eberogoat hogosik en yogohisìkì lago o.

2 KORÌTÙT 5:1

Apùnì inawì wùrìk mesalaganem hobuk ket wùtarek hak, nit ninogat kweangma elama hesik welago yì, wa'lago halok he, pogot oba ninebe ninesok motok logogin mene apùnì nen agauak hagatì'lek mene Ala nen hagarogo hinegein mene werek o, ìlùk hùthìkì lago.

2 KORÌTÙT 5:8

Atì nenat nina'la se welago. Ninogat yì kopologo heraksalùk, ninoe Etagepogot were'ma kìlìk ninom logou walok e, akìkì lago.

1 TIMOTÌÙT 5:1

Hat en, ap inalùgetek halok he, hane uare'ma yogoisìgì'lek, we, hopaselak negen hane lìok hogoat inasuk watì logoino. Nen, ap elege atì re, hagaiya'lak negen hinom welagìk,

1 TIMOTÌÙT 5:19

Apùnì aike nen he: “At Ala againapùrì serisek werek mene a'nogo weak hagatomo,” ìlùk ùkùm oba houogolùk ikenem, inebe pìre a, hìnagan a, ineileken tùkùm hogo haga mene nen, “Eberogoat,” ìlùk ega halogat, ùkùm oba housak. Nen, atì'nogo ìgì'lek halok, ùkùm oba housak lek o.

2 TIMOTÌÙT 4:8

Apùnì inawe walhikenem, inawe uan asugun mene oko hano mene wogisagarek hak, an nebe arat laganem, ninoe Etagepogot en ùkùm ninoba hìgìk, kotìk, higit hogoat igin atì like, at en he, “Hat higirat hagatì lagenma,” ìlùk, oko hano mene aike wo'nesigin werek o. Mene re, an enek wo'nesigin hùk. It aike ina'la nen he, “Yesùt we'nìk e,” ìlùk, walok en serogo welagaikarek mene hùgì obogat ninom wo'nisegeinat o.

TITUT 1:5

An nen hat o Kereta atoma hagalùk, wesigìlùk ìkì logolìk, wene tì'nogo hagatì logousak ìlùk, hoba hesigi atì: “Yì mene tì mene oan higirethìgì'lek mene, higirethìgìk, o ya ta atoma apùnì Ala againapùrì aike serisek logouagalùk inogogì lopok menhisìgìk, ìkì logoino,” ìlùk, yogohe'lùk wagag'i atì.

PILEMON 1:9

an Paùlùt yogotak nebe arat yaman agarìk were'ma, Karìsùt Yesùt hesik neki hele warogo hanhama welagì. Atì'nogo logolìk, hat netawìrogo welagìrek atì nen, nane lìok hogo hoba aike kìno yogohesik.

IBERANI 12:1

It apùnì alep hagarìk wagaukwa mene inabok ìlìk wago atì, inebe esa logolek ninera'lukwe yìlìng-walìng ineileken la'nisek werek atì nen he, sa awewerek sa awewerek lùogolùk yì mene tì mene inoba ekin mene korogo hùlùk lagaikarek atì hak, nit ninoba ekin yìlùk-malùk welagarek mene atì mel, ninoabùt weak hagatorek mene ninoba te'meksek motok welagarek mene atì mel, obogat korogo heraksalùk, Ala nen, “Hùlì tì hùlì lano,” ìlùk yogonisasike atì, nina'la nen he, “Ninelokoma pìkìt hùlì atì baat lùok,” ìlùk, ninomamerogo laga logouok o.

1 PETERÙT 1:12

Hinok wanhenem, at Ala nen he, “Wene atì re, hit hinokawerek hesik he, lek o. It hobuk oan mene hesik hagatì lagep o,” ìlùk hit hesigat isike. Atì'nogo yogoisasikesik welagaikesik en, hobuk Ala Areagùn pogot oba nen pelakhei wagaikomo, it ap hano wene Yesùt Karìsùt hagasike wene a'nogo yogohisoagalùk ina'la logolìk yogotak pak hogo yogohisìlì'lùgì ebe atì hesik ìkì lagaukwa atì. Wene atì, it malaikat Ala nen yoko pelaksa wagarek mene amanogo nen he, “Eige, nit wene atì tùkùm hogo ninelu a'lo e,” ìlùk akagarek.

1 PETERÙT 1:7

Emas oko apik palharek mene atì hano a? Weak a, ìlùk etu aik oba walhagarek atì hak, Ala nen he, “It inetaùken an noba eberogoat hìpìrìk werek a? Lek a,” ìlùk, enagat asuagalùk akikenem, hinoba yì aik tì aik hìkì lagep atì. Emas atì re, we tùlemat lek asigin meneat he, ebe esin he, hinetaùken Ala oba hìpìrìk welagep atìat o. Hit hinetaùken at oba hìpìrìk logogun halok he, at en hinoabùt palhì logopik he, Yesùt Karìsùt weinam hogo lakhei wesigin atì like, hogothinapìk, agaugethinapìk, esinethinapìk, igin o.

1 PETERÙT 4:13

At Ala nen Karìsùt ebe weinam hogo lakhei waganem, hogorasugun atì like, waganem hina'la hai apik hakùogolùk, hina'la nen be, “At Karìsùt oba yì aik tì aik hìlìk hìlìk wa'lagaike hak, nit at ninom hutik logolìk atì'nogoat hìkì lago,” ìlùk hina'la hai hakìkì logoino.

1 PETERÙT 5:4

Atì'nogo hagato were'ma re, ninoe ako esewerek a'nogo wesipik he, “Hano motok hagatì lagepma,” ìlùk oko hogorato motok logogun mene wokhisegein o.

1 YOHANET 3:2

Nerùgì nagaiya'lak, netawìlak e. Yogotak nit ninebe Ala againapùrì welago meneat he, hobuk ninebe logogun mene weinamethìgì'lek oan hinago werek o. Atì'nogo meneat he, nit ninelu re, Yesùt ebe yogotak werek mene nineileken tùkùm hogo hogoin atì nen, at wesigin atì like ebe waganem, nit ninebe at ebe werek atì hak haga'lasugun o.

2 YOHANET 1:1

An nen, Ala againapùrì sethisek logouagalùk, at en menhanhike mene hinoe a'nogo nen, hit Ala againapùrì takhinapike mene hùgì hinebe re, he omakeat mene ebe Ala nen wenasike mene eagwi inom hakema re, wene yì hai warogo helal waganogo hinoba lakhei wagì o. Hinebe eberogoat netawì o. An naligat enek hinebe netawì welagì hùk. We, it aike ninom ebe wene yogotak nina'la logopik hobuk moto'-motogat logogin mene atì wanhukwasik inelu agaukwa mene nen inetawìthinapaat o.

3 YOHANET 1:1

Kayùt nagaiyak e. An nen Ala againapùrì serisek logouagalùk menhanhike mene hinoe a'nogo nen netaùken oba nen hebe eberogoat netawì welagì, ìlùk, wene yì helal waganogo hoba lakhei wagì o.

ABÌKAKAN 1:9

An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.