1 PETERÙT 4:9 - Ala Ane Wene Ket Mene Warogo Wo'ninapike Wene

⁹ Hinerùgì hinagaiya'lak hinom, hit aike nen it aike inaua lagìk, it en hit hinaua wagìk, ìkì logolìk, inebe woginabìk he, hina'la nen, “Nabìt e,” ìlùk akìgì'lek woginapì logoino.

1 PETERÙT 4:9 ပူးပေါင်းရင်းမြစ်များ

IBERANI 13:2

It apùnì aike nen he, malaikat mene inebe ap pok salek inoake palek woginapukwasik inaganeke wanhukwa atì nen he, ap pok hinoba wago halok he, hinobaken nene heraksìgì'lek woginapì logoino o.

ÙRÙM 12:13

Ala againapùrì mene aike yì mene tì mene le'ma werek halok sùpùrisìgìk, ap pok inebe hinokot mene waganem hinaua hanorogo woginapìk, ìkì logoino o.

PILIPI 2:14

Hit en he, at Ala eilhanem ùkùm hinoba legat, nen, weak mene hina'la legat logouogolùk halok he, hinebe Ala againapùrì weak hagatì'lek tegelek motok logolìk, o mùm were'ma hesagal en lìathikerek hak, apùnì yoma inoabùt kolo weak hagatarek mene ina'lakwe lìarogo logolìk, yì mene tì mene hagatì logolìk, “Ninabìt,” ìlùk yìarek-puarek hagatì'legat, wene palhi'legat, hagatì logoino.

IBERANI 13:16

Atì'nogo ìkì logolìk, apùnì aike hano hagarinapìk, leberisìgìk, ìkì logouok. Atì'nogo ìkì logousak atì re, Ala a'la hanorogo ako waretì logou hagat ma re, oba lì'mathousak motok lek o.

TITUT 1:8

ap pok inokot mene waganem aua hanorogo woginaperek mene halok, hano hagatarek atì mene nek walok akikerek mene halok, etaùken uan mene halok, oabùt higit hogo hagaterek mene halok, ebe Ala hesik tegelek welagarek mene halok, okawerek en asuk warek welagarek mene halok, menhousak o.

1 TIMOTÌÙT 3:2

Ati nen, ap Ala againapùrì serisek logouagalùk, inoabùt he, yì hake mene menhisasak. Apùnì aike nen, “At weak,” ìlùk ùkùm oba hìgì'lek mene halok, agwe omakeat mene halok, weak hagasuagalùk a'la kagalhenem tok wokhagarek hak wokhikerek mene halok, etaùken uan mene halok, hagasusak mene higit hogo hagaterek mene halok, ap pok inokot mene waganem woginaperek mene halok, wene sekek hogo yakùlisikerek mene halok,

YAKOBÙT 5:9

Nerùgì nagaiya'lak. Atì'nogo serogo logolìk he, Ala nen ùkùm hinoba heinogo ìlùk, hit-hit ìkì logolìk, “Nagaiyak ari oabùt hagarì'logo nabìt e,” ìlùk inabok palhì'lek logoino o. At Ala nenat ùkùm apùnì inoba hìgìk, kotìk, igin atì, kwe ape ba horok asi waga atì lakhani!

2 KORÌTÙT 9:7

Apùnì ina'la hai motok hakìkì logolìk it aike hisagarek mene atì, Ala nen inebe etawì welagarek atì nen he, hit hinebe lopok hinagarok hinetawì werek kolek, it aike nen hina'la keirogo kagalhenem hisasak mea o. We, hit hina'la hano logolìk, hinokawerek hina'la nenat kagalogo hisasak o.

PILEMON 1:14

hat en, “Ì o, hano. Heperak logoino,” ìlùk yogonetì'le'ma, an nen nabusak wene aike usak mea o. We, an na'la walok he, hat at ebe esewerek mene hetaùken nenat inogolùk, lakhei wagì atì o. Mene re, hat ha'la nen, “Nabìt,” akiko kolegat, an nen nane ning hogo yogohesusak he, nabìt o.

ÙRÙM 16:23

At Kayùt en an nebe wo'napìk, Ala againapùrì obogat at aua atogotì logouak en woginapìk, ike mene atì nen hai wathinapeat o. At Erasìtùt o kota yoma hesik uang hisikenem hesogo welagarek mene atì nen hai wathinapeat o. Nen, ninagaiyak Kawarìtùt en hai wathinapeat o. [