1 PETERÙT 4:7 - Ala Ane Wene Ket Mene Warogo Wo'ninapike Wene

⁷ Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

1 PETERÙT 4:7 ပူးပေါင်းရင်းမြစ်များ

MATÌÙT 24:42

Atì'nogo haga'lasigin atì nen, hit en he, Ninoe Etagepogot mera wesigin, hinokot atì nen he, hinepe hebelogo logoino o.

MATÌÙT 25:13

Yesùt en atì'nogo yogoisasikesik he, “Atì hak, an wesigin atì, hit en, O tì sat, jam tì ba wesigin, ìlùk, hinokot atì nen he, se'narek logolìk hinepe hebelogo logoino o,” ìlùk yogoisasike,

LUKAT 21:34

At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,

LUKAT 21:36

Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

LUKAT 22:46

Isa wagaikesik he, mel yogoisasike: “Hit nenahalok nogo ìkì lagep. Weak hagasuagalùk hina'la kagali wesinogo nen he, hinebe melarìk sapan ìkì logoni o,” ìlùk yogoisasike.

ÙRÙM 12:12

Hit en he, “Hobuk at Ala nen hano hagasigin werek o,” ìlùk, hina'la hai hakìlìk, yì aik tì aik hìkì logolìk he, hinepe morogo sapan kamo igì'lek iko motok logoino o.

1 KORÌTÙT 15:24

Ninelugu'ninabìk he, o elùgùn oba arat haga'lasigin. Atì sat he, at Karìsùt en inebe kain welagaikarek atì mel, esewerek welagaikarek atì mel, inomame welagaikarek atì mel, motogat legetsìlìk he, yì mene tì mene, at awe a'ma werek mene obogat ninopase Ala awe a'ma logouagalùk eki ba hegein.

1 KORÌTÙT 7:29

Nerugì nagaiya'lak. Yogotak he, o wùrep oba asi lagosik welago. Ya ba logolìk be, ap inagagwì waganek mene atì, waganek lek mene negen logouak, ìlùk akìgìrìk en yogohisìgì o.

EPESÙT 6:18

Atì'nogo obogat hagatì logolìk he, Ala nen lebethikoagalùk sapan ìkì logoino. At Areagùn hina'la logolìk hina'la kagaligin hagat, ninhùp-nanhùp sapan Ala ayoko hìgìk, kìno yogotìk, iko motogat logoino. Atì'nogo ìkì logolìk he, hina'la pùk agì'lek, hinoabùt hebelek motok logoino. Atì'nogo logolìk he, Ala againapùrì obogat hesik sapan Ala ayoko hìkì logoinoat o.

PILIPI 4:5

Ninoe Etagepogot a'nogo hepogat wesigin atì nen, apùnì obogat en hit hùthikoagalùk, hinoabùt lìok hogo hagatì logoino.

KOLOSE 4:2

Sapan he, Ala hai watì logolìgat, hinaberalì agì'lek hutik-hutigat ìkì logolìk, hinepe hebelogo logoino.

2 TIMOTÌÙT 4:5

It atì'nogo hagato kolegat he, hat he, yì mene hesik, tì mene hesik hoabùt hebelek logolìk, hoba yì aik tì aik hìkì logolìk, hepe morogoat logoino. Hano wene yakùlisìlìk negarek atì meneat esinethìlìk he, Ala nen, “Tì'nogo leberisìkì logoino,” ìlùk, hayoko hesike mene atì aike heraksìgì'legat higit hogo hagatì logoino.

TITUT 2:12

Nit ninoabùt alep Ala ebe ninobaken nene heraksìkì logolìk he, nina'la nen yì mene tì mene kweangma mene walok enek akìkì lagagu atì heraksìlìk he, yogotak ya ninoabùt ninetaùken uan logolìk Ala hesik higit hogo hagatì logouagalùk, at oabùt hano atì ha yakùlnisìlì'logo atì.

IBERANI 10:25

Ninoe eki welagì'legat wesigin ìlùk ninelu atì nen he, nit atogotenem it aike kamo egarek atì hak, nit kamo ìgì'lek he, oba eberek-eberek nit-nit ninetaùken ago warogo ninasuk wat-wat ìkì logouok o.

IBERANI 9:26

At en he, it alep hagatì lagaukwa atì hak haga'lepma re, kweang elalhike hùlì nen pìkìt yogotak hùlì, eki hobugalep yì aik tì aik hìkì logolìk wa'laga logoilep. Atì'nogo meneat he, o elùgùn oba nit weak hagatorek mene legetsagalùk eki omake hesigat warn Ala waresu hak, okawerek ebe wa'lasi wagaike atì.

1 PETERÙT 1:13

Ati nen he, wene atì hùthìlìk he, kwe humusek lùogolùk inobakwe hele ning hogo homatarek atì hak, hinoabùt hebelogo, hinetaùken wekelogo logoino. Ati'nogo logolìk, hina'la nen he, “Ala nen Yesùt Karìsùt ebe weinam hogo lakhei waganem hano mene wo'nisa wesigin o,” ìlùk hinetaùken at oba lakhìlìk oba eberek motok logoino o.

1 PETERÙT 3:7

Nen, hit ap hogo re, Ala oabùt hano nen hinagagwì hinom higit hogoat hineluk motok logouagalùk esewerek hikikomo welagep atì nen, hit sapan ikenem Ala nen hinane asuk holhì'lek kamo inogo ìlùk, hinagagwì hinom hano logolìk, hina'la nen he, “Hìmì inomame lek,” ìlùk hùthìlìk, hinane agauk hogo yogoisìgìk, hinetawìrinapìk, ìkì logoino o.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

ABÌKAKAN 16:15

Atì'nogo lagaikasi'mo nen, at Yesùt en mel yogonete: “Hasuk holin o. Apùnì yogot wanuogolùk hinagasogo wagaikarek atì hak, an atì'nogoat wesigin o. Atì'nogo waganem, apùnì inalulukwa were'ma inekalì agarek atì hak, hit atì'nogoat hinekalì asinogo ìlùk hinasu hepok ìkùogolùk tegelogo hìlìk logogun halok he, Ala nen hanothinapenem hina'la hai hakogoin o,” ìlùk yogonetenem holhì.