1 PETERÙT 4:2 - Ala Ane Wene Ket Mene Warogo Wo'ninapike Wene

² Ati nen, hit en he, apùnì yì mene tì mene walok en inetaùken nen nikerek atì mene heraksìlìk, hùlì yogotak hùlì nen he, hineluk logolìk Ala a'la walok akikerek mene atì nek hagatì logoino o.

1 PETERÙT 4:2 ပူးပေါင်းရင်းမြစ်များ

1 PETERÙT 1:14

Hit alebat he, wene atì hinokot logolìk, yì mene tì mene walok en hinetaùken nen nikenem hagatì lagagip atì, hobuk he, hinoabùt atì mene wanhùp. Yekerùgì nen inopaselak inane hologo logolìk higit hogo hagatarek atì hak, hit Ala ane hinasuk hologo higit hogo hagatì logoino.

EPESÙT 6:6

It en sethisek werek kolek enek apùnì mene ina'la hanorogo hagatì logogùp. We, hina'la nen he, “Karìsùt atìtigeke logolìk, Ala a'la walok akikerek mene atìat hagatì logouok,” ìlùk, hina'la ebethìlìk en hagatì logoino.

ÙRÙM 6:11

Atì hagat he, hit hina'la nen he, “Weak hagatì logousak hesik waregat logolìk, Karìsùt Yesùt ninom hutik logolìk he, Ala hesigat nineluk logogun,” ìlùk hina'la akìkì logoino o.

2 KORÌTÙT 5:15

Nit obogat hesik wa'lagaike atì re, nit ninebe ninokawerek hesik nineluk logouagalùk wa'lagaike hùk. We, nit ninebe at hesik logouagalùk, at ebe nit hesik wa'lagaikesik en apotkwe eluk agaike atì.

EPESÙT 2:3

Alep nit obogat it hagarì'lùgì hagat hagatì lagagu. Ninoabùt apùnì inoabùt inesogat logolìk hagatarek hak hagatì logolìk, ninoba aiyage lagaikenem weak hagatìk, nina'la akalùk weak hagatìk, ìkì lagagu. Atem sat he, apùnì inoabùt inesogat logolìk hagatarek mene ninom higirat were'ma, Ala a'mage lagalìk he, weaga'ninabigìlùk welagaike.

ÙRÙM 6:2

Motok mea o. Nit weak hagatì lagagu atì hesik he, arat wa'lagagusigat he, hobuk weak hagatì logousak nogo? Mea o.

EPESÙT 4:17

An ninoe Etagepogot neperak hutik logolìk, at en yogohisa hak wene yì hinasuk warogo yogohisak. It apùnì etakwe mene inoabùt hagarì'lùgì atì hak, hit hinoabùt atì'nogo hagatì logogùp o. It atì, we tùlemat mene oba ebetì logolìk he,

ÙRÙM 14:7

Ninebe lopok he, ninokawerek hesik enek nineluk welagìk, wa'lagìk, ìkì lago hùk.

1 PETERÙT 2:1

Atì nen, hit weak hagatì lagep mene atì motok heraksìlìk logoino o. Apùnì aike lalinapìk, hinetaùken pìre hagatìk, ua palhìk, hinapeliak en apùnì aike inabok weak palhìk, ìkì lagep atì, heraksìkì logoino o.

YOHANET 7:17

Sa nen Ala a'la akikerek mene higit hogo hagasusak walok halok, an nen wene yakùlisìkì lagì atì, Ala nen yakùleto kolek ìlì'logo, ìgìk, Okawerek a'la nen kagalogo ìlì'logo, ìgìk, enagat hìlìk elu asiginat o.

MAREKÙT 3:35

Sa nen, at Ala a'la akikerek mene higit hogo hagaterek halok he, at atì an nagot, nerei, nagosa, werek o,” ìlùk yogoisasike.

1 YOHANET 2:17

Apùnì kweangma mene inoabùt hagatarek atì mel, yì mene tì mene walok ìlùk hagatarek atì mel, lek arìk wìrì'logo meneat he, apùnì Ala a'la walok akikerek mene hagatarek mene atì nek he, ineluk motok logogun o.

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

1 TESALONIKA 5:18

Ala a'la nen he, “Hit Karìsùt Yesùt hinom hutik logolìk, yì mene tì mene obogat hesik an hai wa'napi logousak o,” ìlùk akikerek atì nen he, atì'nogoat hagatì logoino.

KOLOSE 1:9

Hinabok atì'nogo ikenem ninasuk holhosik he, nit en hit hesik sapan ìgìk, Ala ayoko hìgìk, kamo ìgì'lek iko motogat welago. Atì'nogo ìkì logolìk Ala Areagùn nen hina'la kagalhenem, hina'la motok kagalogo wene hùthìlìk he, at Ala a'la walok akikerek mene atì hit en, tùkùm hogo hinelùrogo logouageip ìlùk ayoko hìkì lagoat.

EPESÙT 5:17

Hinetaùken abit logousak lek o. We, at ninoe Etagepogot a'la walok akikerek mene atiat ero herakìlìk higit hogo hagatì logoino.

ÙRÙM 12:2

Apùnì yoma hagarì'lùgì mene atì inoabùt wanhùp o. Hinoabùt ket hùnogoat haga'lasuagalùk, at Ala nenat hina'la ket mene hagathinapì logouak o. Atì'nogo hagathinapì logoumo re, at a'la nen: “Yì'nogo hagasuak, tì'nogo hagasuak,” ìlùk akikerek atì ebe hinelu asigin o. Hana mene ebe atìat o. At Ala a'la hanorogo hagatìk, inetaùken wurik agìk, ikerek he, atì nenat o.

ÙRÙM 7:4

Atì hak he, nerùgì nagaiya'lak. Hit alep he, hìmì inagonì inom hele homage hake welagaikarek ogo atì hak, wene Ala nen ninasuk wasike wene a'nogo ba homago were'ma, at Karìsùt ebe wasukwama wa'lagaike atì, hinomat wa'laga logolìk, hele hake homago welagagip mene atì arat hikalagaike atì. Atì nen he, hìmì inagonì wa'laganem aike elok woginabusak atì hak, hit Ala hesik hano hagatì logouagalùk, at Yesùt wa'lagaikesi'mo Ala nen eluguthesike mene a'nogo nen wokhinapikomo welagep o.

YOHANET 1:13

Eserinapikomo, at againapùrì agaukwa atì re, apùnì inagainapùrì taka walok en holelinabìk mep mene logalogo taginaparek atì hak hùk. We, at Ala nenat taginapike o.

MATÌÙT 21:31

Halok he, hit hina'la nen he, it ap inebe pìre atem sa hak en inopase a'la akasike higit hogo hagasike akegep,” ìlùk, yogoisasikomo, it en he, “Atì aput hobuk mene atì nen hagasike,” ìlùk yogosukwama, at Yesùt en he, “Halok he, an nen wene aike eberogoat yogohisak. Hit oan werek kolek he, it ap uang pemerìntah hesik kìno ìlìk atogotarek mene mel, hìmì yùgùnat yanani nìlìk negarek mene mel, it atì tak Ala awe a'ma hisikere'ma atoma kugun o.

MATÌÙT 12:50

Sa nen an nopase pogot oba mene a'la akikerek mene higit hogo hagaterek halok, at atì an nagot, nerei, nagosa werek o,” ìlùk yogosike.

MATÌÙT 7:21

Atì'nogo yogoisasikesik, mel yogoisasike: “Hit apùnì nen, an yogonetì logolìk he, Ninoe, ninoe, ìlùk ìkì lagep atì ba hinebe obogat, an nopase pogot oba mene awe a'ma hisikere'ma atoma kugun lek. We, it aike, at Ala a'la akikerek mene higit hogo hagarì'lùgì mene atìat ki logoin o.

KOLOSE 4:12

At Epaperat, Karìsùt Yesùt atitigeke, ebe hit meneat a'nogo nen, hai wathinapeat o. At en he, hit hina'la nen, “Ala ane atì eberogoat,” ìlùk huthìlìk he, hinetaùken wurik arìk hinebe metegat logolìk he, yì mene tì mene Ala a'la akikerek hak hagato logouageip ìlùk sapan hit hesik ning hogo iko motogat welagarek.

MATÌÙT 20:4

Isasikesik he, Ap yì sanì. Hit he, an neyabu anggur yabumo atoma hinomat hagasi lano o. Hagasumo re, an nen oko higit hogoat wokhisegein o, ìlùk yogoisasike.