1 PETERÙT 4:19 - Ala Ane Wene Ket Mene Warogo Wo'ninapike Wene

¹⁹ Hit Ala a'la akasike baat hinoba yì aik tì aik atì'nogo hìkì lagep halok he, hina'la nen he, “At ninebe elalninapike mene atìat oba hìpìrìk logousak he, hano,” ìlùk hinetaùken at oba hìpìrìk logolìk hinoabùt hano hagatì logoino.

1 PETERÙT 4:19 ပူးပေါင်းရင်းမြစ်များ

LUKAT 23:46

Atì'nogo hagasikomo, at Yesùt ane hùkorogo Ala yogotì logolìk he, “Nopase e! An nareagùn selok hogo, hat hekimo waninok en, ìlùk yogohetì o,” ìlùk yogosikesik he, arat lebek hogo wa'lagaike.

LAKSASIKE 7:59

Hìlìk he, ebe helep en wato kolek, at Sitepanùt a'nogo Yesùt etage palhì logolìk he, “Yesùt noe. Nareagun hat en wo'nabi me o,” ìlùk isike.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

2 TIMOTÌÙT 1:12

Atì'nogo lakhani wagaikomo nìkì lagì atì nen, apùnì nen yì aik tì aik haga'napo kolegat he, netaùken ebe nelu mene oba hìpìrìk welagì, ìlùk nekalì agì'lek, na'la pùk hogo welagì. At en he, “An mene yì ha'narek logoino. Ha'narek were'ma, hùlì an nebeat wesigin o,” ìlùk, noba hìlìk nayoko hesike mene atì, okawerek omame ba elok ha'narek logogin o, ìlùk na'la hùthìkì lagì.

1 PETERÙT 3:17

Hit weak hagatenem hinoba yì aik tì aik hinoabùt oba hìkì logogun halok weak. Meneat he, hit en hano hagatenem, Ala nen, “It yì aik tì aik hoak,” ìlùk akike halok enek he, hano o.

1 PETERÙT 3:20

Inamokareke atì inebe re, hageat at Nu nen i so Wùto kolek, Ala oabùt hano nen serisek werek kolegat he, wene wanhì'lek heraksìlìk weak hagato motok were'ma i hu nen inoasikomo wa'lagaukwa mene atì. Atì'nogo inoato kolegat he, it aike so a'la kìlìk welagaukwa mene, inebe 8 nen hamùlùgat i hu atì ba telinapike atì.