1 PETERÙT 4:18 - Ala Ane Wene Ket Mene Warogo Wo'ninapike Wene

¹⁸ Apùnì nen Ala ane ba mel isukwa: “Apùnì higit hogo hagarì'lùgì mene, Ala nen telinabusak lek hake were'ma, telinabigin atì halok, it Ala ebe ina'la meathìlìk weak hagarì'lùgì mene atì nìkì'nogo hagarinabigin akegep,” ìlùk helal waganogo hesukwa.

1 PETERÙT 4:18 ပူးပေါင်းရင်းမြစ်များ

LUKAT 23:31

Atì hak he, yogotak ya e ket oba negen logolìk haga'nabì'lùgì yì re, hobuk e pùk oba negen asi laga logolìk, nìkì'nogo hagasugun akegep,” ìlùk yogoisasike.

YURAT 1:15

Pi wìrìk he, apùnì obogat ùkùm inoba hìgìk, kotìk, ìkì logolìk he, it apùnì Ala ebe inabìt mene hùgì inebe obogat ùkùm inoba hegein o. It Ala ebe inabìt logolìk, yì weak tì weak hagarì'lùgì mene lopok ùkùm inoba hìgìk, Ala inabìt en weak hagatì logolìk inane pùk weak at abok weak palì'lùgì mene atì inebe lopok ùkùm inoba hìgìk, igin o,” ìlùk isike.

1 KORÌTÙT 10:12

Atì nen he, hat aike ha'la nen: “An netaùken wurik, metek welagì o,” ìlùk akegen halok he, tukwak hogo lanogo ìlùk hepe hebelogo logoino.

ÙRÙM 1:18

Apùnì nen he, Ala ebe inobaken nen hìgìk heraksìlìk, inoabùt koloat hagatì logolìk, ebe wene apùnì aike inelu asinogo ìlùk sebelì'lùgì atì nen he, Ala a'mage lagalìk pogot oba nen sele'mathesike.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

2 PETERÙT 3:7

Mene re, pogot atì mel, kweang atì mel hobuk etu ba weagatheigìlùk Ala ane atì baat elama hesik hesogo logopik he, apùnì Ala ebe inabìt logolìk inoabùt weak hagarì'lùgì mene atì, ùkùm inoba hìlìk weagarinapìk, kweang pogot weagathìgìk, omake likeat hagasigìlùk eram enat eki hesogo werek o.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

ÙRÙM 5:8

Atì'nogo meneat he, at Ala ninebe etawì nen hagaterek atì enagat asuagalùk, nit weak hagato were'ma, Karìsùt ebe wo'nisasikomo ninobùlù'mo wa'lagaike atì.

IBERANI 4:1

Atì halok he, Ala nen againapùrì set waloagalùk abok yogoisasike mene atì lek agì'lek werek mene atì, hobuk nit set waloagalùk wo'nisegeinmo atoma hit aike kìgì'lek kamo inogo ìlùk hinayùk hogo logolìk higit hogo hagatì logoino o.

ÙRÙM 5:6

Nit he, Ala ebe hebùlùk walegat asi lagagusik, ninebe mabenat were'ma, at Ala nen he, “It atì'nogo werek atì hesik, Karìsùt tì sat wa'lasuak,” ìlùk akasike baat ebe wasukwama wa'lagaike atì.

LUKAT 15:1

Atì'nogo yogoisasikesik, hobuk ineki aike sapùl he, it ap pemerintah hesik uang kìno ilik atogotarek mene mel, weak hagatarek mene mel, inebe obogat Yesùt ane inasuk holuogolùk he, ha wagaukwa.

LAKSASIKE 27:31

Ima pelakhesukwama, at Paùlùt en he, ap tentara mene inoe kain a'nogo mel, agoromì amanogo mel, yogoisìkì logolìk he, “It ap yoma i so hùko yì ba logogun lek halok he, hit hinebe obogat telogoin lek hìgì,” ìlùk yogoisasike.

1 TIMOTÌÙT 1:9

Eberogoat he, wene Ala nen ninasuk wasike wene atì, apùnì higit hogo hagatarek mene hesik isike hùk. We, apùnì inasuk ware'lek holùhùk hagatarek mene mel, Ala inabìt logolìk weak hagatarek mene mel, inebe Ala hesik hisìgì'lek Ala ane sagalogo hagatarek mene mel, inopase inagosalak inebe motok inoatarek mene mel, apùnì aike yùgùnat inebe motok inoatarek mene mel,

YAKOBÙT 5:6

It aike higit hogo hagarì'lùgì mene atì, it en oko hit hinoasusak le'maat ùkùm inoba hìlìk inebe inoatì lagep atì rì!