1 PETERÙT 4:16 - Ala Ane Wene Ket Mene Warogo Wo'ninapike Wene

¹⁶ Meneat he, apùnì aike nen, “Hat Karìsùt agot, hebe Kerisiten mene,” ìlùk yì aik tì aik hagathinapa halok, hinekalì agùp o. “We, an Karìsùt agot halogat at etage mene an netage salogo yogonerì'lùgì atì hanoat o,” ìlùk Ala hogoratì logoino.

1 PETERÙT 4:16 ပူးပေါင်းရင်းမြစ်များ

PILIPI 1:29

At Ala oabùt hano nen, hit hinetaùken Karìsùt oba hipìrethouagalùk enek hinayoko hesike hùk. Lek o. At hesik yì aik tì aik hìkì logouagalùk hinayoko hesikeat o.

1 PETERÙT 4:19

Hit Ala a'la akasike baat hinoba yì aik tì aik atì'nogo hìkì lagep halok he, hina'la nen he, “At ninebe elalninapike mene atìat oba hìpìrìk logousak he, hano,” ìlùk hinetaùken at oba hìpìrìk logolìk hinoabùt hano hagatì logoino.

2 TIMOTÌÙT 1:12

Atì'nogo lakhani wagaikomo nìkì lagì atì nen, apùnì nen yì aik tì aik haga'napo kolegat he, netaùken ebe nelu mene oba hìpìrìk welagì, ìlùk nekalì agì'lek, na'la pùk hogo welagì. At en he, “An mene yì ha'narek logoino. Ha'narek were'ma, hùlì an nebeat wesigin o,” ìlùk, noba hìlìk nayoko hesike mene atì, okawerek omame ba elok ha'narek logogin o, ìlùk na'la hùthìkì lagì.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

PILIPI 1:20

An na'la nen he, wene Karìsùt hesik u nekalì agì'lek yogoisìkì logousak namolo. Halok, nekalì agì'lek yogoisìkì logogin o, ìlùk, hùthìlìk na'la hano welagì. Ninhùp-nanhùbat pak hogoat yogoisìgìrek hak, yogotak atì'nogoat yogoisagalùgat welagì. Nebe neluk logoumo hanoat. Nen, wa'lasumo hanoat. An atì'nogo haga'napo kolek, nebe abirekeat Karìsùt hesik hagatì lagì atì ba, apùnì nen Karìsùt hogorasuagalùgat welagì.

LAKSASIKE 26:28

Atì'nogo yogosikomo, at Agarìpa nen he, “An nebe yogotak ya hepogat Kerisiten mane asuagalùk, hat en haga'nabigin ìlùk akìkì lagen a? Mea o,” ìlùk yogosike.

LAKSASIKE 11:26

Wagaikesik, ebe eperak apì agaukwasik he, wolok o Atiokia lagaike. O atoma lagaikesik, o mo lagagìk pìgìk iko kolek, 1 tahun logolìk he, Ala againapùrì inom atogothìlìk, apùnì apigat wene yakùlisìkì lagaukwa. It apùnì Yesùt ane wanhenem inùkùl etage Kerisiten agarek atì re, emakum o Atiokia atoma nen salhukwa.

LAKSASIKE 28:22

Mene re, wene hat wanhetik hagatì lagen atì hesik, apùnì o yì awì tì awì mene nen, Wene atì weak, ikenem enek he, ninasuk holhì lago atì nen, wene hat en eberogoat akìkì lagen mene atì hokawerek en nit yogonisikenem ninasuk holusak walok o,” ìlùk yogosukwa.

YAKOBÙT 2:7

Nen, ninoe Etagepogot etage hano lìlì'logo mene a'nogo etage palogo ebe esewerek agagip mene atì, it inagarok apik mene atì nenat, at etage weagathìlì'lùgì akìgì.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

1 PETERÙT 4:14

Apùnì aike nen at Karìsùt hesik wenakhisiko halok he, hina'la nen he, “Ala Areagùn hogoratarek mene a'nogo ninoba louk ikomo welago,” ìlùk hina'la hai hakìkì logoino o.