1 PETERÙT 4:14 - Ala Ane Wene Ket Mene Warogo Wo'ninapike Wene

¹⁴ Apùnì aike nen at Karìsùt hesik wenakhisiko halok he, hina'la nen he, “Ala Areagùn hogoratarek mene a'nogo ninoba louk ikomo welago,” ìlùk hina'la hai hakìkì logoino o.

1 PETERÙT 4:14 ပူးပေါင်းရင်းမြစ်များ

1 PETERÙT 3:14

Meneat he, higit hogo hagatenem weagathinapa halok, yì aik tì aik hìkì logolìk, hina'la hai hakìkì logoino. Hinayùk asuagalùk hagathinapenem, hinayùk arìk hina'la wenesùgì uan horo ebetùp o.

LUKAT 6:22

Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.

MATÌÙT 5:11

Hit oan werek kolek, hageat it ap Ala ane yogoisìkì lagaukwa mene weagarinapì lagaukwa hagat, hit an nebe hesik, it apùnì aike nen wenakhisìgìk, weagathinapìk, inapeliak enat hinabok ìkì logolìk, yì weak tì weak hinoba hìgìk, iko halok he, hina'la hai hakìkì logousak o. Hobuk ninopase pogot oba mene nen hùko mene wo'nisegein ìlùk, hina'la hano agìk, hai hakìgìk, hùkorogo ìkì logoino,” ìlùk yogoisasike.

1 PETERÙT 3:16

hinane lìok hogo hai warogo yogoisìkì logoino. Atì'nogo yogoisìkì logolìk, hina'la nen he, “An wene noba selek o,” ìlùk akìkì logolìk, Karìsùt hinom hutik logolìk, hano hagatenem, apùnì nen hinabok weak palugun mene atì ineileken hisìlìk inekalì asugun o.

2 KORÌTÙT 12:10

Atì nen he, an Karìsùt hesik, nebe maben agì halok, apùnì nen nabok weak palho halok, wiik-weak hogo haga'napo halok, yì aik tì aik haga'napo halok, weim yapì logolìk inoasuogolùk hoborisagarek hak haga'napo halok, an mabenat were'ma, atì ba nen nomame agarek atì nen he, na'la hai hakìgìrek o.

YOHANET 15:21

Atì'nogo meneat he, it en, at an lakhani wagaike mene a'nogo ebe inokot atì nen he, It yì at agoromì, ìlùk, wene yogohisìgì atì obogat hagathinabugun o.

YAKOBÙT 5:11

Weagarinapo kolek, inepe morogo welagaukwa atì nen, nit en inabok hano ìkì logolìk, “It hano agaikasik ina'la hai hakìlì'lùgì,” ìlùk ogorek atì. At Ayùp a'la pùk agì'lek epe morogo welagaike ba, ninopase Etagepogot oabùt hano nen hùkorogo etawìrinaperek mene a'nogo nen, wùrep oba hanothesike atì abok hinasuk holhesebat o.

LAKSASIKE 13:45

Atogosukwama, it ap Yahuri mane amanogo apùnì logolegat ineileken isasukwasik ua palogo re, “Wene Paùlùt en ìlì'logo atì hinasuk holusak lek o,” ìlùk wene palhìk, Paùlùt lak wenagisìgìk, isukwa.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

IBERANI 11:26

“Hobuk Ala nen oko wo'nesigin mene werek o,” ìlùk akasikesik he, “Yì mene tì mene hano mene apùnì o Mesit inekimo mene yì esin lek o,” ìlùk, heraksalùk he, “Karìsùt hesik nineba horothinìkì logousak atìat esin a,” ìlùk akasike.

KALATIA 1:24

Atì'nogo holhì logolìk, an hesik he, Ala hogoratì lagaukwa.

YOHANET 9:34

it en he, mel yogosukwa: “Hat hoabùt weagat ta'lagagitik, weak motok hagatetek meneat he, hat en wene nit yakùlnisasak nogo? Motok mea o,” ìlùk yogosukwasik he, o sapan egarek oba nen eki lisogo legeta'ma wulaksa wagaukwa.

YOHANET 9:28

it en inane sagan wokhìkì logolìk he, “Hat at agot agatik ìkì lagen hìgì. Nit he, ap Musa agoromì welago o.

YOHANET 8:48

At Yesùt en wene atì'nogo yogoisasikomo, it ap Yahuri mene amanogo nen he, mel yogosukwa: “Hat hebe ap Samaria mene yì rì! Mokareke oabùt weak mene ha'la kikesik werek o, ìlùk ìkì lago a'nogo eberogoat yogohetì lago hìgì,” ìlùk yogotì lagaukwama re,

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

2 PETERÙT 2:2

Atì'nogo meneat he, it en inetaùken nen nikenem inekalì legat yì weak tì weak hagatenem, apùnì logolegat en it inoabùt waganogo hagatì logogun atì ba, it apùnì aike nen, Yesùt opolik lagaikarek wene, ebe wene atì, abok weak ugun o.

LAKSASIKE 18:6

Atì'nogo yogoisikenem he, it en he, “Weak ìkì lagen o,” ìlùk abok weak palhì lagaukwama re, at Paùlùt en he, “An wene noba selek o,” ìlùk u hak, asu etakwe mene alolong hesalogo pelaksìkì logolìk he, mel yogoisasike: “Hit hinokawerek en nong akegep halok he, hinoba lopok o. An noba lek o. Hùlì yogotak hùlì nen, an apùnì etakwe mene wene yogoisa legein o,” ìlùk yogoisasikesik he,

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

LAKSASIKE 28:22

Mene re, wene hat wanhetik hagatì lagen atì hesik, apùnì o yì awì tì awì mene nen, Wene atì weak, ikenem enek he, ninasuk holhì lago atì nen, wene hat en eberogoat akìkì lagen mene atì hokawerek en nit yogonisikenem ninasuk holusak walok o,” ìlùk yogosukwa.

2 KORÌTÙT 4:10

Atì'nogo wa'lagì'lek welago atì ba, at Yesùt ebe wa'lagaikesik eluk agaikesik he, nit nina'la eluk welagarek atì, enagat asuagalùk, at wasukwa hak, nit ninhùp-nanhùp ninoasuogolùk ikenem telninaperek atì.

2 KORÌTÙT 4:16

Atì nenat, nina'la pùk arìk heraksìgì'lek ning hogo hagati lago. Ninogat etakwe yì re, weak aga kolegat he, nina'la a'makwe re, ninhùp-nanhùp ket haga'ninapo motok werek.

1 PETERÙT 4:16

Meneat he, apùnì aike nen, “Hat Karìsùt agot, hebe Kerisiten mene,” ìlùk yì aik tì aik hagathinapa halok, hinekalì agùp o. “We, an Karìsùt agot halogat at etage mene an netage salogo yogonerì'lùgì atì hanoat o,” ìlùk Ala hogoratì logoino.