1 PETERÙT 4:11 - Ala Ane Wene Ket Mene Warogo Wo'ninapike Wene

¹¹ Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

1 PETERÙT 4:11 ပူးပေါင်းရင်းမြစ်များ

MATÌÙT 6:13

Weak hagasuagalùk nina'la kagaliginmo atoma herakhinìgì'lek pìkìrat wo'nisek laga logoino. Oabùt weak mene atì nen eki ha'nisike halok, hat en telninapì logoino. [Ninopase Hetagepogot harat logolìk, yì mene tì mene hagasusak ene'ma re, harat hogothapo motok logogun o. Ebe asuak u hak, Amin,] ìlùk sapan atì'nogo ìkì logoino.

YOHANET 13:31

At Yùrat atì'nogo arat wùlìpikomo logolìk, at Yesùt en he, mel yogoisasike: “Nagoromì. An abat ta'lasi wagagi a'nogo Ala nen esinethanhenem, apùnì nen Ala hogorasugun oba yogotak arat asi waga o.

LAKSASIKE 7:38

Nen, ninopalak inom o leimo apùnì le'ma atoma atogorek were'ma, tom Sinai atì a'ma malaikat Ala nen yoko pelaksa wagarek mene amanogo aike oba pi wagaikesik he, eperak wene ane isukwa atì, at Musa at o. Ninopalak amanogo inomat were'ma, at Ala nen, wene nineluk logogun wene atì, nit yogonisoagalùk yogosike atì, at Musa at o.

ÙRÙM 11:36

Ero ba, yì mene tì mene obogat he, at Ala nenat elalhikomo, at eki ba welagarek. Logopik he, wùrep oba, at enat hagasigin. Halok, at enek hogorato motok logouok o, ìlùk ìgì atì, ebe asuak u hak, “Amin,” ìgì atì.

ÙRÙM 12:3

At Ala oabùt hano nen, yì'nogo hagatì logouagalùk nayoko hesike atì nen, wene aike yì hinebe lopok hinasuk wasik. Hit he, it aike inawe a'ma logousak werek kolegat he, hina'la nen, “An nebe kain,” ìlùk hinetaùken hesagathìkì logousak lek. At he, Ala nen hinebe lopok hinetaùken at oba hìpìrethìkì logouagalùk hinoabùt lopok wokhisasike higit hogo, hinetaùken sebeksek logolìk hinoabùt palìkì logoino.

ÙRÙM 16:27

At Ala aligat a'la motok kagauksek welagarek o. At Yesùt Karìsùt hagasike hesik Ala hogorato motok logouok o, ìlùk, “Ebe asuak,” ìlùk u hak, “Amin,” ìgì atì.

ÙRÙM 3:2

Atì re, yì hesik tì hesik obogat hano nek. Wene atì ebe sekek hogo yogohisak. Aike re, Ala nen he, “An nane it elok hesogo logogun,” ìlùk, irat yogoisìkì lagaike.

1 KORÌTÙT 10:31

an mel yogohisak. Sùpùrùk mel, i mel, nìkìk, yì mene tì mene hagatìk, atì'nogo obogat ìkì logolìk he, apùnì nen Ala hogorasuagalùgat hagatì logoino o.

1 KORÌTÙT 12:4

Ninoabùt lopok hùnogo tomok wo'nisikerek atì re, Ala Areagùn omakeat mene nenat wo'nisikerek o.

1 KORÌTÙT 3:10

At Ala oabùt hano nen nayoko hesikomo re, o atì tik he, an o netaùken wekelek mene nen wasigimo nen, it aike nen oba louk hogo wùrì'lùgì atì. Mene re, apùnì inebe lopok, o tik atì ba louk hogo wusuogolùk halok he, hùthìlìk en inetawì wekelogo wususak o.

1 KORÌTÙT 6:20

Ala nen he, hinebe oko arat katok hogo palogo wokhinapikomo welagep atì nen he, apùnì nen Ala hogorasuagalùk he, hinebe at hesik hano hagatì logoino o.

2 KORÌTÙT 2:17

It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.

2 KORÌTÙT 9:13

Atì'nogo leberisìkì logogun atì ba, it Ala againapùrì o Yurea mene nen he, “It apùnì Korìtùt mene Karìsùt hagasike wene hano wene a'nogo wanhukwasik, Ninoabùt higit hogo hagatì logogun o, ìlùk isukwa higit hogoat hagarì'lùgì. Atì'nogo hagatì logolìk it mene aike inamùkwì agì'lek nit lebe'nisìgìk, it aike obogat leberisìgìk, ega o,” ìlùk hinoabùt enagat palhìlìk Ala hogorasugunat o.

EPESÙT 1:19

at omame motok apik mene a'nogo nen, nit ninetaùken at oba hìpìrethesugu mene hùgì, omamerogo hùkoat lebe'nisìlì'logo mene hinelu agìk, uageip ìlùk ayoko hìkì lagì. At omame atì ba re, Karìsùt ebe wa'lagaikesi'mo eluguthìlìk pogot oba lìakhìlìk, at era'lu eki ebekwe kain Etagepogot logouagalùk menhesike hagat, omamerogo lebe'nisìlì'logo atì.

EPESÙT 4:29

Weneane uogolùk halok he, weak mene ìkì logogùp o. Wene hano mene ikenem it aike inetaùken akut mene inasuk holugun mene atì Ala nen hanorinapenem, inetaùken wurik asuagalùk, wene hano mene nek ìkì logoino o.

EPESÙT 5:20

Ninhùp-nanhùbat yì mene tì mene obogat hesik he, ninoe Etagepogot Yesùt Karìsùt etage palogo re, ninopase Ala hai watì logoino o.

EPESÙT 6:10

Wùrep oba re, wene yì yogohisak. Ninoe Etagepogot hinom hutik logolìk he, at omame apik a'nogo ba, hinomame haga'larik logoino.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

PILIPI 2:11

Atì'nogo kìlìk, inape ba lopok ninopase Ala hogoratì logolìk he, “Ninoe Etagepogot Yesùt Karìsùt atìat o,” ìlùk, pak hogo ugunat atì.

KOLOSE 4:6

Hinane yì hesik tì hesik it aike yogoisìkì logolìk, yì mene tì mene mayu helhenem etuk hano egarek hak, “Wene atì hano ù,” ìlùk, wanuagalùk, hinane lìok hogo yogoisìkì logoino. Atì'nogo yogoisikenem, it hinoba hinok wanhenem, wene oko inebe lopok yogoisoageip en, hinelùrogo logoino.

1 TESALONIKA 2:4

At he, we, at Ala nenat ninoabùt palogo nen he: “Hano wene atì, hirat wolok nìkì logouageip,” ìlùk, ninayoko hesike higit hogo yogoisìkì logolìk, apùnì ina'la hanorogo yogoisogorek hùk. Lek o. We, Ala ninoabùt palì'logo mene a'nogo a'la hanorogo yogoisogorek o.

1 TIMOTÌÙT 1:17

Ninopase kain Etagepogot Ala atì aligat o. At ebe nineileken hogorek lek. Walhobak esok motok welagarek mene atìat o, ìlùk, hogoratìk, hai watìk, iko motok logouok o, ìlùk, “Amin,” ìgì atì.

1 TIMOTÌÙT 6:16

Nen, at ebe wa'lagì'lek esok motok welagarek he, at aligat o. At ebe o lìa ba motok were'ma, ineileken siluk pabuk ìlìk, oba horok hogo lasak mea. At ebe apùnì aike nen ineileken hìgì'legat. Atì'nogo hasak mea. Omame motok logogin mene atì, hogorato motok logouok o, ìlùk “Amin,” ìgì atì.

TITUT 2:1

It atì'nogo werek meneat he, hat he, wene Hano'ninabì'logo wene atìat yakùlisìkì logousak higit hogoat yakùlisìkì logoino.

TITUT 2:15

Hat en wene atìat yakùlisikenem, it aike ina'la nen meathageinogo, hane ning hogoat ina'la kagalogo inasuk watì logoino.

IBERANI 13:7

Hinogogì alep sethisek welagaukwa mene nen, Ala ane yogohisasukwa mene atì, inoba eberek logoino o. It inetaùken Ala oba hìpìrethìlìk, inebe ineluk logolìk mel, wa'lasuogolùk mel, hagatì lagaukwa mene atì hùthìlìk, hit it inoabùt waganogo hinetaùken Ala oba hìpìrethìkì logoino o.

IBERANI 5:12

Hit he, Ala ane alebat yakùlhigisipmo re, hit en it apùnì aike yakùlisasak elok meneat he, mea atì nen, wene emakum yakùlharek mene atì, it apùnì aikeagùn inoba yakùlusak o. It yekerùgì sùpùrùk haro mene nasak mea nen, inagosa ineilak enek niko welagaikarek atì hak, hit he, wene wurik mene yakùlusak mea nen he, wene alep yakùlisagarek mene atì mene nek yakùlhì logousak hinoabùt hisìkì lagì o.

YAKOBÙT 1:19

Nerùgì nagaiya'lak. Hinebe netawì e. Wene yì hina'la eberek logoino o. Hinebe lopok wene hinasuk hepok holìk he, hinane ba nen erogat ìgìk, hina'mage lagai waganem hinetaùken sebelogo logopik en erogat ìgìk, ìkì logoino o.

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

1 PETERÙT 4:10

At Ala oabùt hano nen, ninebe lopok ninoabùt hùnogo tomok wo'nisasike higit hogoat, hinebe lopok en atì mene hano ese logolìk, hithit lebet-lebet ìkì logoino.

1 PETERÙT 4:16

Meneat he, apùnì aike nen, “Hat Karìsùt agot, hebe Kerisiten mene,” ìlùk yì aik tì aik hagathinapa halok, hinekalì agùp o. “We, an Karìsùt agot halogat at etage mene an netage salogo yogonerì'lùgì atì hanoat o,” ìlùk Ala hogoratì logoino.

1 PETERÙT 5:11

Yì mene tì mene obogat at aligat ese logolìk hesogo motok logouak, ìlùk, “Amin,” ìgì atì.

YURAT 1:25

Ninopase Ala aligat en ninoe Etagepogot Yesùt Karìsùt hagasike atì ba telninapike mene a'nogo esewerek omame apigat o, ìlùk, at hogoratìk, esinethìgìk, ìkì logouok en, ero ba yì mene tì mene walhìgì'le'ma Ala aligat welagaike atì ba nen, yogotak ya nen, hobuk motok logolìk en, atì'nogo hogorato motok logouok, ìlùk, “Amin,” ìgì atì.