1 PETERÙT 3:8 - Ala Ane Wene Ket Mene Warogo Wo'ninapike Wene

⁸ Wene atì elùgùn warogo mel yogohisak. Hit hinebe obogat hina'la nen he, “Ninebe Ala againapùrì ninerùgì ninagaiya'lak ninom,” ìlùk hinetaùken hutik logolìk, hina'la omakeat mene akìgìk, hinetaùken omakeat mene ebetìk, ìkì logoino. Atì'nogo ìkì logolìk, hinokawerek en hogorakìgì'lek, hinetaùken seberogo logolìk, hit-hit netawì-hetawìrogo hagatì logoino.

1 PETERÙT 3:8 ပူးပေါင်းရင်းမြစ်များ

MATÌÙT 18:33

Meneat he, an hat netawìthapì atì hak, hat atì'nogoat hagaiyak atì hetawìrara'len he, ìlùk yogosikesik,

LUKAT 10:33

It atì'nogo hagasukwa meneat he, ap o Samaria mene aike kwe atìkwe pigìlùk pisike hak he, ap warek a'nogo were'ma eileken hìlìk etawì agaike.

LAKSASIKE 2:1

Apùnì Yahuri mene Pesta Paskah nìkì lagaukwasik ineki 50 hari welagaukwasik, hari Pentakosta logolìk, it apùnì inetaùken Yesùt oba hìpìrìk welagaukwa mene inebe obogat omakìma atogorek were'ma,

LAKSASIKE 27:3

Kisugusik waga logolìk, hùenkwe re, o Siron wagagu. Wagagusik he, at Yùlìùt a'nogo nen, Paùlùt ebe etawìrasikesik, mel yogosike: “Hat yì mene tì mene aike lek halok he, hagaiya'lak en wokhesuagalùk inoba ha'larìk lan o,” ìlùk yogosikomo lagaike.

LAKSASIKE 28:7

Atì'nogo hagasugu ba nen, o horok atoma, ap kain etage Pùpìlìùt kweang esewerek mene, nit ap pok oba lagagumo, at en he, ninebe hanorogo wo'ninapikomo, nineki hìnagan at ninom welagagu.

LAKSASIKE 4:32

It wene eberogoat ìlùk wanhukwa mene atì, inebe logolegat he, inetaùken omakeat welagaukwa. Logolìk he, inagarok yì mene tì mene obogat, “Yì an mene,” ìlùk ìgì'legat he, “Ninebe obogat ninagarok mene,” ìlùk, ìkì lagaukwa.

ÙRÙM 12:10

Hinerùgì hinagaiya'lak Ala againapùrì mene atì hinebe ap omakeat en tago mene negen, hinetaùken tùlem hinetawìrogo logolìk he, hit-hit hinerùgì hinagaiya'lak hinane agauk hogo yogoisìkì logoino.

ÙRÙM 15:5

Hit hinetaùken, hinane, omakeat logolìk, ninoe Etagepogot Yesùt Karìsùt opase Ala atìat hogoratì logouageip en he, at Ala apùnì inoabùt inepe morogo logouagalùk hagarinapìk, ina'la hanorinapìk, ikerek mene atì nenat, hit obogat hinetaùken omakeat, at Karìsùt Yesùt oabùt hake hagathinabuak o.

1 KORÌTÙT 1:10

Atì'nogo meneat he, nerùgì nagaiya'lak. Ninoe Etagepogot Yesùt Karìsùt etage ba, wene aike hinasuk wasik. Hit obogat hinebe mìkìlhì'lek hai warek logolìk he, hinane omakeat mene ìgìk, hinetaùken omakeat welagìk, hina'la nen wene omakeat mene ebetìk, ìkì logoino.

1 KORÌTÙT 12:26

Nineki ninesok yì mene tì mene ninebe ba hutik welagarek mene, aike an en heinet wato halok he, ninebe abirat heinet watorek o. Nen, nineki ninesok yì mene tì mene ninebe ba hutik welagarek mene, aike apùnì nen hogorato halok he, ninebe abirat hai hakogoregat o.

EPESÙT 4:2

Hit-hit netawì-hetawìrogo leberisìgìk, ninhùp-nanhùp hinetaùken seberogo hagatìk, hinoabùt enago welagìk, hinepe morogo welagìk, ìkì logoino o.

EPESÙT 4:31

Inane aik weak ìgìk, ina'makwe heperìgìk, ina'mage lagalìk, inane uarek-puarek wene palhìk, inapeliak inabok weak palhìk, egarek mene atì heraksìkì logolìk he, weagarinaparek mene inom obogat heraksìkì logoino o.

EPESÙT 4:32

Heraksìlìk he, hit-hit hinoabùt enago lìoksek logolìk he, hit weak hagatì lagagip mene at Karisùt en sagalogo legethesike mene, Ala nen legetsasike atì hak, hinerùgì hinagaiya'lak aike nen weagathinapo halok he, wene atì legetsìkì logoino o.

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

PILIPI 3:16

Meneat he, yogotak ninoabùt wene atì higit hogo hagarìk waga lago hagat, atì'nogoat motok hagarìk laga logouok o.

KOLOSE 3:12

Hit hinebe, Ala nen wenagasogo okawerek hesik hakasikesik he, “An nokawerek nagainapùrì o,” ìlùk, etawìrogo welagarek atì. Halok he, su ket mene labetarek hak, hinoabùt mel mene wanino. Inebe inetawìrinaparek mene atì mel, inoabùt enago welagaikarek mene atì mel, inokawerek en hogorakìgì'lek inetaùken seberogo welagaikarek mene atì mel, inoabùt lìok hogo hagatarek mene atì mel, inepe morogo welagaikarek mene atì mel, hinoabùt atì mene wanino.

IBERANI 13:1

Nerùgì nagaiya'lak. Ala againapùrì hinebe omakeat mene negen netawì-hetawìrogo hagatesep mene atì, atì'nogo hinom hutigat hagatì logoino o.

YAKOBÙT 2:13

Hit en he, apùnì hinetawìrinapì'lek halok he, Ala nen he, etawìthinapì'lek, ùkùm hinoba hegeinat o. Mene re, apùnì aike inetawìrogo welagaikarek mene atì Ala nen inanema wanhì logolìk ùkùm inoba hegein lek o.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

YAKOBÙT 5:11

Weagarinapo kolek, inepe morogo welagaukwa atì nen, nit en inabok hano ìkì logolìk, “It hano agaikasik ina'la hai hakìlì'lùgì,” ìlùk ogorek atì. At Ayùp a'la pùk agì'lek epe morogo welagaike ba, ninopase Etagepogot oabùt hano nen hùkorogo etawìrinaperek mene a'nogo nen, wùrep oba hanothesike atì abok hinasuk holhesebat o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

1 PETERÙT 2:17

Apùnì obogat hinetawì nek logolìk hinane agauk hogo yogoisìkì logoino o. Atì'nogo yogoisìkì logolìk, hinerùgì hinagaiya'lak Ala againapùrì mene aike hinetaùken hutik logoino o. Logolìk he, Ala ebe hinayùk hago welagìk, nen, Kaisat etagepogot pemerintah mene inoe kain atì hogoratìk, ìkì logoino o.

1 PETERÙT 5:5

Nen, atì hagat he, hit ap elege nagoromì. It aike nen Ala ane ba mel isukwa: “Apùnì inokawerek en hogorakikenem, Ala nen inoasigìlùk abìt isikerek o. Meneat he, inokawerek inetaùken seberogo logogun halok, etawìrinaperek o,” ìlùk helal waganogo hesukwama werek atì nen, hit en inalùgetek inawe a'ma kìlìk inane hologo hagatì logoino o. Atì'nogo hagatì logolìk he, hit obogat he, hinokawerek en hogorakìgì'lek inawe a'ma logolìk, hit aike nen it aike inatitigeke welagìk, it en hit hinatitigeke welagìk, ìkì logolìk lebet-lebet ìkì logoino o.

2 PETERÙT 1:7

Ala a'la walok akikerek higit hogo hagatì logolìk, atì mene oba louk hogo re, inerùgì inagaiya'lak inetawìrogo welagaikarek atì mene, ese a'no. Hinerùgì hinagaiya'lak hinetawìrogo logolìk, atì mene oba louk hogo re, apùnì inebe obogat inetaùken hutik welagaikarek atì mene, ese a'no.

1 YOHANET 3:14

Ala nen ninebe wa'lagaikare'ma nen wo'ninabik, ineluk welagaikare'ma hinikomo welago ìlùk, nit-nit ninerùgì ninagaiya'lak ninom netawì-hetawìrogo welago atì nen hùthìkì lago o. Halok he, sa nen apùnì aike etawìrogo lek, abìt welagarek mene atì ebe wa'lagaikare'ma atomaat werek o.