1 PETERÙT 3:5 - Ala Ane Wene Ket Mene Warogo Wo'ninapike Wene

⁵ Holoat it hìmì Ala a'logomi mene inetaùken Ala ba hìpìrìk logolìk, inoba hanorogo atì'nogoat inagonì lopok inawe a'ma logolìk inane hologo hagatì lagaukwa.

1 PETERÙT 3:5 ပူးပေါင်းရင်းမြစ်များ

LUKAT 2:37

soge hesikesik oba nen, at ebe umur 84 tahun motok yaman agaikesik welagaike. Logolìk eki aike sùpùrùk nìkì'lek heang negen hakìlìk Ala awì wùrì'mo atoma likene hùako abìt hìgì'lek sapan iko motok welagaike.

LAKSASIKE 1:14

It inebe atem mel, Yesùt agosa Maria mel, hìmì aike mel, Yesùt agoromì opolik mene inomat, inebe obogat inetaùken omakeat logolìk he, sapan iko motok welagaukwa.

LAKSASIKE 9:36

O Yope atoma, he aike etage Paik ìlùk, apùnì Yunani mene inane ba etage Torekat u hak, it inane ba Tabita ìlùk ìkì lagaukwa mene welagaike. At he atì, ninoe Etagepogot Yesùt ane wanhikesik, yì mene tì mene hano hagatì logolìk, apùnì inekim lek inelageik mene leberisiko motok welagaike.

EPESÙT 5:33

Mene re, hit hinebe hesik inomat isike. Hit ap he, hinokawerek hinebe hinetawìrogo welagasep hak, hinagagwì lopok hinetawìrogo welagìk, hit hìmì hinagonì lopok agaugerinapìk, ìkì logoino o.

1 TIMOTÌÙT 2:10

Inalìlìke wanu hak he, inoabùt Ala a'logomì logolìk hagasu hagat, it aike hanorogo leberisìkì logouak.

1 TIMOTÌÙT 2:15

Atì'nogo meneat he, it hìmì inetaùken Ala oba hìpìrethìlìk he, inebe Ala hesik hisìlìk tegelek logolìk, apùnì aike inetawìrinapìk, ineil lopok hogo hagatìk, ìkì logogun halok he, omalik taginapenem, Ala nen telinabiginat o.

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

1 TIMOTÌÙT 5:5

Mene re, hìmì soge eberogoat apùnì ero it mene le'ma inaligat logolìk he, “Ala nenat lebe'nisegein,” ìlùk, inetaùken at oba hìpìrethìlìk, likene hùako ayoko hìgìk, kìno yogotìk, iko motok welagaikarek.

IBERANI 11:11

Nen, at Aberaham ebe yaman agaikesik agwe Sara abìlì welagaike meneat he, at Aberaham a'la nen he, “Ala nen abok yogonisasike a'nogo eberogoat wo'nisegeinat o,” ìlùk etaùken Ala oba hìpìrethìlìk welagaike atì ba, aput Sara eak takasak elok agaikomo, takasike.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.