Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PETERÙT 3:21 - Ala Ane Wene Ket Mene Warogo Wo'ninapike Wene

21 It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

အခန်းကိုကြည့်ပါ။ ကော်ပီ




1 PETERÙT 3:21
30 ပူးပေါင်းရင်းမြစ်များ  

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.


Yogoisìlìk laganem he, it apùnì aike nen wene atì eberogoat ìlùk akogoin mene ima pelaginabugun mene hùgì, Ala nen telinabigin meneat he, it aike wene atì eberogoat ìlùk wanugun lek mene hugi Ala nen ùkùm inoba hìlìk weagarinabigin o.


at Simon Peterùt en he, mel yogosike: “Atì halok he, noe. Nesok obakwe nek sobalnapùn o. Neki mel, nùkùloak mel, obogat sobalnabin o,” ìlùk yogosikomo re,


Yogoisasukwama re, o hùako atì sarat, inebe woginabìk he, tùgì inoasukwa mene amanogo sobalogo hinanikomo re, at kain ebe mel, againapùrì mel, omake hesigat ima pelaginapukwa.


Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.


Mene re, hat yogotak aregenma logousak lek. Hebe mel arìk he, hat weak hagatì lagen mene Ala nen sobalhapìk, it aike nen ima pelakhapìk, uak en he, Yesùt etage palogo Ala ayoko heino, ìlùk yogonesike,” ìlùk yogoisasike.


Yogorìk motok ebekwe pìkì logolìk he, i were'ma pisukwasik, at ap kain a'nogo nen he, “I werek yì han. An ima pela'nabusak akìkì lagì. Ì a? At he, kì mene oan welagì akegen,” [


ìlùk yogosikomo, at Pilipùt en he, “Noe. Hetaùken omakeat logolìk, Yesùt oba hìpìrethegetik egen halok he, ima pelakhabusagat o,” ìlùk yogosikomo, at ap a'nogo nen he, “At Yesùt Karìsùt atì, eberogoat Ala apurat o, ìlùk na'la akìgì,” ìlùk yogosike.]


Ùkùm inoba higì'lek meneat he, ap Aram welagaike hùlì nen, pìkìt Musa welagaike atem hùlì re, wa'lagwì ero apùnì obogat inoba omameat agaikesik he, wa'larìk wagaukwa atì. Apùnì aike nen, at Aram Ala nen asuk wasike wene sagalogo weak hagasike hak, atì'nogo hagatì'le'maat he, wa'lagwì ero atì inoba arìk he, wa'larìk wagaukwaat. Nen, at Aram hagasike atì, at hobuk wagaike mene atì wìrìk ebe hagasigin mene hesik agasabeke negen hagasike.


Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.


Nerùgì nagaiya'lak. An wene yogohisìgì atì re, hit aike nen he, “Hit hinoe atì mea mene re, nit ninoe yì nek he, esin,” ìlùk hogorakanogo ìlùk yogohisìgì. Atì'nogo hogorakasak lek ìlùk, mel egarek akìgì: “Wene Ala ane helal waganek werek kolek oba louk hogo aike usak lek,” ìlùk egarek a'nogo hùthoageip ìlùk, nit Apolot neperak ninoba lìrogo yogohisìgì atì.


Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.


Halok he, nerùgì nagaiya'lak. Hinebe netawì e. At Ala nen atì'nogo logogun ìlùk abok yogonisasike atì nen, ninebe nen, ninetaùken nen, weak hagatorek mene atì, hanorogo horogo hebisùok o. Atì'nogo hebisìlìk, Ala ebe ninayùk logolìk he, ninebe at hesik hisìlìk logouok en, ninetaùken katok hogo wurigethìkì logouok o.


Nen, Karìsùt hinom hùnesuogolùk ima pisigip mene hinebe obogat, su labetarek hak Karìsùt oabùt wanhìgip atì.


At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.


At Karìsùt wa'lagaikomo ebe warek salhukwa hak, hit ima pelakhinapì logolìk, hinom hutigat salhinapukwa o. Nen, at hinom hutik warek were'ma, Ala omame ba eluguthesike, ìlùk, hinetaùken at omame ba hipìrethesigip atì nen, ima nen yegelogo lìakhinapenem he, at hinom hutigat hineluguthinapike o.


Inetaùken Ala nen horinapenem he, inokawerek ina'la nen he, “An wene noba lek, na'la selek welagì,” ìlùk akìkì logolìk, inetaùken eberogoat Ala oba hìpìrethìlìk welagaikarek atì nen, apùnì inetawìrogo welagaikarek o. Halok he, it atì'nogoat logouagalùk inasuk watì logoino, ìlùk yogohesigi atì.


Apùnì inawe walhùogolùk sa awewerek sa awewerek walhagarek hak, nineluk motok logogun atì mene hela lagalùk, hetaùken Ala oba hìpìrìk logolìk, at hesik homamerogo hagatì logoino. Atì'nogo hagatì logopik, atì mene hela lanogolùk, Ala nen hayoko hesikomo, hat en he, “Netaùken Karìsùt oba hìpìrethìlìk tì'nogo hagatì logogin,” ìlùk apùnì logolegat ineilhanem pak hogo isigin atì higit hogoat homamerogo hagatì logoino.


At ebe atoma were'ma, nit nina'la nen he, “Nit weak hagato,” ìlùk nina'la wenesùgì ebetorek mene hano ho'ninapìk, ninogat obakwe i elokoken hano mene ba sobalninapìk, isike atì nen he, ninetaùken omakeat at oba hìpìrethìlìk ninayù'lek hogo, at oba horok hogo kìkì logouok o.


Nit yì mene tì mene hano nek hagatì logouogolùk, akìkì logolìk, nina'la nen he, “Nit ùkùm ninoba lek. Nina'la selek,” ìlùk akìkì lago atì nen, nit hesik sapan ìkì logoino o.


It inogat etakwe mene hesik wam amep mea mene ba elok hano horinapì lagaukwa. Halok, nit Karìsùt amep esin mene ba, “Ùkùm hinoba lek,” ìlùk nina'la selek hogo elok motok hinikerek o. Nit Ala eluk welagarek mene a'la hanorogo hagatì logouagalùk, wam esi hano mene Ala waretì lagaukwa atì hak, at Karìsùt Ala Areagùn esok motok welagarek mene omame ba, wa'laga logolìk, ebe Ala wogosike atì ba, nit alebat lek asigin mene tùlemat hagatì lagagu mene, at en, “Ùkùm inoba lek,” ìlùk, at amep oba nina'la selek hogo hinikomo welago.


at Karìsùt o Ala okawerek awì ìlùk apùnì nen oba lìrogo wusukwa ba atì kisike hùk. Lek o. We, pogot ebe ba kisikesik Ala were'ma atoma nit hesik werek o.


Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.


hinane lìok hogo hai warogo yogoisìkì logoino. Atì'nogo yogoisìkì logolìk, hina'la nen he, “An wene noba selek o,” ìlùk akìkì logolìk, Karìsùt hinom hutik logolìk, hano hagatenem, apùnì nen hinabok weak palugun mene atì ineileken hisìlìk inekalì asugun o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ