1 PETERÙT 3:20 - Ala Ane Wene Ket Mene Warogo Wo'ninapike Wene

²⁰ Inamokareke atì inebe re, hageat at Nu nen i so Wùto kolek, Ala oabùt hano nen serisek werek kolegat he, wene wanhì'lek heraksìlìk weak hagato motok were'ma i hu nen inoasikomo wa'lagaukwa mene atì. Atì'nogo inoato kolegat he, it aike so a'la kìlìk welagaukwa mene, inebe 8 nen hamùlùgat i hu atì ba telinapike atì.

1 PETERÙT 3:20 ပူးပေါင်းရင်းမြစ်များ

2 PETERÙT 2:5

Atì higirat, apùnì hageat welagaukwa atem oba logolìk, Ala inabìt mene nen inoabùt weak hagatì lagaukwama Ala nen heraksìgì'lek. We, i naphap yelùk-salùk ìlìk inoasuagalùk inoba pelakhei wagaikomo inoatì logolìk, Nu, apùnì inoabùt Ala a'la walok mene hagatì logouagalùk wene yogoisìkì lagaike mene ho, inebe 7 ba aike ho, telinapike atì.

IBERANI 11:7

At ap Nu hogo re, etaùken Ala oba hìpìrethìlìk, yì wene tì wene hobuk haga'lasigin mene Ala nen hùsipi yogosikomo ebe eileken hìgì'lek meneat he, “Eberogoat haga'lasigin mene yogonete hìgì,” ìlùk Ala ane hologo logolìk, i so aike at againapùrì inom telinabusak hesik wùsike. Atì'nogo wùsikomo, Ala nen apùnì ùkùm inoba hìlìk inebe inoasike meneat he, at Nu aligat enek he, etaùken Ala oba hìpìrethesike atì ba, Ala nen, “At hano,” ìlùk telhike.

MATÌÙT 7:14

Kwe hanoma lagaikarekkwe atì re, ape palek atì hamùlùgat. Nen, ebe lagaikarek atì motok kìlìk-keloksek nogo nen he, apùnì apik ki lasak lek en he, inebe hamùlùgat enek kìlì'lùgì,” ìlùk yogoisasike.

2 PETERÙT 3:15

Atì'nogo hagatì logolìk, hina'la nen he: “Ninoe Etagepogot etaùken uan nen, hepok wagì'lek oan werek atì re, telninabigìlùk eram enat oan se'nisek werek,” ìlùk hina'la akano. At ninoe Paùlùt ebe ninetawì mene a'nogo Ala nen a'la kagalhìkomo wene atì'nogo ìlùk helal waganogo hinoba lakhei wagaike atì.

ÙRÙM 9:22

Atì hak, at Ala a'la akìkì logolìk he: “Apùnì an nen elalinapigi meneat he, it aike na'mage lìabì'lùgì atì nen, weagarinabigìlùk, na'mage lagaike mene atì, it en noabùt palhìk, nomame werek atì, inelu agìk, uak o,” ìlùk epe morogo welagarek.

LUKAT 12:32

“Halok he, hit Ala againapùrì kìlìk welagasep mene hinebe hamùlùgat mene yì, nagaiya'lak e! Ala nen hit at awe a'ma hikagalùk a'la akikesik werek atì re, hinayùk agùp o.

EPESÙT 5:26

At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.

LAKSASIKE 2:41

Inasuk atì'nogo wasikomo re, it wene wanhukwa mene hùgì ima pelaginapukwa. Atì like inebe 3.000 hake ima pisukwasik he, hobuk inom lapuk hogo welagaukwa.

1 PETERÙT 1:9

Hina'la nen he, “O wùrep oba hano'ninabuak,” ìlùk hinetaùken at oba hìpìrìk logolìk, yogotak esewerek aga lagebat o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

1 PETERÙT 2:25

Hit alep he, wam topa wam kwe nong asi lagarek atì hak, nong asi laga lagagip meneat he, yogotak at Ala nen, ap hinebe hakhisek logolìk sethisek welagarek mene oba hinapotkwe wokhisek hika wagama welagep o.

1 PETERÙT 3:19

Eluguthesikomo re, it aike inamokareke hele warek were'ma wene yogoisa lagaike.

1 PETERÙT 4:19

Hit Ala a'la akasike baat hinoba yì aik tì aik atì'nogo hìkì lagep halok he, hina'la nen he, “At ninebe elalninapike mene atìat oba hìpìrìk logousak he, hano,” ìlùk hinetaùken at oba hìpìrìk logolìk hinoabùt hano hagatì logoino.