1 PETERÙT 3:18 - Ala Ane Wene Ket Mene Warogo Wo'ninapike Wene

¹⁸ Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

1 PETERÙT 3:18 ပူးပေါင်းရင်းမြစ်များ

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

IBERANI 9:26

At en he, it alep hagatì lagaukwa atì hak haga'lepma re, kweang elalhike hùlì nen pìkìt yogotak hùlì, eki hobugalep yì aik tì aik hìkì logolìk wa'laga logoilep. Atì'nogo meneat he, o elùgùn oba nit weak hagatorek mene legetsagalùk eki omake hesigat warn Ala waresu hak, okawerek ebe wa'lasi wagaike atì.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

1 PETERÙT 4:6

Ati nenat, it apùnì wa'lagaukwa mene atì, Ala nen nit apùnì obogat ùkùm ninoba hìgìk, kotìk, ikerek atì hak inoba hesikomo, inebe wa'lagaukwa meneat he, at Ala a'la akasike ba inareagùn eluk welagarek atì hak ineluk logouagalùk, at Karìsùt en hano wene yogoisa lagaike atì.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

1 YOHANET 1:9

Mene re, nit weak hagato mene hukalogo hogoin halok, at oabùt higit motok logolìk, wene wa'nisikerek hagat hagateresi'mo re, nit weak hagatorek mene sagalogo heraksìlìk, weak hagasuogolùk nina'la kagalhorek mene sobalninaperek.

ÙRÙM 4:25

At Ala nen he, nit at ane sagalogo heraksìlìk weak hagatì lago atì nen he, Yesùt ebe apùnì nen wasuagalùk pelakhei wagaikomo ebe wasukwama re, hobuk, “Ùkùm hit hinoba mene korogo wokhìgì,” ìlùk, at ninom ninapotkwe hùnogo hinagalùk eluguthesike atì.

1 PETERÙT 4:1

Apùnì yì aik tì aik hìlìk, inebe wa'larìk, hobuk weak hagato logousak lek atì nen, at Karìsùt yì aik tì aik hìlìk hìlìk ebe wa'lagaike atì hak, hit hogo re, apùnì sing ìkìlik inepe hebelogo welagaikarek atì hak, at Karìsùt oabùt waganogo, yì aik tì aik hìkì logolìk hinomamerogo logoino o.

ÙRÙM 8:3

Alep he, wene Ala nen ninasuk wasike wene a'nogo, nit apùnì ninoabùt maben atì nen he, hano haga'ninabusak mea agaike. Mea agaikomo re, nit apùnì ninoabùt weak hagato were'ma, Ala okawerek aput nit hake haga'larìk, nit weak hagatorek mene atì ùkùm oba hìlìk mabenetsoagalùk lakhei wagaikomo mabenetsasike atì.

KALATIA 3:13

Ala ane ba helal waganogo hìkì logolìk he, mel isukwa: “Inebe e ba menhisìlìk inoasumo, it inebe wa'lasugun mene atì, Ala nen homan hisegein werek o,” ìlùk, helal waganogo hesukwa hagat, wene Ala nen ninasuk wasike wene atì ba re, homan hinasak higit were'ma, at Karìsùt en ninoko palogo telninabìgìlùk ùkùm nit ninoba mene korogo at oba hakasike atì.

KALATIA 1:4

Nit weak hagatorek atì nen ninopase Ala a'la nen he, “Tì'nogo hagasuak,” ìlùk a'la akasike ba, at Yesùt Karìsùt en nit apùnì kweangma mene telninabigìlùk, etaùken nenat nit ninoabùt weak motok hagatorek mene atì ùkùm at okawerek en oba hakìlìk wa'lagaike atì.

2 KORÌTÙT 13:4

At Karìsùt ebe maben were'ma e ba menhìlìk wasukwa meneat he, at Ala omame ba eluguthesikomo elugat welagarek. Atì hagat he, nit at ninom hutik logolìk maben welago meneat he, at Karìsùt ninom hutik nineluk logolìk he, Ala omame ba hit hesik hagasi wesugun o.

ÙRÙM 5:2

Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.

YAKOBÙT 5:6

It aike higit hogo hagarì'lùgì mene atì, it en oko hit hinoasusak le'maat ùkùm inoba hìlìk inebe inoatì lagep atì rì!

LAKSASIKE 3:14

At he, Ala nen lakhei wagaikomo oabùt higit hogo hagatì laga meneat he, hit en Pilatùt yogotì logolìk, Ap atì ebe ninabìt o. Ap aike apùnì inoare meneat he, arìat eki hele hikalogo wo'nisan o, ìlùk kìno yogotep akìgì.

2 KORÌTÙT 1:24

Hit hinetaùken Ala oba hìpìrethesigip mene atì, eberogoat ìlùk hinetaùken hapuk hogo welagep atì nen he, nit en, “Hinetaùken tì mene oba hìpìrethousak,” ìlùk ninane ning hogo yogohisogoin lek o. We, hit hina'la hai hakoageip ìlùk lebethisìkì lago atì.

ÙRÙM 8:11

At Ala nen he, Karìsùt Yesùt wa'lagaikesi'mo eluguthesikomo re, at Areagùn hina'la logolìk he, hinebe hinogat wa'lagasep mene yì hineluguthinabiginat. Atì re, at Areagùn nen Karìsùt ebe wa'lagaikesi'mo eluguthesike a'nogo hina'la welagarek atì nen hineluguthinabigin o.

LAKSASIKE 22:14

Hikenem, at en he, At Ala ninopalak en hogoratì lagaukwa mene a'nogo nen he, at a'la akikerek mene helu agìk, at aput oabùt higit mene Yesùt atì heileken ìgìk, at ane ape ba nen ikenem hasuk holhìk, inogolùk, hebe wenakhapesik hayoko hike atì.

MATÌÙT 27:19

wene ero pìlìngìtare'ma aremnogo hùrek were'ma, at Pilatùt agwe nen ap aike wene warogo lakhei wagaike. Lakhei waga logolìk he, mol isike: “An hùako nogo ikenem ap atì hesigat nabì motok weak hìgìrìk o. Halok he, at oabùt hano mene atì hat hinom en ùkùm oba hùgùp o,” ìlùk isikomo yogosi wagaukwa meneat he,

MATÌÙT 27:24

Atì'nogo yogosukwama, at Pilatùt en he, “It apùnì yoma nen, Wasugunat, ìlùk inane keirogoat ìkì logolìk elùgùn oba weak asiginmoat, an nane tùlemat alemarogo ìkì lagì hìgì,” ìlùk, i hinago aike wanhikesik he, apùnì amanogo ineileken werek kolek eki bakwe horatì logolìk he, mel yogoisasike: “Ap yì amep he, an noba asigin lek o. Hirat hinoba asigin o,” ìlùk, yogoisasikomo,

YOHANET 16:10

Nen, aike re, an nopase were'ma laganem, hit hineileken neogoin motok lek atì nen, at lebethisìkì logogin mene atì wìrìk he, wene higit hogo hagatì logousak mene hesik hukalogo yogohisa wesiginat.

EPESÙT 3:12

Nit ninetaùken at oba hìpìrethìlìk, at ninom hutik logolìk, ninayù'lek hogo ninetaùken hapuk hogo Ala oba kusak atì.

IBERANI 9:14

It inogat etakwe mene hesik wam amep mea mene ba elok hano horinapì lagaukwa. Halok, nit Karìsùt amep esin mene ba, “Ùkùm hinoba lek,” ìlùk nina'la selek hogo elok motok hinikerek o. Nit Ala eluk welagarek mene a'la hanorogo hagatì logouagalùk, wam esi hano mene Ala waretì lagaukwa atì hak, at Karìsùt Ala Areagùn esok motok welagarek mene omame ba, wa'laga logolìk, ebe Ala wogosike atì ba, nit alebat lek asigin mene tùlemat hagatì lagagu mene, at en, “Ùkùm inoba lek,” ìlùk, at amep oba nina'la selek hogo hinikomo welago.

IBERANI 10:10

Nen, at Yesùt Karìsùt Ala a'la walok mene atì hagatì logolìk, at ebe omake hesik wa'laga logolìk, Ala wogosike atì ba, nit ninebe Ala hesik motok hisikomo welago.

1 PETERÙT 3:19

Eluguthesikomo re, it aike inamokareke hele warek were'ma wene yogoisa lagaike.