Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PETERÙT 3:15 - Ala Ane Wene Ket Mene Warogo Wo'ninapike Wene

15 Hit en he, Karìsùt agaugeratì logolìk, “Ninoe Etagepogot at o,” ìlùk hinetaùken oba nen hogoratì logoino. Hogoratenem, it aike nen hinok hinoba wanhì logolìk he, “Hano asigin, ìlùk oba eberek welagep atì nahalok,” ìlùk yogohisikenem he, oko wene tùkùm hogo yogoisogoin mene hina'la eberek motok logolìk,

အခန်းကိုကြည့်ပါ။ ကော်ပီ




1 PETERÙT 3:15
34 ပူးပေါင်းရင်းမြစ်များ  

Atì'nogo yogotenem, at Paùlùt en he, “Lek o. An nebe ap Yahuri mene. Nawì era o propinsi Kilikia o kota esin negen etage Tarasùt atìat o. An yogotak apùnì yoma wene aike yogoisagalùk yogohetì o,” ìlùk yogosike.


Atì'nogo holek werek kolek, higit hagatì logousak wene atì mel, inetaùken sebeksek logousak wene atì mel, hobuk Ala nen apùnì ninanema wanìk ùkùm ninoba hìgìk, kotìk, igin wene atì mel, yogoisikenem, Pelìkìt ayùk agaike. Ayùk arìk he. “Yagotak wene arat egen o. Hobuk usak higit aga halok he, wahesigin o,” ìlùk apotkwe lakhesike.


Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.


At Ala a'la nen he, it apùnì etakwe mene obogat hano motok hagarinabigin wene atì esin hogorasusak meneat akasikesik en a'la hinago welagaike mene, at againapùrì halok sele'ma hukalogo yogoisagalùk isike. Wene atì ebe re, Karìsùt hit hina'la werek halok, hobuk hanothinapenem hogothinabugun atìat o.


Hinane yì hesik tì hesik it aike yogoisìkì logolìk, yì mene tì mene mayu helhenem etuk hano egarek hak, “Wene atì hano ù,” ìlùk, wanuagalùk, hinane lìok hogo yogoisìkì logoino. Atì'nogo yogoisikenem, it hinoba hinok wanhenem, wene oko inebe lopok yogoisoageip en, hinelùrogo logoino.


At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.


Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.


Atì nen he, Karìsùt agoromi arìk hagatì logousak mene wene emakum yakùlharek atì mene yakùlhugu mene atì werek kolek, inalùge arìk hagatì logousak mene yakùlhì logouok o. O tik hano warìk ineki etenharek lek atì hak, nit alep weak hagatì lagagu mene hukalogo heraksìlìk ninoabùt hebelarìk ninetaùken Ala oba hìpìrethesugu mene atì hobuk etenuok lek o.


At Ala oabùt he, apùnì inogat oba nek eileken isìlìk, aike elokoma hisìgìk, aike apotma hisìgìk, ikerek lek o. We, inoabùt hagatarek lopok higit hogoat ùkùm inoba hìgìk, kotìk, ikerek atì nen, hit an he, “Ala ninopase,” ìlùk ayoko hìkì logolìk, kweangma yoma elama hesik hinebe ap pok negen logolìk, at ebe hinayùk hogo hagatì logoino o.


At he, hinoba hanorogo re, hinetaùken hesik hinago mene atì wanhì logoino. Ati re, hinoabùt motok logogin mene enago welagìk, lìoksek welagìk, ìkì logoino o. Hinoabùt Ala eilhanem atì'nogo hagatenem, at a'la nen hano motok akikerek atìat o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ