1 PETERÙT 3:14 - Ala Ane Wene Ket Mene Warogo Wo'ninapike Wene

¹⁴ Meneat he, higit hogo hagatenem weagathinapa halok, yì aik tì aik hìkì logolìk, hina'la hai hakìkì logoino. Hinayùk asuagalùk hagathinapenem, hinayùk arìk hina'la wenesùgì uan horo ebetùp o.

1 PETERÙT 3:14 ပူးပေါင်းရင်းမြစ်များ

MATÌÙT 10:28

Apùnì nen hinareagùn hinoasusak mea. We, hinagasabeke nek hinoasugun atì nen he, hinayùk hago logogùp o. Meneat he, at Ala nek he, hinareagùn mel, hinagasabeke mel, elok motok warogo etu ai'mo lakhikasagat werek atì nen, at Ala at hinayùk hogo logoino.

MATÌÙT 10:31

Ala nen sùe wulue atì ebe apigat mene, esin hake akikerek hùk. Apùnì hinebeat esin motok akikerek o. Atì nen hinayù'lek hogo logoino o,” ìlùk yogoisasike.

MATÌÙT 10:39

Sa nen okawerek ebe elele helegein halok he, ebe wa'larìk nong asigin o. Meneat he, sa nen an hesik wa'lasigin halok he, ebe elele helegein o,” ìlùk yogoisasike.

MATÌÙT 16:25

Nen, sa nen okawerek en, An nebe neluk logousak walok, ìlùk ebe elele helegein halok he, wa'larìk nong akegein o. Mene re, sa nen ebe elele helìgì'lek an hesik wa'laga halok he, ebe elele helegein o.

MATÌÙT 19:29

Halok, an netage hùko asuagalùk sa nen awì wùrìk mel, oe agot mel, erùgì mel, opase agosa mel, againapùrì mel, eyabu siok mel, heraksalùk waga halok he, obùlù'mo Ala nen oko ebe mene motok apik wogotìk, nabùlal-habùlal wogotìk, ìgìn o.

MAREKÙT 10:29

at Yesùt en he, mel yogosike: “Nane eberogoat yogohisak. Sa nen, an etawì nen, wene hano wene yì walok en, awì wùrìk mel, oe agot mel, erùgì mel, agosa opase mel, againapùrì mel, eyabu siok mel, heraksalùk waga halok he,

MAREKÙT 8:35

Sa nen, An nebe neluk logousak walok, ìlùk ebe elele helegein halok he, wa'larik nong akegein o. Meneat he, sa nen, an nebe hesik mel, hano wene yì hesik mel, wa'lasigin halok he, ebe telegein o.

YOHANET 14:1

At Yesùt en wene atì'nogo yogoisasikesik, hobuk he, aike mel yogoisasike: “Nagainapùrì. Hit hina'la nen he, Eige, ìlùk hinalabut hìrogo logogùp o. Hinetaùken Ala ba hìpìrethìgìk, an noba hìpìrethìgìk, ìkì logoino.

YOHANET 14:27

Halok, hit hinetaùken hapuk hogo logouagalùk an netaùken hapuk hogo welagìrek mene wokhisalùk legein o. Atì re, apùnì kweangma mene nen wogisagarek atì hak wokhisegein lek atì nen he, hinalabut hìtì logolìk hinayùk agùp o.

LAKSASIKE 9:16

Atì'nogo ayoko hìgìrì'mo re, at en netage atì'nogo yogoisìlìk nikenem, at yì aik tì aik hìkì logousak obaat hìkì logogin mene, an nen yogosigin werek o,” ìlùk yogosike.

2 KORÌTÙT 12:10

Atì nen he, an Karìsùt hesik, nebe maben agì halok, apùnì nen nabok weak palho halok, wiik-weak hogo haga'napo halok, yì aik tì aik haga'napo halok, weim yapì logolìk inoasuogolùk hoborisagarek hak haga'napo halok, an mabenat were'ma, atì ba nen nomame agarek atì nen he, na'la hai hakìgìrek o.

PILIPI 1:29

At Ala oabùt hano nen, hit hinetaùken Karìsùt oba hipìrethouagalùk enek hinayoko hesike hùk. Lek o. At hesik yì aik tì aik hìkì logouagalùk hinayoko hesikeat o.

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.

YAKOBÙT 5:11

Weagarinapo kolek, inepe morogo welagaukwa atì nen, nit en inabok hano ìkì logolìk, “It hano agaikasik ina'la hai hakìlì'lùgì,” ìlùk ogorek atì. At Ayùp a'la pùk agì'lek epe morogo welagaike ba, ninopase Etagepogot oabùt hano nen hùkorogo etawìrinaperek mene a'nogo nen, wùrep oba hanothesike atì abok hinasuk holhesebat o.

1 PETERÙT 3:6

At he Sara atì'nogoat agùn Aberaham awe a'ma logolìk ane hologo hagatì logolìk, hai he, “Ì, noe,” ìlùk watì lagaike. Hit yogotak hogo re, apùnì nen hinayùk asuagalùk hagatenem hinayùk agì'lek hano hagatì lagep halok he, at Sara eagwìat welagep o.