1 PETERÙT 3:13 - Ala Ane Wene Ket Mene Warogo Wo'ninapike Wene

¹³ Hit he, hano hagatì logouogolùk akiluk hogo hagatì lagep halok he, sa nen weagathinabusak nogo. Weagathinabusak lek o.

1 PETERÙT 3:13 ပူးပေါင်းရင်းမြစ်များ

1 TESALONIKA 5:15

Apùnì nen hit aike weagathinapenem en, oko-oko weagarinapì'lek logolìk, hit-hit hesik mel, apùnì obogat hesik mel, inoabùt hanorogo hagatarek atì meneat esinethìkì logoino.

ÙRÙM 8:28

At Ala a'la akalùk nit ninayoko hesikesik, nit at ebe ninetawì welago mene hùgì, at ninom logolìk, yì mene tì mene hano asuagalùk, haga'nisìlì'logo.

3 YOHANET 1:11

Nagaiyak e. Hebe netawì. Hat en he, it apùnì inoabùt weak hagatarek mene atì, inoabùt wanhùn o. We, it inoabùt hano hagatarek mene halok, inoabùt wanhì logoino o. Sa nen oabùt hano nek hagaterek mene atì ebe Ala againapùrì meneat he, sa nen oabùt weak enek hagaterek mene halok, at en Ala ebe eileken hikere'lek okot o.

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

1 KORÌTÙT 14:1

Hinoabùt he, apùnì inebe inetawì welagaikarek atì mene hinomamerogo yakùlhì logoino. Yakùlhì logolìk he, Ala Areagùn nen inoabùt lopok wogisikerek wene atì ese asuageip en, hina'la agaken hogo hagatì logoino. Hagatì logolìk, Ala ane pak hogo yogoisagarek mene atì mene wokhisoagalùk, esinetheino o.

ÙRÙM 13:3

It apùnì aike hano hagatì logolìk he, kaintek pemerintah mene atì, inayù'lek hogo welagaikarek. Mene re, it aike weak hagati logoligat he, inayùk hogo welagaikaregat. Hit en it pemerintah mene hinaya'lek hogo logouogolùk he, hinoabùt hanorogo hagatì logoino. Atì'nogo hagatì logogun halok he, it en hogothinabugunat o.

EPESÙT 5:1

Hinebe Ala againapùrì at etawi mene welagep atì nen he, at oabùt wanino.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.