1 PETERÙT 3:10 - Ala Ane Wene Ket Mene Warogo Wo'ninapike Wene

^10-12 Wene atì hesik mel isukwa: “Apùnì inoabùt ninopase Etagepogot a'la walok akikerek mene higit hogo hagarì'lùgì mene hùgì, at eileken inoba logolìk, sapan ayoko hikenem inane asuk holherek o. Meneat he, it weak hagarì'lùgì mene hùgì, elokoken age warisikerek o, atì nen, sa nen, An neluk aike inom logoile, ninhùp-nanhùbat hano mene nek haga'laganem hìkì logoile, ìlùk logou walok halok he, ameli ba weak wene ìgì'lek welagìk, ape ba nen apeliak apùnì aike lalinapì'lek welagìk, weak mene apotma heraksalùk hano mene nek hagatìk, oabùt apùnì aike inom lapuk hogo hano welagaikarek atì mene esinethìlìk omamerogo hagarìk lagìk, ìkì logousak o,” ìlùk Ala ane ba helal waganogo hesukwa.

1 PETERÙT 3:10 ပူးပေါင်းရင်းမြစ်များ

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

1 PETERÙT 2:22

At en he, “Weak aike hagatì'legat. Nen, apeliak ikenem, apùnì aike inasuk holhì'legat o.”

1 PETERÙT 2:1

Atì nen, hit weak hagatì lagep mene atì motok heraksìlìk logoino o. Apùnì aike lalinapìk, hinetaùken pìre hagatìk, ua palhìk, hinapeliak en apùnì aike inabok weak palhìk, ìkì lagep atì, heraksìkì logoino o.

YOHANET 1:47

Atì'nogo yogosikomo, at Nataniel Yesùt oba wesigìlùk waganem, at Yesùt eileken lakhìlìk, at abok mel yogoisasike: “Ap arì ebe Isirael ebe mene. Ane pìre ikerek motok lek mene arì lakhani!” ìlùk yogoisasikomo,

YOHANET 12:25

Atì'nogo yogoisasikesik, wene aike mel yogoisasike: “At sa nen, a'la nen he, An kweangma yoma nebe neluk logousak walok, ìlùk akikerek halok he, hobuk ebe eluk motok logousak mene hesik nong asigin o. Meneat he, at sa nen a'la nen he, Kweangma yoma neluk logousak he, nabìt, ìlùk akikerek halok he, at atì hobuk ebe nong agì'lek eluk motok logogin o.

MATÌÙT 19:17

at Yesùt en he, mel yogosike: “Hano kì hake hagatì logousak ìlùk an yogoneten atì, nìkì'nogo nen. Hano hagaterek atì re, ap omakeat enek werek a. Hat ineluk motok logogunmo atoma kusak walok halok he, wene Ala nen ninasuk wasike wene atì hasuk holìk he, higit hogo hagatì logoino o,” ìlùk yogosikomo,

MAREKÙT 8:35

Sa nen, An nebe neluk logousak walok, ìlùk ebe elele helegein halok he, wa'larik nong akegein o. Meneat he, sa nen, an nebe hesik mel, hano wene yì hesik mel, wa'lasigin halok he, ebe telegein o.