1 PETERÙT 3:1 - Ala Ane Wene Ket Mene Warogo Wo'ninapike Wene

^1-2 Ati hak, hit hìmì aike hinagonì Ala ane wanhì'lek mene hinane yogoisogoin oba hùk. We, hinoabùt hineil lopok hogo hinagonì inane hologo hagatenem, it en ineileken hisìlìk, Ala werekwe wìrìk ane wanuagalùk, hinokawerek hinagonì lopok inawe a'ma kìlìk inane hologo hagatì logoino o.

1 PETERÙT 3:1 ပူးပေါင်းရင်းမြစ်များ

MATÌÙT 18:15

At Yesùt en atì'nogo yogoisasikesik he, aike mel yogoisasike: “Hat aike herei hagaiyak aike nen weak hagathape halok he, hat at oba lìlìk heperak hinaligat logolìk he, Atì'nogo hagasusak lek o, ìlùk pak hogoat asuk wa'no. Atì'nogo watenem, asuk holhe halok he, sagalogo heperak hano asusak.

ÙRÙM 10:16

Mene re, apùnì inebe obogat hano wene atìat wanu mene re, it he'nakìt wanhì'lek werek o. At Yesaya nen he, Ala mel yogosike: “Ninopase. Nit en wene yogoisikenem he, sa nen wene atì eberogoat ìlùk hùthike nogo. Hùthìgì'lek enek werek o,” ìlùk yogosike.

ÙRÙM 6:17

Hit alep he, weak hagatarek atì awe a'ma kìlìk were'ma, hobuk, wene yakùlhisikenem, wene atì hinetaùkenma wanhigip atì nen he, Ala hai wasuok o.

ÙRÙM 7:2

It hìmì inagonì waganek mene re, inagonì inebe ineluk werek kolek, wene Ala nen ninasuk wasike wene atì ba, inom hele homago negen hano welagì'lek halok, ùkùm inoba asusak. Mene re, inagonì wa'laganem enek he, hele homago hake atì hikalaga halok, ùkùm inoba asusak lek.

1 KORÌTÙT 11:3

Atì'nogo meneat he, wene omakeat aike yì hinelu asusak mene akìkì lagì. Nit ap ninebe lopok, ninoe Etagepogot Karìsùt metek were'ma awe a'ma logousak. Nen, hìmì inebe lopok he, inagonì kain metek were'ma inawe a'ma logousak. At Karìsùt atì re, opase kain Ala metek were'ma awe a'ma welagarek o.

1 KORÌTÙT 7:16

Hat he yì, ha'la nen he, “Hobuk nagùn telusak mea asigin,” ìlùk akìkì lagen a? Nìkì'nogo nen helu. Hat ap yì, ha'la nen he, “Hobuk nagwe telusak mea asigin,” ìlùk akìkì lagen a? Nìkì'nogo nen helu.

EPESÙT 5:33

Mene re, hit hinebe hesik inomat isike. Hit ap he, hinokawerek hinebe hinetawìrogo welagasep hak, hinagagwì lopok hinetawìrogo welagìk, hit hìmì hinagonì lopok agaugerinapìk, ìkì logoino o.

KOLOSE 3:18

Hit hìmì nerùgì. Ninoe Etagepogot hinom hutik logolìk hinoabùt hagasusak higit hogoat, hinagonì inawe a'ma logolìk inane hologo hagatì logoino o.

KOLOSE 4:5

It apùnì Ala ane inokot mene hesik he, hit hina'la motok kagalek logolìk, “Nit Ala againapùrì hagasusak mene hanoasuak ya baat hagatì logouok,” ìlùk atì meneat hagatì logoino.

IBERANI 11:8

At Aberaham hogo re, Ala nen ayoko hìlìk, “Hat o aike ese logoinogolùk wokhesik en he, lano,” ìlùk abok yogosikomo, at en he, “Wene atì eberogoat,” ìlùk etaùken Ala oba hìpìrethìlìk o koma legein heat okot logolìgat wagaike.

IBERANI 5:9

Atì'nogo yakùlhì logolìk, elugùn warogo katok hogo hagasikomo, nit at ane hologo logogun mene hùgì ninebe obogat nineluk moto'-motok logouagalùk at ebe telninapùkwe mene ero hagarogo hesike atì.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

1 PETERÙT 3:7

Nen, hit ap hogo re, Ala oabùt hano nen hinagagwì hinom higit hogoat hineluk motok logouagalùk esewerek hikikomo welagep atì nen, hit sapan ikenem Ala nen hinane asuk holhì'lek kamo inogo ìlùk, hinagagwì hinom hano logolìk, hina'la nen he, “Hìmì inomame lek,” ìlùk hùthìlìk, hinane agauk hogo yogoisìgìk, hinetawìrinapìk, ìkì logoino o.

1 PETERÙT 4:17

Ala nen ninanema waganogo ùkùm ninoba hìgìk, kotik, igin atì arat horogat asi waga. Atì'nogo hagatì logolìk he, nit Ala againapùrì mene tak ninanema waganogo ùkùm ninoba hìgìk, kotìk, ìgìn halok, hobuk it apùnì aike Ala ane hano wene wanhì'lek mene nìkì'nogo hagarinabigin akegep.