1 PETERÙT 2:9 - Ala Ane Wene Ket Mene Warogo Wo'ninapike Wene

⁹ Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.

1 PETERÙT 2:9 ပူးပေါင်းရင်းမြစ်များ

MATÌÙT 4:16

O mùmmo welagasep mene atì, o lìathinabigin mene hùko mene aike hegep o. Hit o atoma wa'lasuogolùk hinoba mùm arì'mo, lìathinabigin mene aike waga atì o,” isike a'nogo higit hogo haga'lasuagalùk Yesùt atoma lagai wagaike atì.

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

LUKAT 1:79

O mùmmo logolìk wa'lasusak atì ninayùk, ìlùk akìlì'lùgì a'nogo o lìa hagarogo hisìgìk, ninoake heite palek were'ma, Kwe yì ba lamo hina'la hapuk igin, ìlùk, yogonisìgìk, igin o,” ìlùk, Sakaria nen isike.

YOHANET 17:19

It inebe hat hokawerek hesik ebe wene ba wenago logouagalùk he, an it hesik nebe hat hagagìrìk wenago welagì o.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

LAKSASIKE 26:28

Atì'nogo yogosikomo, at Agarìpa nen he, “An nebe yogotak ya hepogat Kerisiten mane asuagalùk, hat en haga'nabigin ìlùk akìkì lagen a? Mea o,” ìlùk yogosike.

ÙRÙM 9:24

Atì'nogo akikerek mene atì, nit apùnì Yahuri mene nek wena'ninapikesik ninayoko hesike hùk. It etakwe mene ninomat wena'ninapikesik inayoko hesikeat o.

1 KORÌTÙT 3:17

Hit hinebe, at Ala awì wùrìk welagep atì, at meneat welagep o. Halok, hit en Ala awì wùrìk atì weagathoumo re, at en hit weagathinabiginat o.

EPESÙT 1:14

Ala nen he, “An nen tì'nogo wokhisegein, ìlùk abok yogohisasigi mene atì, hobuk wokhisagalùk, Nareagùn lilu wokhisasigisik hinebe telogo wokhinabiginat o,” ìlùk yogonisasike. Atì'nogo yoganisasike atì nen, Ala hogorato motok welagaikarek mene atìat hogoratì logouok o.

EPESÙT 1:6

At oabùt hano nen aput etaùken tùlem mene etawì agì'legat wo'nisasike atì hesik, nit en he, “Egi. Nayùk e,” ìlùk, hogoratì logouok o.

EPESÙT 3:21

Nit Ala againapùrì atogotorek mene obogat Karìsùt Yesùt ninom hutik logolìk inebe aike hobuk mene ket ta'larìk laga kolek, Ala eberogoat hogorato motok logouok, ìlùk, “Amin,” ìgì atì.

PILIPI 3:14

Atì hela lagalùk wene omakeat mene yìat hagatì lagì. Atì ebe re, alep hagatì lagagi mene, nepe hebelarìk, napotma heraksalùk he, hobuk ket mene nelokoma werek mene atì hela lagalùk nomamerogo musok laga lagì. Karìsùt Yesùt neperak hutik were'ma, at Ala nen nayoko hìkì logolìk he, “Hano mene pogot oba mene wokhesigin,” ìlùk abok yogonesikomo, ebe hela lagalùk, sa awewerek sa awewerek humusek lagaikarek hak, nomamerogo musok laga lagì.

KOLOSE 1:13

Nit alep o mùmmo weak mene nen awe a'ma hele warogo ha'nisek were'ma, Ala nen hele hikalogo wo'ninabìk he, aput etawì mene a'nogo ha'nisek logouagalùk awe a'ma hinikomo welago.

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

ABÌKAKAN 1:6

Atì'nogo hikalninapikesik, nit at opase hesik hagatì logouagalùk, ninebe kain Ala esewerek menhinasikomo welago. Atì'nogo menhinasikomo logolìk he, nina'la nen he, “At Yesùt Karìsùt atì, omame apik werek,” ìlùk nit at ebe eberogoat hogorato motok logouok o, ìlùk, u hak, “Amin,” ìgì atì.

ABÌKAKAN 20:6

It apùnì emakum wa'lagaukwa mene aike hobuk warek motok logouagalùk ùkùm inoba hìlìk inoasumo wa'lasugun. Meneat he, it aike emakum inapotkwe inelugurinabìk, inebe Ala hesik hisegein mene atì nek he, ina'la motok hai hakogoin o. It atì hobuk wa'lagì'lek logolìk, inebe Ala mel, Karìsùt mel, eperak esewerek arìk, o mo lagagìk, pìgìk, iko kolek 1.000 tahun oba, it Karìsùt inom apùnì aike inawe a'ma hisìlìk hagisek logogun isìgì.

ABÌKAKAN 5:10

It atì inoko palogo hisasigitik, u a e, Ninopase Ala heaik hagati logouagaluk, u a e. Inùkùl etage, Ala esewerek, saligin, u a e, Inebo kainat menhisasiginmo, u a e, it an apùnì kweangma mene, u a e, Inawe a'ma hisìlìk hagisek logogùn u a e,” ìlùk etawì watenem isìgì.