1 PETERÙT 2:7 - Ala Ane Wene Ket Mene Warogo Wo'ninapike Wene

⁷ Hit hinetaùken at oba hìpìrìk mene nen he, “At hano motok,” ìlùk hùthìkì lagep atì, Meneat he, it aike inetaùken at oba hìpìrethìgì'lek mene hesik enek he, mel isike: “It ap tukang o helep mene wùtarek mene nen, o ebe wùtì logolìk he, Helep yì weak, ìlùk heraksasukwa mene atì obùleat ya'lagama o,” ìlùk isike.

1 PETERÙT 2:7 ပူးပေါင်းရင်းမြစ်များ

MATÌÙT 21:42

Atì'nogo yogosukwama, at Yesùt en he, “Hit en Ala ane yì'nogo helal waganogo hesukwama etage salhì'lek welagep nogo? It en he, It ap tukang o helep mene wùtarek mene nen, o ebe watì logolìk he, Helep yì weak, ìlùk heraksasukwa mene atì obùleat ya'lagama o. Atì'nogo haga'laga atì, ninopase Ala Etagepogot enat hagate o, ìlùk, nineileken hogosik he, Egi! ìlùk hogoratì lago, ìlùk helal waganogo hesukwa mene atì etage salhì lagep lek nogo? Etage salhì lagebat o.

LUKAT 2:34

Nen, at Simeon a'nogo nen, “Ala nen hanothinabuak,” ìlùk, ane agauk hogo yogoisìlìk he, omalik a'nogo agosa Maria yogorik he, mel isike: “Ala nen he, yekerek yì ba, it ap Isirael mene inebe logolegat, aike menhisìgìk, aike pelakhisìgìk, hagasuagalùk menhesike o. At yì apùnì obogat hùthoagalùk menhesike meneat he, it apùnì obogat en, Ninabìt o, ìlùk ìlì'lùgì a'nogo,

LUKAT 20:17

at Yesùt epe hebek hogo it amanogo eileken lagisìlìk he, mel yogoisasike: “It ap aike nen helal waganogo hìkì logolìk he, It ap tukang o helep mene wùtarek mene nen, o ebe wùtì logolìk he, Helep yì weak, ìlùk heraksasukwa mene atì obuleat ya'lagama o, ìlùk helal waganogo hesukwa atì nena hesik isukwa akegep,

YOHANET 4:42

he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.

LAKSASIKE 26:19

Atì'nogo yogosikesik, aike mel yogosike: “Atì nen, Agarìpa noe. Ala nen Yesùt nelokoma melasuagalùk lakhei wagaike mene atì, ane hologo hagatì logoigìlùk nomamerogo hagato motok welagì.

ÙRÙM 10:21

Nen, Ala nen apùnì Isirael mene mel yogoisasike: “An ohealek en, likene nen, hìmaganekokwe nen, apùnì yoma woginabigìlùk neki lang hogo welagì meneat he, inasuk holùhùk inane oak lagalhoat werek o,” ìlùk yogoisasikomo, Yesaya nen yogoisasikeat.

ÙRÙM 15:31

It apùnì o Yurea mene inetaùken Yesùt oba hìpìrethìgì'lek mene nen nebe ineki hakhaninogo ìlùk, Ala nen telnabuagalùk inom, nen, apùnì Ala againapùrì o Yerusalem mene hesik atogorogo hisaga mene atì, wolok leberisa laganem he, hano wanuagalùk inom, sapan hanorogo ìkì logoino o.

KOLOSE 2:10

Malaikat pogot oba mene inom, mokareke oabùt weak mene inom, inawe a'ma hagisek were'ma inane holharek mene, Karìsùt ane holusak atì nen, hit hogo re, at hinom hutik logolìk, hinetaùken katok hogo wurik agasip welagep atì.

TITUT 3:3

It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.

IBERANI 11:31

Atì'nogo mesa'lapuk ikenem, at he Arahap yanani nìkì lagaike mene atì hogo re, etaùken Ala oba hìpìrethìlìk, it ap Isirael mene ineil wani wagaukwa mene inebe hano woginapike atì nen he, it apùnì aike Ala ane wanusak inabìt mene inebe motok inoatì logolìk, at he atì nek he, watì'lek hebesukwa atì.

IBERANI 4:11

It alep Ala ane hologo higit hogo hagatì'lek en, set walìgì'lek atì hak, nit aike it inomanem set walìgì'lek kamo inogo ìlùk, ninomamerogo hagatì logouok o.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.

1 PETERÙT 2:4

At ebe helep hake eluk welagarek mene ìlùk he, oba we'no. Apùnì nen he, “Helep atì weak,” ìlùk hebisasukwa meneat he, Ala nen he, “Helep yì motok hano meneat,” ìlùk wenago hesike.

1 PETERÙT 2:8

Nen, aike mel isike: “Apùnì helep atì ba inesok a'lip temuk hogo warìlìk, tukwak hogo laga logogun o,” ìlùk isike. Atì'nogo tukwak hogo laga logogun atì re, it en hano wene atì, “Eberogoat,” ìlùk hùthogoin lek atì nen, Ala nen akasike hagat, warìlì'lùgì atì.