1 PETERÙT 2:5 - Ala Ane Wene Ket Mene Warogo Wo'ninapike Wene

⁵ Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

1 PETERÙT 2:5 ပူးပေါင်းရင်းမြစ်များ

ÙRÙM 12:1

Nerùgì nagaiya'lak. At Ala ninebe etawì ìlùk wene aike hina'la kagalìk. Ala ako waretì lagaukwa hak, hinebe hineluk meneat, at okawerek hesik hisìlìk, at a'la hanorogo wogotì logoino o. At awe a'ma logolìk he, at hesik hagasusak mene atì'nogoat hagatì logoino o.

ÙRÙM 15:16

An nebe at Karìsùt Yesùt awe a'ma logolìk apùnì etakwe mene woginabuagalùk nayoko hesikomo, at Ala a'la hanorogo Areagùn atì ba it inebe Ala hisagalùk, at ane hano wene atì yogoisìlìk nìkì lagì o.

1 KORÌTÙT 3:16

Nit ninebe Ala awì wùrìgat, ìlùk he, hinokot nogo? Ala Areagùn nina'la awì wùrogo welagarek, ìlùk he, hinokorat nogo?

1 KORÌTÙT 3:9

Hit hinebe atì Ala eyabu hak were'ma re, nit neperak en Ala woksìkì lago. Aike re, hinebe Ala awì hak were'ma re, neperak en Ala awì wùrogo hisìkì lagoat.

1 KORÌTÙT 6:19

Hit en he, “Ala nen, Areagùn wo'nisasikomo, ninebe at awì wùrìk welago,” ìlùk he, hinokot nogo? Hinebe hinokawerek esewerek hùk. At esewerek o.

2 KORÌTÙT 6:16

At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.

KALATIA 6:10

Ma re, nit o yogotak hano mene hagasusak elok welago ya ba re, apùnì aike inebe obogat leberisìkì logolìgat, esin hake re, ninerùgì ninagaiya'lak inetatùken Karìsùt oba hìpìrìk werek mene hùgì hanorogo leberisìkì logouok o.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

PILIPI 2:17

Mene re, apùnì nen wam topa wam Ala hisìlìk, warogo lolesuogolùk, opoloba eken amusu pelaparek hak, hit hinetaùken Ala oba hìpìrethìlìk wogotenem, opoloba apùnì nen an nebe warogo namep pelapa halok, an na'la hai hakikenem hit obogat hina'la hai hakasagat o.

PILIPI 4:18

Yogotak he, hit lebe'neegepma, helìgìrik, an obogat walok akìkì lagì mene elok agasik ato titelagaat o. Ap Epaporolìtùt oba hegepma wo'nesi wagama nen, neilmo werek aga. Hit en an lebe'neegep atì re, wam Ala hesik warogo etu loletì logolìk obasi hano mene lìagatenem, at a'la hano agarek hak, atì'nogo lebe'neegepma, at Ala a'la hano aga o.

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

IBERANI 3:6

Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.

1 PETERÙT 2:9

Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

1 PETERÙT 4:17

Ala nen ninanema waganogo ùkùm ninoba hìgìk, kotik, igin atì arat horogat asi waga. Atì'nogo hagatì logolìk he, nit Ala againapùrì mene tak ninanema waganogo ùkùm ninoba hìgìk, kotìk, ìgìn halok, hobuk it apùnì aike Ala ane hano wene wanhì'lek mene nìkì'nogo hagarinabigin akegep.

ABÌKAKAN 1:6

Atì'nogo hikalninapikesik, nit at opase hesik hagatì logouagalùk, ninebe kain Ala esewerek menhinasikomo welago. Atì'nogo menhinasikomo logolìk he, nina'la nen he, “At Yesùt Karìsùt atì, omame apik werek,” ìlùk nit at ebe eberogoat hogorato motok logouok o, ìlùk, u hak, “Amin,” ìgì atì.

ABÌKAKAN 20:6

It apùnì emakum wa'lagaukwa mene aike hobuk warek motok logouagalùk ùkùm inoba hìlìk inoasumo wa'lasugun. Meneat he, it aike emakum inapotkwe inelugurinabìk, inebe Ala hesik hisegein mene atì nek he, ina'la motok hai hakogoin o. It atì hobuk wa'lagì'lek logolìk, inebe Ala mel, Karìsùt mel, eperak esewerek arìk, o mo lagagìk, pìgìk, iko kolek 1.000 tahun oba, it Karìsùt inom apùnì aike inawe a'ma hisìlìk hagisek logogun isìgì.

ABÌKAKAN 3:12

“Nen, sa nen omame asigin mene halok, o atuli lìaparek atì hak, at atì'nogoat Ala okawerek awì wùrì'mo menogo hìlìk, nopase Ala etage mel, awì kota Yerusalem ket mene at enat pogot oba nen pelabi wesigin atì etage mel, an netage ket mene mel, an nen, at atì oba helal waganogo houmo re, at ebe o atoma nen wùlìbi wesigin motok lek o,

ABÌKAKAN 5:10

It atì inoko palogo hisasigitik, u a e, Ninopase Ala heaik hagati logouagaluk, u a e. Inùkùl etage, Ala esewerek, saligin, u a e, Inebo kainat menhisasiginmo, u a e, it an apùnì kweangma mene, u a e, Inawe a'ma hisìlìk hagisek logogùn u a e,” ìlùk etawì watenem isìgì.