1 PETERÙT 2:24 - Ala Ane Wene Ket Mene Warogo Wo'ninapike Wene

²⁴ Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

1 PETERÙT 2:24 ပူးပေါင်းရင်းမြစ်များ

MATÌÙT 27:26

at Parapat a'nogo eki hele hikalogo wogisìkì logolìk he, at Yesùt enek he, tùgì labìsake warogo re, e ba menhìlìk wasuagalùk wogisasike.

MATÌÙT 5:20

Ala a'la akikerek mene higit hogo hagasuogolùk he, it apùnì nen Ala ane helal waganek esewerek mene amanogo mel, ap Parìsi mene mel, inoabùt hagarì'lùgì atì hagat hagatì logogun halok he, Ala awe a'ma hisikere'ma atoma kugun lek o. Eberogoat Ala a'la akikerek mene higit hogo hagatì logogun mene halok kugun o,” ìlùk yogoisasike.

MATÌÙT 8:17

Atì'nogo hagasike atì re, at Yesaya Ala ane yogoisìkì lagaike mene a'nogo nen helal wanhì logolìk he: “Nit yì ou tì ou wanhorek mene atì at en wanìk legetsìgìk, ninomame li'-lek arìk maben agorek mene atì haga'ninapìk, ike o,” ìlùk isike atì higit hogoat hagasike atì.

MAREKÙT 15:15

Atì'nogo yogosukwama, at Pilatùt en he, a'la mel akasike: “Halok he, apùnì logolek yoma ina'la hanorogo yì'nogo hagasik,” ìlùk isikesik he, Parapat a'nogo eki hele hikalogo wogisìkì logolìk he, at agoromì tentara nen Yesùt tùgì labisake warogo e ba menhìlìk wasuagalùk wogisasike.

LUKAT 4:18

“It apùnì inagarok motok lek inelageik mene atì hano wene yì yakùlisìkì logouagalùk menhanhikomo nogo nen he, nopase Etagepogot Areagùn pelakhei wagama an noba louksek werek o. Nen, nayoko hìkì logolìk mel yogonesike: It apùnì ineki hele homago mene hele hikalinabigin wene inom, ineileken pùk mene hano asuagalùk hagarinabigin wene inom, yogoisìgìk, it apùnì inawe a'ma negen sebelogo hebisìlì'lùgì mene telogo inalepma hisìgìk,

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

YOHANET 19:1

Atì'nogo isukwama re, at Pilatùt hobuk kìlìk he, Yesùt tùgì wasuagalùk wogisasike.

LAKSASIKE 10:35

Apùnì inùkùl etage ya mene ta mene at ebe inayùk logolìk inoabùt higit hogo hagatarek mene hùgì woginaperek enek hìgì o.

LAKSASIKE 10:39

Apùnì Yahuri mene inaua o ya ta atoma mel, o kota Yerusalem wùrì'mo atoma mel, nìkì logolìk, obogat hagatì lagaike mene atì, nit nineileken hasugu. Atì'nogo meneat he, at ebe e ba menhìlìk wasukwa atì.

LAKSASIKE 13:29

At Yesùt hesigat, Tì'nogo hagasugun, ìlùk halal waganogo hesukwa mene atì higit hogo obogat hagasukwasik he, ebe warek e ba nen pelakhei wìrìk he, omoulama kelakhesukwa atì.

LAKSASIKE 5:30

Hit en Yesùt ebe hakhegesip e ba menogo hìlìk watep a'nogo, at Ala ninopalak en awe a'ma kìlìk hogoratì lagaukwa mene a'nogo nenat apotkwe eluguthikomo werek o.

ÙRÙM 6:11

Atì hagat he, hit hina'la nen he, “Weak hagatì logousak hesik waregat logolìk, Karìsùt Yesùt ninom hutik logolìk he, Ala hesigat nineluk logogun,” ìlùk hina'la akìkì logoino o.

ÙRÙM 6:13

Hineki hinesok hinebe ba welagarek mene aike inom obogat he, weak mene asike arìge negen arìk he, weak hagatì logouagalùk, at wogotì logogùp. Hinebe warek hake were'ma Ala nen hineluguthinapikomo hineluk logolìk hagasusak higit hogoat, hinebe abirat Ala wogo'ni o. Hineki hinesok hinebe ba welagarek mene inom aike obogat he, at asike arìge negen arìk he, higit hagatì logouagalùk Ala wogo'ni o.

ÙRÙM 6:16

Hit he, ap aike atitigeke arìk he, ane holek logouogolùk, awe a'ma kìlìk logolìk, at ane holhì lagep halok he, at atitigeke meneat welago ìlùk hinokot nogo? Weak hagatarek mene atì awe a'ma kìlìk he, wùrep oba wa'lagaikarek atì. Meneat he, at Ala ane hologo logolìk he, at awe a'ma kìlì'mo, wùrep oba at en ùkùm ninoba mene korogo wokhìlìk at ninom hobuk ninapotkwe hùnogo hinikerek atì.

ÙRÙM 6:2

Motok mea o. Nit weak hagatì lagagu atì hesik he, arat wa'lagagusigat he, hobuk weak hagatì logousak nogo? Mea o.

ÙRÙM 6:22

Mene re, hit weak hagato kolek, weak mene nen hakhisek were'ma, Ala nen hele hikalogo wulakhikasikomo re, yogota'ne at awe a'ma kìlìk welagep atì. Logolìk he, hinebe at hesik hisìlìk welagep atì sabùregep o. Atì'nogo logopik, elùgùn oba hineluk motok logogunat o.

ÙRÙM 6:7

Apùnì weak hagarìk wa'laganem he, ùkùm inoba mene lek agarek.

ÙRÙM 7:6

Alep he, wene Ala nen ninasuk wasike wene a'nogo ba hele warek negen welagagu mane, Karìsùt wa'laga logolìk nit ninomat wa'lagagu atì ba, Ala nen hele hikalninapikomo welago. Yogotak he, Ala atitigeke logolìk, wene at en ninasuk wasike wene helal waganek mene nineileken enek hìthìkì logolìk, hagatì lagagu atì hak he, hagatì lago lek. We, Ala Areagùn nen ninoabùt ket mene haga'ninapo kolek, hagatì lago.

1 KORÌTÙT 15:3

Wene emakum an yakùlnesukwama, wanhigi meneat hit hobuk yakùlhisasigi atì re, ebe mel akìgì. Nit weak hagatì lagagu mene hesik, at Karìsùt nineki elùgùn oba wasugun ìlùk helal waganogo hesukwa higit hogoat ebe wasukwa atì.

2 KORÌTÙT 6:17

Ninopase Etagepogot a'nogo nenat, aike mel isike: “Hit hinebe it apùnì aike ina'lakwe, ina'lakwe, welagep atì heraksalùk he, nomok hogo wùlìi we'ni o. Wùlìbi waganem he, an nen wokhinabik en, weak mene atì hobuk hineki haka kùgùp o.

KALATIA 3:13

Ala ane ba helal waganogo hìkì logolìk he, mel isukwa: “Inebe e ba menhisìlìk inoasumo, it inebe wa'lasugun mene atì, Ala nen homan hisegein werek o,” ìlùk, helal waganogo hesukwa hagat, wene Ala nen ninasuk wasike wene atì ba re, homan hinasak higit were'ma, at Karìsùt en ninoko palogo telninabìgìlùk ùkùm nit ninoba mene korogo at oba hakasike atì.

EPESÙT 5:9

E ero hano mene nen eken hano meneat ìterek hak, apùnì o lìa ba logolìk yì mene tì mene hanorogo higit hogo inetaùken oba nen eberogoat hagatarek atì.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

KOLOSE 2:14

Wene at Ala nen ninasuk wasike wene a'nogo, nit en heraksìlìk weak hagato motok welagagu mene atì, helal negen palek ùkùm hùko ninoba were'ma, Yesùt ebe e ba menhìlìk watì logolìk, nit ùkùm ninoba welagaike mene atì inom posie omaken warogo hesukwa atì ba, Ala nen wene atì elùgùn warogo arat legethesike atì.

KOLOSE 2:20

Hit Karìsùt hinom hutik logolìk wa'lagagip atì nen, mokareke oabùt weak mene kweangma yoma eki hesogo welagarek mene a'nogo nen hinebe hele warogo hakhisek were'ma, Ala nen hele hikalhinapike atì. Meneat he, hit hinoabùt it aike kweangma inoabùt inesogat logolìk hagatarek hagat hagatì lagep atì nenahalok. It atì nen he, “Yì mene tì mene aike hineki ning hogo hakhìgìk, wap hogo hakhìgìk, aike etuk mìkhìgìk, ùgùp o,” ìlùk inasuk watenem nahalok hologo hagatì lagep.

IBERANI 10:10

Nen, at Yesùt Karìsùt Ala a'la walok mene atì hagatì logolìk, at ebe omake hesik wa'laga logolìk, Ala wogosike atì ba, nit ninebe Ala hesik motok hisikomo welago.

IBERANI 10:5

Atì'nogo hagatì lagaukwa atì nen, at Karìsùt kweangma pi waga logolìk, Ala mel yogosike: “Hat he, apùnì nen wam wathetìk, yì mene tì mene wokhetìk, egarek atì mene wokhetì logousak he, habìt atì nen he, an nebe apùnì hake hagarogo hanhigin yì o.

IBERANI 12:13

Atì'nogo hanothìlìk, hinesok abel etenek mene hobuk hinomaken hùnetì'lek hano asuagalùk, kwe higit hogo yagasogo laga logoino o.

IBERANI 7:26

Nit nina'la nen he, “Ap aike Ala esewerek nit hesik hano katok hogo yì'nogo kain logolìk hagatì logoilep e,” ìlùk akogorek mene, Ala nen ninoe Yesùt atìat menhesikomo werek o. At oabùt he, weak kolo aike hagatì'lek, hano tegelek motok were'ma, apùnì weak hagatarek mene ina'la nen tegelogo pogot abel pokwe po a'loma lìakhesikomo nit hesik werek o.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.

1 YOHANET 2:29

At Karìsùt Ala aput oabùt hano higit hogo nek hagaterek a'nogo hinelu halok he, hit hina'la nen he, “It apùnì aike inoabùt hano higit hogo hagatarek mene inebe lopok Ala againapùrì hobuk taginapomo werek,” ìlùk hinelu asusagat o.

1 YOHANET 3:7

Nagainapùrì e. It apùnì agaike nen lalhinabi nogo ìlùk hinoabùt hebelogo logoino o. Sa nen oabùt higit hogo hagaterek halok he, at Karìsùt oabùt higit hogo hagaterek atì hagat, hagato werek o.

ABÌKAKAN 22:2

O kota atì, kwe ebela esako heta-heta lagaikarek oba were'ma, i a'nogo tùlem lagare'ma hìgì. Atì'nogo laga kolek, i aik ìlì ba, yì ba, e awì yago were'ma hìgì. E atì eken nikenem inelugurinaperek mene a'nogo, tugi omakeat oba eken aike ìtìk, tugi aike ba eken aike ìtìk, iko kolek mo lagagìk, pìgìk, iko kolek tahun omakeat oba eken hùlì 12 nen ìterek mene welaga. Nen, eka ba re, yì apùnì tì apùnì inùkùl etage lopok hanorinaperek mene hìgì.