1 PETERÙT 2:21 - Ala Ane Wene Ket Mene Warogo Wo'ninapike Wene

²¹ At Karìsùt ebe hit hesik yì aik tì aik hìlìk hìlìk wa'lagaike atì nen, hit hogo re, at oabùt waganogo yì aik tì aik hoagalùgat Ala nen hinayoko hesike atì.

1 PETERÙT 2:21 ပူးပေါင်းရင်းမြစ်များ

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

MATÌÙT 16:24

Atì'nogo yogosikesik he, at agoromì ane wanhì lagaukwa mene amanogo aike mel yogoisaaike: “At sa nen an nopolik nìkì logoigìlùk halok he, oabùt okawerek hesik etaùken tùlem logolìk hagaterek mene atì, Nabìt, ìlùk heraksalùk, e ba menhisìlìk inoatarek mene atì ageiyo meneat wolok nopolik nìkì logoigìlùk wesuak o.

YOHANET 13:15

An nen hit hagathinapì atì hak, hit en an noabùt waganogo atì'nogoat hagatì logouageip en ìlùk yakùlhisìgì o.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

1 YOHANET 3:16

At Karìsùt en tak nit etawì'ninapikesik, ebe nit hesik wa'lagaike atì nen, nit en it apùnì aike inetawìrinaparek wene atì, hùthìkì lago. Hùthìkì logolìk, at hagasike atì hak, nit ninerùgì ninagaiya'lak inebe ninetawì nen, ninebe it hesik wa'lasusak hanoat o.

1 PETERÙT 2:24

Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

1 KORÌTÙT 11:1

An Karìsùt oabùt waganogo hagatì lagì hak, hit en he, an noabùt waganogo hagatì logoino o.

1 PETERÙT 4:1

Apùnì yì aik tì aik hìlìk, inebe wa'larìk, hobuk weak hagato logousak lek atì nen, at Karìsùt yì aik tì aik hìlìk hìlìk ebe wa'lagaike atì hak, hit hogo re, apùnì sing ìkìlik inepe hebelogo welagaikarek atì hak, at Karìsùt oabùt waganogo, yì aik tì aik hìkì logolìk hinomamerogo logoino o.

PILIPI 2:5

Hinoabùt he, at Karìsùt Yesùt en a'la ebetì lagaike hagat ebetì logoino o.

MATÌÙT 11:29

An nasukwe kalek su a'le sakore'ma re, hano kalogo wokhikamo seweagat hogoin atì nen he, hinomolo ba wìlìk, an noabùt enago logolìk inawe a'ma negen welagìrek a'nogo tùkùm hogo yakùlìk nìkì logoino o. Atì'nogo nìkì logogun halok, hinetaùken hapuk igin o,” ìlùk yogoisasike.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

MATÌÙT 10:38

E ba menhisìlìk inoatarek mene a'nogo, hinageiyo lopok hinomolo ba wìlìk an nopolik wolok wagì'lek halok, an nagoromì asusak legat o.

1 PETERÙT 3:9

Apùnì aike nen hit weak hagathinapenem, hit en oko weagarinapùp o. Nen, inane sagan weak wokhikikenem, hit en oko hinane sagan wogisagùbat o. Oko re, Ala nen inebe hanorinabuagalùk, ayoko hìkì logoino. Hobuk at en hano mene wokhisagalùk hinayoko hesike atì nen, hit en oko hano mene wogisìkì logoino.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

IBERANI 2:10

At Ala atì re, yì mene tì mene at okawerek hesik, okawerek enat elalhike mene nen, apùnì at againapùrì logolegat hogorinapì logogunmo wogisek loagalùk, kwe wanhùkwe Yesùt at o. At enat apùnì elok telinabìk wogisek laga logouagalùk yì aik tì aik hìlìk hìlìk wa'lasuagalùk akasike atì re, elok akasak meneat higit hogo akasike.

2 TIMOTÌÙT 3:12

Nit Karìsùt Yesùt ninom hutik logolìk, Ala hesik hanorogo hagatì logouogolùk nina'la akìkì lago mene hùgì, ninebe lopok obogat yì aik tì aik haga'ninapì logogunat o.

1 PETERÙT 1:20

Karìsùt, Ala nen kweang pogot oan elalhì'lek logolìk, a'la akalùk ayoko hesikesik welagaikesik en, ebe yogotak o wùrep oba hit hesik weinam hogo lakhei wagaikomo hinebe telhinapike atì.

LAKSASIKE 17:3

Ala ane helal waganek a'nogo ba sekek hogo yogoisìkì logolìk, mel yogoisìkì lagaike: “At Karìsùt Ala nen lakhei wesigin ìlùk isukwa a'nogo re, yì aik tì aik hìlìk hìlìk wa'larìk en, eluk asigin, ìlùk isukwa. It isukwa atì hagat, at Yesùt hagasike wene abok yogohisìkì lagì mene yì, hagasusak higit hogoat hagasikomo. Ala nen lakhei wesigin ìlùk isukwa atì, ebe re, Yesùt atìat o,” ìlùk yogoisasike.

LAKSASIKE 9:16

Atì'nogo ayoko hìgìrì'mo re, at en netage atì'nogo yogoisìlìk nikenem, at yì aik tì aik hìkì logousak obaat hìkì logogin mene, an nen yogosigin werek o,” ìlùk yogosike.

LUKAT 24:26

At Karìsùt Ala nen ayoko hesike a'nogo, yì aik tì aik hìgì'le'ma hogorasusak nogo? Lek o. Hikenem en hogorasusak o. Hit en egep atì hagasusak higit hogoat hagata o,” ìlùk yogoisasike.

1 PETERÙT 4:13

At Ala nen Karìsùt ebe weinam hogo lakhei waganem, hogorasugun atì like, waganem hina'la hai apik hakùogolùk, hina'la nen be, “At Karìsùt oba yì aik tì aik hìlìk hìlìk wa'lagaike hak, nit at ninom hutik logolìk atì'nogoat hìkì lago,” ìlùk hina'la hai hakìkì logoino.