1 PETERÙT 2:19 - Ala Ane Wene Ket Mene Warogo Wo'ninapike Wene

¹⁹ Hit en weak aike hagatì'le'maat he, hinogogì nen yì aik tì aik hagathinapo kolek, hina'la nen he, “Ala a'la walok mene hagasusak,” ìlùk hùthìlìk, hinepe morogo logogun halok he, at en hanothinabigin o.

1 PETERÙT 2:19 ပူးပေါင်းရင်းမြစ်များ

LUKAT 6:32

Nen, it ap inetawìthinaparek mene nek hit en hinetawìrinapep halok he, Hano, ìlùk yogohisogoin nogo? It apùnì weak hagatarek mene nen atìtì'nogo inetawìrinaparek mene, it en hogo re, inetawìrinaparegat.

YOHANET 15:21

Atì'nogo meneat he, it en, at an lakhani wagaike mene a'nogo ebe inokot atì nen he, It yì at agoromì, ìlùk, wene yogohisìgì atì obogat hagathinabugun o.

LAKSASIKE 11:23

At Parenapat atì, oabùt hano logolìk, etaùken Yesùt oba hìpìrìk motok were'ma re, Ala Areagùn a'la peserek welagaike atì nen, lakhei wagaukwama, wagaikesik eileken isìlìk, a'la nen he, “Ala oabùt hano nen hano hagarinapomo werek hìgì,” ìlùk a'la hai hakasike. A'la hai hakìlìk he, “Hit obogat hinetaùken ninoe Etagepogot oba hìpìrethìlìk, at hinom hutigat motok logoino o,” ìlùk inasuk wasike. Inasuk watì lagaikomo, apùnì logolegat, ninoe Etagepogot werekwe lapuk ìlìk inebe seik-peik ìkì lagaukwa.

ÙRÙM 13:5

Halok he, it inane hologo hagasusak o. Kamo usak mea o. Ala a'mage lagainogo ìlùk, inane hologo hagasusagat mene re, atì ba nek inane hologo hagasusak hùk. Hina'la ekin lek selek logouogolùk, it inane hologo hagasusagat o.

1 KORÌTÙT 15:10

Atì'nogo usak mea meneat he, Ala oabùt hano nen nayoko hesikomo yì'nogo agagisik welagì o. Nayoko hesike atì we tùlemat hesike lek atì nen he, it aike obogat yabu hamùlùgat hake wanho kolek, an enek he, apik hake wanhì lagì o. Mene re, atì'nogo wanhì lagì atì re, an nen wanhì lagì hùk. Ala oabùt hano nen, neperagat logolìk wanì'logo o.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

2 KORÌTÙT 8:1

Nerùgì nagaiya'lak. At Ala oabùt hano a'nogo nen againapùrì o Maketonia mene yoma inoabùt hano hagarinapomo hagata mene hinelurogo yogohisak.

2 TIMOTÌÙT 1:12

Atì'nogo lakhani wagaikomo nìkì lagì atì nen, apùnì nen yì aik tì aik haga'napo kolegat he, netaùken ebe nelu mene oba hìpìrìk welagì, ìlùk nekalì agì'lek, na'la pùk hogo welagì. At en he, “An mene yì ha'narek logoino. Ha'narek were'ma, hùlì an nebeat wesigin o,” ìlùk, noba hìlìk nayoko hesike mene atì, okawerek omame ba elok ha'narek logogin o, ìlùk na'la hùthìkì lagì.

IBERANI 10:2

It katok hogo horinabilepma re, “Nit weak hagato,” ìlùk ina'la ekin logolìk, wenesùgì ebetì lagaukwa mene atì, lek arìk he, inako warogo Ala wogosi waga logoilep lek o.

1 PETERÙT 2:20

Meneat he, hit en weak hagasugun oba, oko tùgì hinoato kolek, hinepe morogo logogun halok, hogothinabusak nogo? Lek o. Hinoabùt enat usak o. Meneat he, hano hagatenem, yì aik tì aik hagathinapo kolegat, hinepe morogo logogun halok he, Ala oabùt hano nen hanothinabiginat o.

1 PETERÙT 4:15

Meneat he, it aike nen apùnì inoatìk, yogot wanhìk, weak hagatìk, it aike inawene mene talepogoke hagatìk, ikenem, yì aik tì aik inoba agarek atì hak, hit atì'nogo hagatenem hinoba asinogo.