1 PETERÙT 2:16 - Ala Ane Wene Ket Mene Warogo Wo'ninapike Wene

¹⁶ Atì'nogo logolìk, hit en he, “Nit weak mene awe a'ma were'ma, Ala nen hele hikalogo ninalepma hinasikomo welago,” ìlùk, weak aike hinagasogo hagatì logogùp. We, hinoabùt Ala atìtigeke logolìk hagasusak mene higit hogoat hagatì logoino o.

1 PETERÙT 2:16 ပူးပေါင်းရင်းမြစ်များ

KALATIA 5:13

Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.

ÙRÙM 6:22

Mene re, hit weak hagato kolek, weak mene nen hakhisek were'ma, Ala nen hele hikalogo wulakhikasikomo re, yogota'ne at awe a'ma kìlìk welagep atì. Logolìk he, hinebe at hesik hisìlìk welagep atì sabùregep o. Atì'nogo logopik, elùgùn oba hineluk motok logogunat o.

1 KORÌTÙT 7:22

At aike apùnì inatitigeke were'ma re, ninoe Etagepogot en ayoko hesikomo eperak hutik logolìk he, at agot alepmaat agasik werek. Nen, at aike re, alepma were'ma ayoko hesikomo, ninoe Etagepogot atitigekeat agasik werek o.

ÙRÙM 6:18

Hit he, weak hagatarek atì nen hakhisek were'ma, Ala nen hele hikalogo hikìlìk, at hesik higit hogo hagatì logouagalùk, awe a'ma hikasikomo welagep.

KALATIA 5:1

Nit Karìsùt en ninalepma hinasikomo yogotak ninalepma welago. Atì nen he, yì mene tì mene ekin weak mene it apùnì inatitigeke mene nen e pok hogo wolok loagalùk inomolo ba hagarek hak, ekin mene atì hobuk hinoba heinogo ìlùk, ning hogo metek logoino.

YAKOBÙT 1:25

Nit apùnì nineki hele warek negen were'ma, wene hano wene Ala nen ninasuk warogo katok hogo yogonisikerek atì ba hikalninaperek. Halok, sa nen wene atì asuk enek holìk he, lì'mathikerek hùk. We, tùkùm hogo hùthìlìk, oba eberek motok logolìk, wene atì higit hogo hagate halok, yì mene tì mene hagatenem, Ala nen a'la hairogo lebethìkì logogin o.

YAKOBÙT 2:12

Ninebe nineki hele warek negen were'ma, Ala ane atì baat hikalogo hiaikerek atì. Wene atì baat ninanema wanigin o, ìlùk, hinane higit hogo ìgìk, hineki nen higit hogo hagatìk, ìkì logoino o.

EPESÙT 6:6

It en sethisek werek kolek enek apùnì mene ina'la hanorogo hagatì logogùp. We, hina'la nen he, “Karìsùt atìtigeke logolìk, Ala a'la walok akikerek mene atìat hagatì logouok,” ìlùk, hina'la ebethìlìk en hagatì logoino.

2 PETERÙT 2:19

Apùnì obogat he, yì mene tì mene omame arìk mabenetsikenem, omame asigin mene atì atitigeke welagaikarek atì nen he, it atì, inokawerek inebe weagarinaperek mene atì atitigeke logolìgat he, it apùnì aike yogoisìkì logolìk, “Hit nit ninoabùt wanugun halok he, hobuk hinalepma asugun o,” ìlùk we tùlemat yogoisìkì logogun atì.

KOLOSE 3:24

Hinebe re, ninoe Etagepogot Karìsùt at awe a'ma logolìk, at hesigat hagatì lagep atì nen, hina'la nen he, “Nit hagatì lago atì hesik, oko re, at ninoe Etagepogot Karìsùt en esethinegein werek o,” ìlùk, hina'la hùthìlìk logoino.

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

1 TESALONIKA 2:5

Nit he, nina'la nen, yì mene tì mene ninaligat ninoba logoilep, ìlùk akìkì logolìk, ninane ba nen agauk hogo yogoisìkì lago lek atì, hit hineluat o. Nen, Ala eluat, ma re, at enat, “Atì eberogoat,” ìlùk usak atì.

YOHANET 15:22

An wagagisik, wene obogat atì it yogoisìgì'lek logoilema re, it weak ìlùk ùkùm inoba hìlìk logoilep lek akìgì. Meneat he, yogotak, wene yogoisa wagì atì nen, it en, An weak hagatì'lek, ìlùk, ùkùm inoba mene nokolasak meaat aga o.