1 PETERÙT 2:12 - Ala Ane Wene Ket Mene Warogo Wo'ninapike Wene

¹² It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

1 PETERÙT 2:12 ပူးပေါင်းရင်းမြစ်များ

MATÌÙT 10:25

Mene re, it yekerùgì atì inopase guru atì inom higit haga'lagìk, nen, it inatitigeke mene atì inopaselak inom higit haga'lagìk, umo re, higirat o. It apùnì inoe o esewerek mene atì weak ìlùk etage Peelsepùl iko halok, it at agoromì inom omakìma mene atì, atì'nogoat inetage weak hùkoat ìkì logogun o,” ìlùk yogoisasike.

MATÌÙT 5:11

Hit oan werek kolek, hageat it ap Ala ane yogoisìkì lagaukwa mene weagarinapì lagaukwa hagat, hit an nebe hesik, it apùnì aike nen wenakhisìgìk, weagathinapìk, inapeliak enat hinabok ìkì logolìk, yì weak tì weak hinoba hìgìk, iko halok he, hina'la hai hakìkì logousak o. Hobuk ninopase pogot oba mene nen hùko mene wo'nisegein ìlùk, hina'la hano agìk, hai hakìgìk, hùkorogo ìkì logoino,” ìlùk yogoisasike.

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

MATÌÙT 9:8

Atì'nogo hagasikomo re, it apùnì amanogo ineileken hasukwasik inayùk arìk he, “Ala nen apùnì mene nen yì'nogo hagatì logouagalùk menhesikomo atì nayù e,” ìlùk, Ala hogorasukwa.

LUKAT 1:68

“Nit apùnì Isirael mene atì ninopase Etagepogot Ala nen eileken nisa wagasik telninapomo atì nen he, at hogoratl logouok o.

LUKAT 6:22

Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

YOHANET 13:31

At Yùrat atì'nogo arat wùlìpikomo logolìk, at Yesùt en he, mel yogoisasike: “Nagoromì. An abat ta'lasi wagagi a'nogo Ala nen esinethanhenem, apùnì nen Ala hogorasugun oba yogotak arat asi waga o.

LAKSASIKE 15:14

Ala nen it apùnì etakwe mene inoba eberìk he, mel isike: It aike an nagainapùrì asuagalùk woginabigin o, ìlùk woginapike mene hesik, at Simon nen yogonisike atì.

LAKSASIKE 24:13

It ap yì nen ùkùm noba hìlì'lùgì atì re, Eberogoat hagatomo, ìlùk nena mene inùkheogoin. Ìnùkheasak legat asigin o.

LAKSASIKE 25:7

Yogoisasikomo lagaukwasik ebe wolok wagaukwama re, it ap Yahuri mene o Yerusalem en wagaukwa mene amanogo Paùlùt ebe ìlìng-walìng hogo hebìlìk, yì ùkùm tì ùkùm ekin mene apigat oba hesukwa. Atì'nogo meneat he, at weak aike hagatì'lek nogo nen he, “Eberogoat weak yì'nogo hagatenem nineileken hogo,” ìlùk yogosusak lek agaike.

LAKSASIKE 28:22

Mene re, wene hat wanhetik hagatì lagen atì hesik, apùnì o yì awì tì awì mene nen, Wene atì weak, ikenem enek he, ninasuk holhì lago atì nen, wene hat en eberogoat akìkì lagen mene atì hokawerek en nit yogonisikenem ninasuk holusak walok o,” ìlùk yogosukwa.

ÙRÙM 12:17

It apùnì aike nen weak hagathinapenem he, hit en oko lagak hogo weak hagarinapì logogùp o. Apùnì obogat en ineileken hisìlìk he: “It hano hagarì'lùgì o,” ìlùk hinabok hano ìkì logouagalùk he, hina'la akalùk en hanorogo hagatì logoino o.

ÙRÙM 13:13

O lìa ba logolìk hagatarek hak, ninoabùt higit hogo hagatì logouok. Pesta nalùk weak hagatìk, i negen nalùk lùgùlùgì palhìk, egarek atì hak hagasusak lek o. Yùgùnat pailak haksìgìk, inekalì lek hagatìk, egarek atì hak hagasusak legat o. Wene palhìk, ua palhìk, egarek atì hak hagasusak legat o.

ÙRÙM 14:18

Hit Karìsùt atitigeko logolìk, wene atì hesik hano hagatì logoumo, Ala a'la hano agìk, apùnì aike ina'la nen he: “At atì hano,” ìlùk ina'la akìgìk, ugunat o.

ÙRÙM 15:9

nen, it apùnì etakwe mene nen Ala nen etawìrinapike atì nen hogoratìk, uagalùk, Yahuri mene inawe a'ma kisike atì. Wene atì hesik Ala ane ba helal mel ìlùk waganogo hesukwama werek: “Atì nen he, an it apùnì etakwe mene ina'lakwe ina'lakwe logolìk, hat hogothapìk, wùnì watì logolìk hapnù wanhìk, ìkì logogin o,” ìlùk isikomo helal waganogo hesukwa.

1 KORÌTÙT 14:25

at a'la hinago mene hukalasigin. Hukalaganem he, oabùt isong hogo at ebe soma ìlìk Ala hogoratì logolìk he, mel igin: “Eberogoat Ala hinom welagep o,” ìlùk yogohisegein o.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

2 KORÌTÙT 13:7

Nit en he, hit weak aike hagasinogo ìlù, Ala ayoko hìkì lago. Atì re, hit en hineileken nisìkì logolìk he, “Paùlùt lak hano hagarì'lùgì,” ìlùk ninoabùt palogo nen ìkì logouageip ìlùk ìkì lago lek. Nit ninoabùt palhenem, hit en, “It mea hake haga'lagaika,” akegep halok he, yùgùnat. Hebisani o. Hirat hano hagatì logouageip ìlùk hit hesik Ala ayoko hìkì lago.

2 KORÌTÙT 8:21

Atì'nogo hagatì logolìk he, ninoe Etagepogot eilhanem enek ninoabùt higit hogo hagatì logouogolùk ìkì lago lek. At he, ninoe Etagepogot mel, apùnì mel, ineilhanem ninoabùt higit hogo hagatì logouogolùk akìkì lago.

EPESÙT 2:3

Alep nit obogat it hagarì'lùgì hagat hagatì lagagu. Ninoabùt apùnì inoabùt inesogat logolìk hagatarek hak hagatì logolìk, ninoba aiyage lagaikenem weak hagatìk, nina'la akalùk weak hagatìk, ìkì lagagu. Atem sat he, apùnì inoabùt inesogat logolìk hagatarek mene ninom higirat were'ma, Ala a'mage lagalìk he, weaga'ninabigìlùk welagaike.

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

PILIPI 4:8

Nerùgì nagaiya'lak. Wene elùgùn oba yì aike yogohisak, Hina'la ebetì logolìk he, hanorogo hagatìk, hogorinabusak mene hagatìk, ìlì'lùgì mene oba ebetì logoino. Atì ebe re, wene eberogoat mene oba ebetìk, hogorasusak mene oba ebetìk, higit hogo hagatarek mene oba ebetìk, inoabùt lopoksek logolìk hagatarek mene oba ebetìk, inoabùt heanerogo hagatarek mene oba ebetìk, inoba lìok usak mene oba ebetìk, ebeto motok logoino.

1 TESALONIKA 4:12

Atiat esinethìlìk he, it aike nen waganekkwe nìlìk negarek atì hak hagatì'lek logolìk, apùnì etakwe mene nen, “It hano,” ìlùk uagalùk ineilhanem hinoabùt higit hogo hagatì logoino.

1 TIMOTÌÙT 4:12

Hat hebe elege oan welagen atì nen, it apùnì aike nen ina'la meathagousak lek o. Hebe elegeat logolìk, apùnì aike inetaùken Ala oba hìpìrìk werek mene hùgì nen hat hoabùt wanuagalùk, hane higit hogo yogoisìgìk, hoabùt higit hogo hagatìk, apùnì hetawìrinapìk, hetaùken Karìsùt oba hìpìrìk welagìk, weak hagatì'lek heil lopok hogo welagìk, ìkì logoino.

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

IBERANI 13:18

Nit yì mene tì mene hano nek hagatì logouogolùk, akìkì logolìk, nina'la nen he, “Nit ùkùm ninoba lek. Nina'la selek,” ìlùk akìkì lago atì nen, nit hesik sapan ìkì logoino o.

IBERANI 13:5

Ala nen ninebe lopok hesik ìkì logolìk: “An nen hat neki kopok hogo herakhagagìk, hebe halepma hagagìk, igin lek o,” ìlùk isike atì nen he, hit uang hinetaùken tùlemethìlìk logogùp o. We, hamùlùgat werek atì, hit hina'la nen he, “Yì elok werek,” ìlùk akasak o.

YAKOBÙT 3:13

Hit aike hina'la kagauksek logolìk, yì wene tì wene hùkoat hinelu halok he, apùnì nen enagat hùthikoagalùk hinoabùt enago logolìk, hina'la kagauk hogo hanorogo hagatì logoino o.

1 PETERÙT 3:16

hinane lìok hogo hai warogo yogoisìkì logoino. Atì'nogo yogoisìkì logolìk, hina'la nen he, “An wene noba selek o,” ìlùk akìkì logolìk, Karìsùt hinom hutik logolìk, hano hagatenem, apùnì nen hinabok weak palugun mene atì ineileken hisìlìk inekalì asugun o.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

2 PETERÙT 3:11

Yì mene tì mene obogat atì'nogo lek asigin atì nen, hit hinoabùt nìkì'nogo hagatì logousak akegep. Ala nen hagasigin atì like pogot etu houmo re, amulok en heleleng hogo nìkìk, yì mene tì mene ero inom tamuk-tamak hogo nìkìk, igin atì nen, weak hagatì'lek tegelek logolìk, hinebe Ala hesik hisìlìk, at ebe serogo logolìk, ebe hepok wesuagalùk akiluk hogo hagatì logoino o.