Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PETERÙT 2:1 - Ala Ane Wene Ket Mene Warogo Wo'ninapike Wene

1 Atì nen, hit weak hagatì lagep mene atì motok heraksìlìk logoino o. Apùnì aike lalinapìk, hinetaùken pìre hagatìk, ua palhìk, hinapeliak en apùnì aike inabok weak palhìk, ìkì lagep atì, heraksìkì logoino o.

အခန်းကိုကြည့်ပါ။ ကော်ပီ




1 PETERÙT 2:1
50 ပူးပေါင်းရင်းမြစ်များ  

Hit hinogat oba nek hano salek logolìk hinetaùken pìre yì rì! At Yesaya nen Ala ane yogoisìkì logolìk wene mel isike atì, hit hesik higit hogo isike hìgì:


Atì hak he, apùnì nen hit hinogat etakwe yì yethisikenem hano akìlì'lùgì meneat he, hinetaùken pìre logolìk, hina'la re, yì weak tì weak hagatesep atì mene motok peserek welagep atì nen Ala weagathinabigin o!


Atì'nogo were'ma wìrìk he, at atitigeke a'nogo ebe tùgì motok warogo re, it apùnì inogat oba nek hano salek inetaùken pìre logolìk hagatarek mene laksikerek oba atoma laksamo, atoma logolìk he, aik hùnogo lì agìk, le agìk, ìkì logogin o,” ìlùk yogoisasike.


Hinogat oba nek hano salek logolìk hinetaùken pìre yì rì! Hinokawerek hineilekenma e palek hùko mene atì tak wokhakìlìk en, hineileken arat lìa aga halok he, hobuk hinerùgì hinagaiya'lak ineilekenma ìlìngeken werek mene atì elok wokhogoin o,” ìlùk yogoisasike.


at Yesùt en, “Inane lagak hogo yogoneta,” ìlùk inoabùt enagat palhikesik he, mel yogoisasike: “An noabùt paluogolùk egep atì nenahalok. Uang perak yabu ineki omake hesik hagatenem ineki oko wogisagarek a'nogo mene aike neileken hak en he, wani lani o,” ìlùk yogoisasikomo,


Hit hinebe re, mel hake welagep. Apùnì wa'laganem kweangma salinaparesik, inetawì wekelogo hùlì hìgì'lek heraksagare'ma, apùnì inokot logolìk inesok en sebelogo hìlìk lagaikarek hak, hit atì'nogo weak werek kolegat, apùnì inokot logolìk hinom welagasep atì nen, Ala nen weagathinabigin o,” ìlùk yogoisasike.


Wene atì'nogo iko kolek, apùnì motok apigat inera'lu atogosi wagaukwama re, inebe motok kerelek-hoporek nogo nen he, it aike nen it aike inesok okut en al lebelogo hìlìk lagaukwa. Atì'nogo haga'lagaikomo, at Yesùt en agoromì ane wanhì lagaukwa mene amanogo wene mel tak yogoisasike: “Ap Parisi mene inoabùt he, eken sùpùrùk horoti mene hisuagalùk, a'lakwe pelaparek mene atì hùke logolìk he, inogat oba nek hano salek, inetaùken pìre atì nen, weagathinabinogo ìlùk, hinepe hebelogo logoino.


Hinokawerek hineilekenma e hùko mene palek walurek werek atì hìgì'lek logolìgat he, hinerùgì hinagaiya'lak atì yogoisìkì logolìk, Heilekenma ìlìngeken kike mene atì wokheak o, ìlùk usak nogo? Hinogat oba nek hano salek hinetaùken pìre yì rì! Hinokawerek hineilekenma e palek hùko mene walurek werek atì tak wokhakìlìk en, hineileken arat lìa aga halok he, hobuk hinerùgì hinagaiya'lak ineilekenma ìlìgeken werek mene atì, elok wokhogoin o,” ìlùk yogoisasike.


Atì'nogo yogosikomo, at Nataniel Yesùt oba wesigìlùk waganem, at Yesùt eileken lakhìlìk, at abok mel yogoisasike: “Ap arì ebe Isirael ebe mene. Ane pìre ikerek motok lek mene arì lakhani!” ìlùk yogoisasikomo,


Atì'nogo hagarìkì logolìk, it ina'la re, yì weak a weak, yì kolo tì kolo, peserek logolìk, inamì'mìk weak hagatìk, apùnì aike weagarinapìk, egarek. Ìkì logolìk, apùnì inoba ua palhìk, inebe inoatìk, wene serep agìk, apùnì lalinapìk, wene eken hìlìk welagìk, egarek atì meneat ina'la motok kelek welagarek o. Inabok hinagasogo nabok-habok ìgìk,


Nerùgì nagaiya'lak. Wene hina'la ebetì lagep atì re, yekerùgì ina'la ebetarek hak ebetì logogùp. We, omalik ketago mene nen weak hagato inokot welagaikarek hak logolìk, hinetaùken inalùge inetaùken hake wurik hogo logoino.


Halok he, pesta Paskah nìkì logolìk, eken horoti hisuagalùk a'la pelaparek mene a'la pelapì'lek mene nekarek hak, nit weak hagatìk, pailak haksìgìk, ìkì logousak lek o. We, ninetaùken omakeat logolìk, eberogoat mene nek hagatì logouok o.


An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.


Inane aik weak ìgìk, ina'makwe heperìgìk, ina'mage lagalìk, inane uarek-puarek wene palhìk, inapeliak inabok weak palhìk, egarek mene atì heraksìkì logolìk he, weagarinaparek mene inom obogat heraksìkì logoino o.


Wene yogohisìkì logolìk hinasuk watì lagagu atì re, hit nong asuagalùk kolo wene yogohisìgìk, ninetaùken pìre logolìk yogohisìgìk, ninane lalogo yogohisìgìk, ìkì lagagu lek o.


Atì hagat he, it atì inagagwì inoba haro logolìk inahùsipi weak ìlìk negarek lek mene halok, weak hagasuagalùk ina'la kagalhenem tok wokhagarek hak wokhagarek mene halok, inoabùt lenurek mene halok, inoabùt atì hake halok, inagonì leberisùgùkwe mene logouagalùk menhisasak o.


Ati hagat he, it hìmì inalùgetek mene atì, apùnì Ala awe a'ma logolìk, inoabùt higit hogo hagatarek hak, hagatì logolìk, apùnì aike inabok weak palhìi'legat, inogogì kaintek inawe a'ma welagaikarek hak, i anggur eken amusu awe a'ma negen logolìk, inoba lagolek nekarek atì'nogo nìkì'legat logolìk, it en it aike hanorogo hagatì logousak hesik, yakùlisìkì logouagalùk inasuk watì logoinoat o.


It apùnì alep hagarìk wagaukwa mene inabok ìlìk wago atì, inebe esa logolek ninera'lukwe yìlìng-walìng ineileken la'nisek werek atì nen he, sa awewerek sa awewerek lùogolùk yì mene tì mene inoba ekin mene korogo hùlùk lagaikarek atì hak, nit ninoba ekin yìlùk-malùk welagarek mene atì mel, ninoabùt weak hagatorek mene ninoba te'meksek motok welagarek mene atì mel, obogat korogo heraksalùk, Ala nen, “Hùlì tì hùlì lano,” ìlùk yogonisasike atì, nina'la nen he, “Ninelokoma pìkìt hùlì atì baat lùok,” ìlùk, ninomamerogo laga logouok o.


Ati nenat, yì weak tì weak hinekalì lek hagarìk negesep mene atì heraksìgìk, kolo hùkoat hagarìk negesep mene atì heraksìgìk, ìkì logoino o. Wene hano wene Ala nen hina'la awì yagasogo hesike mene atì ba elok telhinabusak atì nen, at awe a'ma kìlìk, at en wene hina'la kagalì'logo mene atì wanhì logoino o.


Mene re, hina'la kolo arìk ua palhìk, hinokawerek hesik enek ebetìk, ìkì logolìk he, hinokawerek en, “An hano,” ìlùk hogorakìkì logogùp o. Atì'nogo hagasugun halok, Ala ane ebe wene atì mene sagalogo hinapeliak en ugun atì usak lek o.


Nerùgì nagaiya'lak. Hit-hit hinabok pal-pal ìkì logousak lek. Hinerùgì hinagaiya'lak aike inabok palhìk, ùkùm inoba hìgìk, egep halok he, wene Ala nen ninasuk wasike wene a'nogoat weak ìlùk u hagat ìkì lagep atì. Nen, wene atì weak ìlùk ìkì lagep halok, wene atì hinasuk hologo hagatì lagep hùk. We, hit en he, “Wene atì weak. Ebe hano re, tì'nogo usak mene isikomo,” ìlùk u hak ìkì lagep atì.


Holoat Ala ane aike halal waganogo hìkì logolìk, mel isukwa: “Hìmì inetawìrogo logolìk elele waganek motok welagaikarek atì hak, Ala nen Areagùn nina'la hinasikomo ninebe etawìrogo logolìk, elele waganogo ha'nisek welagarek,” ìlùk helal waganogo hesukwa atì, hit hina'la nen he, “We, tùlemat isukwa,” ìlùk akìkì lagep a? Tùlemat isukwa lek o.


Nerùgì nagaiya'lak. Atì'nogo serogo logolìk he, Ala nen ùkùm hinoba heinogo ìlùk, hit-hit ìkì logolìk, “Nagaiyak ari oabùt hagarì'logo nabìt e,” ìlùk inabok palhì'lek logoino o. At Ala nenat ùkùm apùnì inoba hìgìk, kotìk, igin atì, kwe ape ba horok asi waga atì lakhani!


Atì'nogo logolìk, hit en he, “Nit weak mene awe a'ma were'ma, Ala nen hele hikalogo ninalepma hinasikomo welago,” ìlùk, weak aike hinagasogo hagatì logogùp. We, hinoabùt Ala atìtigeke logolìk hagasusak mene higit hogoat hagatì logoino o.


At en he, “Weak aike hagatì'legat. Nen, apeliak ikenem, apùnì aike inasuk holhì'legat o.”


Wene atì hesik mel isukwa: “Apùnì inoabùt ninopase Etagepogot a'la walok akikerek mene higit hogo hagarì'lùgì mene hùgì, at eileken inoba logolìk, sapan ayoko hikenem inane asuk holherek o. Meneat he, it weak hagarì'lùgì mene hùgì, elokoken age warisikerek o, atì nen, sa nen, An neluk aike inom logoile, ninhùp-nanhùbat hano mene nek haga'laganem hìkì logoile, ìlùk logou walok halok he, ameli ba weak wene ìgì'lek welagìk, ape ba nen apeliak apùnì aike lalinapì'lek welagìk, weak mene apotma heraksalùk hano mene nek hagatìk, oabùt apùnì aike inom lapuk hogo hano welagaikarek atì mene esinethìlìk omamerogo hagarìk lagìk, ìkì logousak o,” ìlùk Ala ane ba helal waganogo hesukwa.


Ati nen, hit en he, apùnì yì mene tì mene walok en inetaùken nen nikerek atì mene heraksìlìk, hùlì yogotak hùlì nen he, hineluk logolìk Ala a'la walok akikerek mene atì nek hagatì logoino o.


Meneat he, yogotak hit hinoabùt it weak inamolorogo motok hagarìk lagaikarek atì hak hinom hagatì'lek kamo ìkì lagep atì nen, hit hinabok weak palì'lùgì atì.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ