1 PETERÙT 1:8 - Ala Ane Wene Ket Mene Warogo Wo'ninapike Wene

⁸ Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.

1 PETERÙT 1:8 ပူးပေါင်းရင်းမြစ်များ

MATÌÙT 10:37

Nen, an he, hinabìt negen akìkì logolìk he, hinopase hinagosalak hinetawì welagep halok he, an nagoromì asusak lek o. Nen, an hinabìt negen logolìk hinagainapùrì mel, hina'logomì mel, hinetawì welagep halok he, an nagoromì asusak legat o.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

YOHANET 14:21

At sa nen, an nen, yì'nogo hagatì logoino, tì'nogo hagatì logoino, ìlùk yogohisìgì mene atì, nane hologo hagaterek halok, an nebe awaken hutik mene at atìat o. Nen, nopase nen at atì ataùken hutigat. Nen, an nen at atì netaùken hutik logolìk, nebe hùthanuagalùk yakùlesigin o,” ìlùk yogoisasikomo,

YOHANET 14:24

Nen, at sa nen, an etaùken hutik lek halok he, an nane hologo hagaterek lek atìat o. An nane hit holhì lagep atì re, an nane mene hùk. We, an nopase lakhani wagaike mene a'nogo ane o.

YOHANET 16:22

Hit ati'nogo at. Yogotak hina'la weak welagep meneat he, hobuk an ninom apì asugun atì sat, hina'la hai apik hakogoin o. Nen hit hina'la hai atì, it apùnì aike nen legetsogoin motok lek o.

YOHANET 20:29

at Yesùt en he, mel yogosike: “Hat he, heileken arat neegetik en eberogoat ìlùk hetaùken noba hìpìrethegen. Atì'nogo meneat he, it apùnì aike ineileken nììgì'lek meneat he, inetaùken noba hìpìrethogoin halok he, ina'la hai hakogoin o, ìlùk eberogoat yogohetì,” ìlùk yogosike.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

LAKSASIKE 16:34

Ima pelaginapukwama, at Paùlùt Silat eperak at kain a'nogo nen aua wogisek lagaikesik he, sùpùrùk melagisasike. Melagisasikesik, at againapùrì inom obogat en inetaùken Ala oba hìpìrethesukwasik nogo nen, ina'la hai hakasukwa.

ÙRÙM 15:13

“Hobuk hano asigin,” ìlùk nina'la hai hakogorek atì, ero at Ala nenat haga'ninaperek. Hit atì'nogo hina'la hai hùkorogo hakìkì logouagalùk Ala Areagùn omame ba hagathinabuak. Atì'nogo hagathinabuak en he, hinetaùken at oba hìpìrethesigip atì ba hakothìlìk were'ma, at en hina'la hai apik hakìkì logouagalùk hagathinapìk, hinetaùken hapuguthinapìk, uak o.

1 KORÌTÙT 16:22

At aike nen, ninoe Etagepogot etawì lek halok he, Ala nen at atì ebe homan houak o. Mene re, ninoe Etagepogot hepok eme o, u hak, Maranatha, ìlùk ìgì atì.

2 KORÌTÙT 4:18

Nit he, yì mene tì mene nineileken hogorek mene atì lek asigin meneat he, nineileken hogorek lek mene atì esok motok logogin atì nen he, nineileken hogorek mene atì hesik ninot somarogo hagatì'lek, we, nineileken hogorek lek mene atì hesik ninot somarogo hagatì lago o.

2 KORÌTÙT 5:7

Nit he, nineileken hìkì lago mene yoma oba hakothìlìk welago hùk. We, ninetaùken at Yesùt oba hìpìrethìlìk welago.

2 KORÌTÙT 9:15

At Ala nen hano motok nit en pìlìngìrogo usak mea mene wo'nisasike atì hesik hogoratì logouok o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

EPESÙT 6:24

Hit ninoe Etagepogot Yesùt Karìsùt kopologo hebìgì'lek, hinetawì motok logogun mene hùgì obogat, Ala oabùt hano a'nogo nen hakhisek logouak o.

PILIPI 1:25

An wene atì hesik hùthìlìk, logogin, ìlùk nelu o. Hit hinetaùken Ala Oba hìpìrìk logolìk, wurik agìk, hina'la hai hakìgìk, ìkì logouageip en he, hit hinebe obogat ninom logogunat o.

PILIPI 3:3

Nit he, ninogat ninekalìma mene arat palek logou hak, ebe meneat hagatì lago. Ala Areagùn nen nina'la kagalho kolek, Ala ebe hogoratìk, Karìsùt Yesùt ninom hutik welago, ìlùk, hogorakìgìk, ìkì logolìk he, yì wene tì wene ninogat etakwe yì hesik hagatorek atì ba hano'ninabigin ìlùk akìkì lago lek.

PILIPI 4:4

Halok he, nerùgì nagaiya'lak. Hit ninoe Etagepogot hinom hutik logolìk, ninhùp-nanhùbat hina'la hai hakiko motok logoino. Hobuk nane etenogo yogohisagat: Hina'la hai hakikoat logoino.

IBERANI 11:1

Inetaùken Ala oba hìpìrìk welagaikarek atì ebe re, yì'nogo. “Hano asigin,” ìlùk eberogoat akìgìk, “Yì mene tì mene nineileken hìgì'lek meneat he, eberogoat weregat o,” ìlùk hùthìgìk, egarek atìat o.

IBERANI 11:27

Atì'nogo akìlìk wùlìpikesik he, etaùken Ala oba hìpìrethìlìk, “Ap kain Piraùn atì a'mage lagousak atì nayùk e,” ìlùk a'la akìgì'legat, Ala ebe nineileken hogorek lek mene atì eileken hìkì logolìk negen, “Netaùken at oba lakhìgìrì'mo re, wùlìbiginat o,” ìlùk o Mesit heraksalùk wùlìbi wagaike atì.

1 PETERÙT 1:6

Atì nenat, yogotak ya, Ala nen hinoabùt paligìlùk ikenem, hinoba yì aik tì aik hìkì logolìk, elama hesik hina'la weak arì'logo meneat he, hina'la hai hakìkì logoino o.

1 PETERÙT 2:7

Hit hinetaùken at oba hìpìrìk mene nen he, “At hano motok,” ìlùk hùthìkì lagep atì, Meneat he, it aike inetaùken at oba hìpìrethìgì'lek mene hesik enek he, mel isike: “It ap tukang o helep mene wùtarek mene nen, o ebe wùtì logolìk he, Helep yì weak, ìlùk heraksasukwa mene atì obùleat ya'lagama o,” ìlùk isike.

1 PETERÙT 5:4

Atì'nogo hagato were'ma re, ninoe ako esewerek a'nogo wesipik he, “Hano motok hagatì lagepma,” ìlùk oko hogorato motok logogun mene wokhisegein o.