1 PETERÙT 1:5 - Ala Ane Wene Ket Mene Warogo Wo'ninapike Wene

⁵ Hinetaùken at Ala oba hìpìrìk welagep atì nen, at omame ba hakhisek logopik he, hobuk hinebe hanothinabigin mene wùrep oba weinamethegein atì.

1 PETERÙT 1:5 ပူးပေါင်းရင်းမြစ်များ

YOHANET 12:48

At he, at atì an nebe wo'nabu abìrat, nen nane tùkùm hogo wanusak abìrat, atì nen, at atì ùkùm oba hegein mene werek o. Ùkùm oba hegein atì re, o elùgùn oba tegelinabigin atì ba, an nen wene yogohisìkì lagì atì baat ùkùm oba asigin o, ìlùk atì'nogo yogohisìkì lagì atì re,

YOHANET 17:15

Hat en, it apùnì kweangma mene ina'la nen it enek kìgìlogo woginabinok en ìlùk kìno yogohetì lagì hùk. We, at weak mene a'nogo nen weagarinabigìlùk inoba waganem, hat en serisek logoinok en ìlùk yogohetì lagì o.

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

ÙRÙM 11:20

Atì'nogo higirat akìkì lagep meneat he, hina'la ebe'ni. It inetaùken Ala oba hìpìrethìgì'lek en palogo laksasike. Mene re, hit enek he, hinetaùken Ala oba hìpìrethesigip atì nen wokhinapikomo welagep atì. Halok he, hinokawerek en hogorakìgì'lek, hinayùk hogo logoino.

ÙRÙM 8:18

Nit o yogotak welago ya ba re, yì aik tì aik hìkì lago atì, hamùlùgat negen. Mene re, hobuk, Ala nen ninebe hunigat mene haga'ninapenem hogo'ninabugun atì nek he, hùkoat o. Halok, eperak walhamo re, eperak higit lek, na'la akìkì lagì o.

1 KORÌTÙT 1:21

At Ala a'la motok kagalek atì nen he, mel isike: “Apùnì kweangma mene nen, inokawerek inawene kagauk hogo egarek atì nen he, an nebe inelu asusak mea o. We, it aike nen wene ebe wene yogoisìlìk nikenem, it apùnì kweangma mene nen akìkì logolìk he, Wene ati apùnì kepù mene nen egarek hake ìlì'lùgì, ìlùk iko kolegat he, it aike nen, Wene ati eberogoat, ìlùk akogoin mene halok, an nen telinabiginat o,” ìlùk oba lìok ìlìk okawerek enat isike.

2 KORÌTÙT 1:24

Hit hinetaùken Ala oba hìpìrethesigip mene atì, eberogoat ìlùk hinetaùken hapuk hogo welagep atì nen he, nit en, “Hinetaùken tì mene oba hìpìrethousak,” ìlùk ninane ning hogo yogohisogoin lek o. We, hit hina'la hai hakoageip ìlùk lebethisìkì lago atì.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

EPESÙT 2:8

Hit hinetaùken at oba hìpìrethikenem he, at oabùt hano a'nogo nen telhinapikomo welagep atì, ero hinokawerek en telegep hùk. We, yì mene tì mene oko legat wogisagarek hak, at Ala nenat telhinapikomo welagep atì.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

PILIPI 1:6

At Ala nen hit hano hagathinabigìlùk, emakum eki hakhikasikesik he, hano hagathinapì logopik en, hùlì at Yesùt Karìsùt wesigin atì like o eil hotologo wutarek hak, hano hagathinabi wesigin atì eberogoat ìlùk, netaùken hapuk hogo welagì.

PILIPI 4:7

Atì'nogo yogotì logogun halok, Karìsùt Yesùt hinom hutik welagasep atì nen, at Ala nen apùnì nen hùthasak lek mene elalinat hinetaùken hapuguthinabìk he, wenesùgì ebetì lagep mene atì, at enat sebelogo hakhisek logogin o.

2 TIMOTÌÙT 3:15

Hat hebe yekerek oba nenat Ala ane helal waganek atì helu welagatek atì, ha'la eberek motok logousak o. Atì'nogo logolìk, hetaùken Karìsùt Yesùt oba hìpìrìk were'ma, Ala nen telhabusak mene hùthanogolùk, at ane helal waganek atì baat ha'la elogat kagalusak werek o.

TITUT 2:13

Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

IBERANI 6:12

Hit hinaberalì weak hagatì logousak he, ninabìt o. It apùnì alep inetaùken Ala oba hìpìrethìlìk inaberalì agì'lek, it en he, “Eberogoat wanugun,” ìlùk akìkì lagaukwa ba, Ala nen he, “Hit wokhisegein,” ìlùk abok yogoisasike mene ebe wanhukwa atì hak, hit atì'nogoat it inoabùt waganogo hagatì logoino o.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

1 PETERÙT 1:13

Ati nen he, wene atì hùthìlìk he, kwe humusek lùogolùk inobakwe hele ning hogo homatarek atì hak, hinoabùt hebelogo, hinetaùken wekelogo logoino. Ati'nogo logolìk, hina'la nen he, “Ala nen Yesùt Karìsùt ebe weinam hogo lakhei waganem hano mene wo'nisa wesigin o,” ìlùk hinetaùken at oba lakhìlìk oba eberek motok logoino o.

1 PETERÙT 4:13

At Ala nen Karìsùt ebe weinam hogo lakhei waganem, hogorasugun atì like, waganem hina'la hai apik hakùogolùk, hina'la nen be, “At Karìsùt oba yì aik tì aik hìlìk hìlìk wa'lagaike hak, nit at ninom hutik logolìk atì'nogoat hìkì lago,” ìlùk hina'la hai hakìkì logoino.

1 PETERÙT 5:1

Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

2 PETERÙT 1:3

At Ala esok motogat logolìk, yì mene tì mene elalinat hagatenem hogorato motok welagaikarek mene a'nogo nen ninayoko hesike atì. Halok, nit en at ebe sekek hogo ninelu arìk, nit ninebe nineluk logolìk, at hesik higit hogo hagatì logouagalùk, at okawerek omame ba yì mene tì mene wo'nisasikomo ese agosik welago.

1 YOHANET 3:2

Nerùgì nagaiya'lak, netawìlak e. Yogotak nit ninebe Ala againapùrì welago meneat he, hobuk ninebe logogun mene weinamethìgì'lek oan hinago werek o. Atì'nogo meneat he, nit ninelu re, Yesùt ebe yogotak werek mene nineileken tùkùm hogo hogoin atì nen, at wesigin atì like ebe waganem, nit ninebe at ebe werek atì hak haga'lasugun o.

YURAT 1:1

An Yùrat, Yakobùt agot, Yesùt Karìsùt atitigeke a'nogo nen, hit wene yì helal waganogo hinoba lakhei wagì atì. Nerùgì nagaiya'lak. Ala nenat hinayoko hesikesik hinebe etawì logolìk, Yesùt Karìsùt hesik sethisek werek atì.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.