1 PETERÙT 1:22 - Ala Ane Wene Ket Mene Warogo Wo'ninapike Wene

²² Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

1 PETERÙT 1:22 ပူးပေါင်းရင်းမြစ်များ

YOHANET 15:17

Nen, an nen wene yogohisìgì atì, ebe esin he, Hit-hit netawì-hetawìrogo logoino o, ìlùk yogohisìgì atìat o,” ìlùk yogoisasike.

YOHANET 15:3

Nen, hit he, an nen wene yogohisìgìrek atì nen he, hinobùseka hake palogo wusa yogologo hikasigimo welagep o.

YOHANET 17:17

Hat hane egetek atì re, ebe weneat. Nen, hane ebe wene atì ba, it inebe hat hokawerek hesigat logouak en wenagasogo hisan o.

YOHANET 17:19

It inebe hat hokawerek hesik ebe wene ba wenago logouagalùk he, an it hesik nebe hat hagagìrìk wenago welagì o.

LAKSASIKE 15:9

It hùnogoat hagarinapìk, nit hùnogoat haga'ninapìk, ìgì'lek o. We, it en Yesùt ane eberogoat ìlùk wanhukwama re, at en ina'lakwe horinapike atì.

LAKSASIKE 6:7

Atì'nogo hagatì lagaukwama re, Ala ane hùko aga logolìk, apùnì o Yerusalem mene Yesùt ane wanhukwa mene inebe apigat haga'lagaukwa. Atì'nogo haga'laganem, it ap Ala esewerek mene amanogo inebe esa hùkoat en, wene atì wanhukwasik inetaùken Yesùt oba hìpìrethesukwaat.

ÙRÙM 1:5

At wa'lagaikesi'mo nen Ala Areagùn nen eluguthesike atì ba, an nen yì apùnì tì apùnì inùkùl etage lopok inetaùken at Yesùt oba hìpìrethìlìk ane hologo hagati logousak mene yakùlisikenem, at etage hùko asuagaluk Ala oabùt hano nen nayoko hìlìk lakhani wagaike o.

ÙRÙM 2:8

Atì'nogo meneat he, it apùnì o'moko nen inokawerek hesik enek hagatì logolìk, ebe wene ikenem inasuk hologo hagatì'lek heraksìlìk, weak wene nek inasuk hologo hagatarek mene atì, Ala a'mage heperìlìk ùkùm hùkorogo inoba hegein o.

ÙRÙM 8:13

Hit hinoabùt apùnì hinoabùt hinesogat logolìk hagatì logogun halok, hinebe motok wa'lasugun atì. Mene re, hinoabùt atì'nogo hagasusak hagathinapenem, Ala Areagùn ayoko hìlìk, at omame ba watsìkì logogun halok he, hineluk motok logogun o.

2 KORÌTÙT 6:6

Atì'nogo hìkì logolìgat he, ninoabùt weak hagatì'lek tegelek logolìk, hano wene ninelu welagìk, ninepe morogo welagìk, ninoabùt enago welagìk, ìkì lago. At Ala Areagùn nina'la logolìk apùnì inebe eberogoat ninetawìrogo welago.

KALATIA 3:1

Hit apùnì o Kalatìa mene hinetaùken lek hagati lagep atì rì! Yesùt Karìsùt ebe e ba menhìlìk wasukwa wene a'nogo hineilhanemat sekek hogo yakùlhisasugu meneat he, wene hobuk sa nen hina'la kagalhomo atì'nogo hagatì lagep.

KALATIA 5:5

Mene re, nit en, ninetaùken Karìsùt oba hìpìrethesugusik, “Ala Areagùn nen tì'nogo lebe'nisiko kolek, Ala nen ùkùm ninoba mene korogo wokhìlìk, at ninom hobuk ninapotkwe hùnogo hinegein werek,” ìlùk oba eberek welago atì.

KALATIA 5:7

Apùnì sa awewerek sa awewerek lagaikarek hak, hit hageat he, ebe wene atì hesik hinoabùt akiluk hogo hagatì lagagip meneat he, hobuk sa nen hina'la kagalhì lagama ebe wene atì hologo higit hogo hagatì'lek, hina'la pùk welagep nogo.

EPESÙT 4:3

Ala Areagùn nen ninebe omakeat mene hùnogo hinikomo logolìk, inebe hano lapuk hogo welagaikarek atì mene esinethìkì logoino o.

PILIPI 1:9

An nen sapan hit hesik ìkì logolìk, mel ìkì lagì: “Yì mene tì mene awì yatenem ero hùko arìk wùlùperek hak, hit ebe wene tùkùm hogo hinelu agìk, hùthìgìk, ìkì logolìk, apùnì inebe hinetawìrogo welagep atì mene hùkorogoat hinetawìrinapì logouageip en,” ìlùk, sapan ìkì lagìat o.

1 TESALONIKA 3:12

Nit en hit hinebe ninetawìrogo welago hak, hit en atì'nogoat hit-hit hinetawìrogo hagatìk, apùnì obogat hinetawìrinapìk, hùkorogoat hinetawìrinapì logouageip en, ninoe Etagepogot en hinoabùt inetawìrinaparek atì mene oba louk hogo aike inomat wokhisìkì logouak.

2 TESALONIKA 1:3

Nerùgì nagaiya'lak. Hit hinetaùken Karìsùt oba hìpìrìk welagasep mene atì, aike inom hùkorogo hìpìrethìgìk, hit-hit hinebe lopok netawì-hetawìrogo hagatesep mene atì, aike inom hùkorogoat hinetawìrinapìk, ìkì lagep atì nen, nit en hit hesik Ala hogorasusak meneat hogorato motok welago.

2 TESALONIKA 2:13

Nerùgì nagaiya'lak. Hinebe ninoe Etagepogot en etawì werek o. Ero ba Ala nen hinebe telhinabigìlùk wenakhinapikomo, hit en ebe wene atì eberogoat ìlùk wanhìk, nen, hinebe Ala Areagùn nen Ala okawerek hesik hakìlìk tegelogo hisìgìk, ìkì logogun atì ba telhinabigin atì nen, nit Ala hai wasusak higit hogoat, hit hesik hai wato motok welago.

1 TIMOTÌÙT 1:3

An o Epesùt en o Maketonia yoma wesigìlùk he, hat ha'la kagalogo wene mel ìlùk yogohesigi akìgì: “Hat hebe o yoma logoino. Logolìk he, it aike nen wene ebe mene lek. We, hùnogo mene yakùlisìlì'lùgì mene atì ìgì'lek kamo uagalùk inasuk watì logoino.

1 TIMOTÌÙT 1:5

Inetaùken Ala nen horinapenem he, inokawerek ina'la nen he, “An wene noba lek, na'la selek welagì,” ìlùk akìkì logolìk, inetaùken eberogoat Ala oba hìpìrethìlìk welagaikarek atì nen, apùnì inetawìrogo welagaikarek o. Halok he, it atì'nogoat logouagalùk inasuk watì logoino, ìlùk yogohesigi atì.

1 TIMOTÌÙT 4:12

Hat hebe elege oan welagen atì nen, it apùnì aike nen ina'la meathagousak lek o. Hebe elegeat logolìk, apùnì aike inetaùken Ala oba hìpìrìk werek mene hùgì nen hat hoabùt wanuagalùk, hane higit hogo yogoisìgìk, hoabùt higit hogo hagatìk, apùnì hetawìrinapìk, hetaùken Karìsùt oba hìpìrìk welagìk, weak hagatì'lek heil lopok hogo welagìk, ìkì logoino.

1 TIMOTÌÙT 5:2

hìmì inalùgetek atì re, hagosalak negen hinom welagìk, hìmì tùgùm mene salisik mene atì re, herùgì negenat, ha'la weak mene ebetì'lek heil lopok hogo hinom welagìk, ìkì logolìk, inasuk hanorogo watì logoino.

2 TIMOTÌÙT 1:14

Ala nen he, “Wene hano mene atì apùnì aike nen weagatheinogo ìlùk, hanorogo ha'narek logoino,” ìlùk, ninoba hesike mene atì, at Areagùn nina'la hesikomo werek atì omame ba hanorogo hesogo logoino.

IBERANI 11:8

At Aberaham hogo re, Ala nen ayoko hìlìk, “Hat o aike ese logoinogolùk wokhesik en he, lano,” ìlùk abok yogosikomo, at en he, “Wene atì eberogoat,” ìlùk etaùken Ala oba hìpìrethìlìk o koma legein heat okot logolìgat wagaike.

IBERANI 13:1

Nerùgì nagaiya'lak. Ala againapùrì hinebe omakeat mene negen netawì-hetawìrogo hagatesep mene atì, atì'nogo hinom hutigat hagatì logoino o.

IBERANI 5:9

Atì'nogo yakùlhì logolìk, elugùn warogo katok hogo hagasikomo, nit at ane hologo logogun mene hùgì ninebe obogat nineluk moto'-motok logouagalùk at ebe telninapùkwe mene ero hagarogo hesike atì.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

IBERANI 9:14

It inogat etakwe mene hesik wam amep mea mene ba elok hano horinapì lagaukwa. Halok, nit Karìsùt amep esin mene ba, “Ùkùm hinoba lek,” ìlùk nina'la selek hogo elok motok hinikerek o. Nit Ala eluk welagarek mene a'la hanorogo hagatì logouagalùk, wam esi hano mene Ala waretì lagaukwa atì hak, at Karìsùt Ala Areagùn esok motok welagarek mene omame ba, wa'laga logolìk, ebe Ala wogosike atì ba, nit alebat lek asigin mene tùlemat hagatì lagagu mene, at en, “Ùkùm inoba lek,” ìlùk, at amep oba nina'la selek hogo hinikomo welago.

YAKOBÙT 1:21

Ati nenat, yì weak tì weak hinekalì lek hagarìk negesep mene atì heraksìgìk, kolo hùkoat hagarìk negesep mene atì heraksìgìk, ìkì logoino o. Wene hano wene Ala nen hina'la awì yagasogo hesike mene atì ba elok telhinabusak atì nen, at awe a'ma kìlìk, at en wene hina'la kagalì'logo mene atì wanhì logoino o.

YAKOBÙT 4:8

Hit Ala oba lopok hogo lagep halok he, at hogo re, hinoba lopok hogo wesiginat o. Hit weak hagatì lagep mene atì, hineki bakwe horogo hebisìkì logoino o. Hinetaùken pìre agorek atì, hina'la weak mene horogo laksìkì logoino o.

1 PETERÙT 2:17

Apùnì obogat hinetawì nek logolìk hinane agauk hogo yogoisìkì logoino o. Atì'nogo yogoisìkì logolìk, hinerùgì hinagaiya'lak Ala againapùrì mene aike hinetaùken hutik logoino o. Logolìk he, Ala ebe hinayùk hago welagìk, nen, Kaisat etagepogot pemerintah mene inoe kain atì hogoratìk, ìkì logoino o.

1 PETERÙT 3:1

Ati hak, hit hìmì aike hinagonì Ala ane wanhì'lek mene hinane yogoisogoin oba hùk. We, hinoabùt hineil lopok hogo hinagonì inane hologo hagatenem, it en ineileken hisìlìk, Ala werekwe wìrìk ane wanuagalùk, hinokawerek hinagonì lopok inawe a'ma kìlìk inane hologo hagatì logoino o.

1 PETERÙT 3:20

Inamokareke atì inebe re, hageat at Nu nen i so Wùto kolek, Ala oabùt hano nen serisek werek kolegat he, wene wanhì'lek heraksìlìk weak hagato motok were'ma i hu nen inoasikomo wa'lagaukwa mene atì. Atì'nogo inoato kolegat he, it aike so a'la kìlìk welagaukwa mene, inebe 8 nen hamùlùgat i hu atì ba telinapike atì.

1 PETERÙT 3:8

Wene atì elùgùn warogo mel yogohisak. Hit hinebe obogat hina'la nen he, “Ninebe Ala againapùrì ninerùgì ninagaiya'lak ninom,” ìlùk hinetaùken hutik logolìk, hina'la omakeat mene akìgìk, hinetaùken omakeat mene ebetìk, ìkì logoino. Atì'nogo ìkì logolìk, hinokawerek en hogorakìgì'lek, hinetaùken seberogo logolìk, hit-hit netawì-hetawìrogo hagatì logoino.

1 PETERÙT 4:17

Ala nen ninanema waganogo ùkùm ninoba hìgìk, kotik, igin atì arat horogat asi waga. Atì'nogo hagatì logolìk he, nit Ala againapùrì mene tak ninanema waganogo ùkùm ninoba hìgìk, kotìk, ìgìn halok, hobuk it apùnì aike Ala ane hano wene wanhì'lek mene nìkì'nogo hagarinabigin akegep.

1 PETERÙT 4:8

Wene esin hake re, hit-hit netawì-hetawìrogo hagatì logolìk, aike nen aike weagathegein mene sagalogo motok legethogoin atì nen, hit-hit hinerùgì hinagaiya'lak hinom netawì-hetawìrogo motok hagatì logoino o.

2 PETERÙT 1:7

Ala a'la walok akikerek higit hogo hagatì logolìk, atì mene oba louk hogo re, inerùgì inagaiya'lak inetawìrogo welagaikarek atì mene, ese a'no. Hinerùgì hinagaiya'lak hinetawìrogo logolìk, atì mene oba louk hogo re, apùnì inebe obogat inetaùken hutik welagaikarek atì mene, ese a'no.

1 YOHANET 3:11

Wene Ala nen he, “Hit-hit netawì-hetawìrogo logoino o,” ìlùk yogonisasike mene, apùnì aike nen yogohisasukwama ero ba nen hinasuk holhigip atìat o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

1 YOHANET 4:20

Atì'nogo meneat he, apùnì nen inerùgì inagaiya'lak ineileken isagarek mene inetawì lek logolìgat he, Ala ineileken hagarek lek mene inetawì logousak akegep? Mea o. Halok he, at aike erùgì agaiya'lak apsìrì welagarek mene nen, “An Ala netawì,” ìlùk ìlì'logo halok he, apeliagat ìlì'logo o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.

ABÌKAKAN 2:4

Atì'nogo meneat he, emakum hinetaùken an noba hutik welagagip atì hak, yogotak atì'nogo welagep lek atì nek he, Weak hagarì'lùgì, ìlùk hinoabùt palhì lagì o.