1 PETERÙT 1:20 - Ala Ane Wene Ket Mene Warogo Wo'ninapike Wene

²⁰ Karìsùt, Ala nen kweang pogot oan elalhì'lek logolìk, a'la akalùk ayoko hesikesik welagaikesik en, ebe yogotak o wùrep oba hit hesik weinam hogo lakhei wagaikomo hinebe telhinapike atì.

1 PETERÙT 1:20 ပူးပေါင်းရင်းမြစ်များ

EPESÙT 1:4

At Ala nenat ninebe at okawerek hesik hakìlìk, at eilhanem tegelek logouagalùk, pogot kweang oan elalhì'lek logolìk, wena'ninapike atì ebe at Karìsùt enat wena'ninapike o.

IBERANI 9:26

At en he, it alep hagatì lagaukwa atì hak haga'lepma re, kweang elalhike hùlì nen pìkìt yogotak hùlì, eki hobugalep yì aik tì aik hìkì logolìk wa'laga logoilep. Atì'nogo meneat he, o elùgùn oba nit weak hagatorek mene legetsagalùk eki omake hesigat warn Ala waresu hak, okawerek ebe wa'lasi wagaike atì.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

IBERANI 1:2

Meneat he, o elùgùn oba, nit yogotak welago ya ba re, Ala nen wene atì aput yogosikomo, at en nit yakùlnisa wagaike. Aput atì re, ero ba Ala nen yì mene tì mene obogat elalhike atì, ebe at aput enat elalhikomo, esewerek logouagalùk menhesikomo logogin atì.

KOLOSE 1:26

Wene atì, o holoat ero ba nen yì tahun tì tahun haga'laga logolìk, apùnì ta'larìk waga kolek, Ala nen apùnì yogoisìgì'lek ineilmasirogo at a'la hinago welagaike. Meneat he, yogotak nit at againapùrì mene halok, sele'ma hukalogo yogonisasike atì.

EPESÙT 3:11

Ero ba nen, at Ala nen atì'nogo haga'ninabigìlùk a'la akasike mene atì, at ninoe Etagepogot Karisùt Yesùt en hagasuagalùk lakhei wagaikomo, ebe hagasike atì.

EPESÙT 3:9

At Ala yì mene tì mene obogat elalhike mene a'nogo nen akìkì logolìk, Ebe tì'nogo haga'lasigin, ìlùk, wene a'la hinago welagaike mene, apùnì obogat weinam hogo yogoisìlìk nìkì logouagalùk nayoko hesike atì. Nen, it ap malaikat pogot obakwe yoko negarek mene amanogo inogogì kaintek mel, inane hologo welagaikarek mene mel, nit Ala againapùrì nen he, “At Ala yì hesik tì hesik a'la motok kagauksek,” ìlùk he, yogoisikenem yogotak ya inelu asuagalùk, hageat en wene atì Ala a'la hinago motok welagaike.

KALATIA 4:4

Were'ma re, at Ala nen aput ayoko hìlìk kweangma lakhei wesusak arat higit asi wagaikomo re, lakhei wagaikomo, he kweangma mene nenat tasike. Atì'nogo tasikomo, wene Ala nen ninasuk wasike wene a'nogo awe a'ma logolìk asuk hologo hagatì lagaike.

1 YOHANET 1:2

Nen, at eluk motok welagarek mene atì, ebe opase eperak eluk motok welagaikesik en, opase nen nit nineileken hoagalùk weinamethesikomo nineileken hasugusik enat abok yogohisìkì lago o.

EPESÙT 1:10

Wene at a'la hinago welagaike atì ebe re, hobuk haga'lasusak oba haga'lasi laganem, at en yì mene tì mene pogot oba welagarek mene inom, kweangma welagarek mene inom, obogat lapuk hogo Karisùt aligat awe a'ma hisegein mene hesik abok yogonisasike atìat o.

ÙRÙM 3:25

Alebat, at Ala nen he, nit apùnì weak hagato kolek, ninoatì'lek epe morogo welagaikesik en, yogotak at oabùt higit hogo hagaterek a'nogo enagat haga'lasuagalùk, Yesùt lakhei wagaike. Wagaikomo ebe watenem amep pisike atì ba, nit apùnì ninetaùken at oba hìpìrethogo mene hùgì, at ninom ninapotkwe hùnogo hinoagalùk lakhei wagaike atì. Ala nan nit apùnì ninetaùken Yesùt oba hìpìrethogo mene hùgì, ùkùm ninoba mene korogo wokhìlìk at ninom ninapotkwe hùnogo hinìkì logolìk he, at higit hogoat hagaterek ìlùk yogotak oabùt enagat haga'laga atì.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

1 YOHANET 3:5

At Karìsùt okawerek weak hagatì'lek logolìk, nit weak hagatorek mene sagalogo legetsagalùk, ebe weinam hogo wagaike atì hinelu o.

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

IBERANI 2:14

At en he, “Apùnì atì an nagainapùrì,” ìlùk isike atì re, nit apùnì wa'lagorek mene hesik isike atì nen he, at ebe wa'laga logolìk, nit apùnì wa'lagorek mene ero at Ibilit eki ba welagarek mene atì, at Yesùt en at Ibilit ebe mabenetsìgìk,